týsdagur 17. september 2019síða 23

23 Sosialurin Hugskot og viðmerkingar – send sms til 225000 Mikudagur 18. september 2019 · Nr. 107 Tróndur Arge Tað verður eitt satt brak við Løkin í kvøld klokkan 19. NSÍ tekur móti KÍ í einum dysti um avbjóðaraplássið til FM- stríðið. B36 er fimm stig fremst, eftir at liðið vann 3-0 við Løkin sunnukvøldið. Úrslitið merkir, at B36 nú er FM-favorittur og at tað bara er pláss fyri einum avbjóðara. Tí tapandi liðið í kvøld er fimm stig aftanfyri B36 við fimm umførum eftir, og skal yvirhálað vinnarin av innanhýsis dystinum. Hartil møtast liðini, NSÍ og KÍ, eisini aftur í 26. umfari. Klæmint er ivasamur Sunnukvøldið vann B36 3-0 á NSÍ við Løkin. Sermerkt fyri dystin var, at tað var minni munurin í spæli. Her mundu liðini hava eins nógvar møguleikar, men bara B36 fekk mál. Tað r afturgangandi fyri avrikini hjá B36 í ár, tí liðið hevur bestu verjuna. Hinvegin er NSÍ mest skorandi liðið, men var uttan toppskjúttan í deildini, Klæmint A. Olsen. Hann byrjaði at á bonknum og kom ikki inn fyrr enn í seinna hálvleiki. Fleiri halda, at tað er ein stór orsøk til at NSÍ rann aftaná alt sunnukvøldið. Sjálvur sigur liðskiparin hjá NSÍ, at hann enn er merktur av mateitranini, sum hann fekk á landsliðstúrinum í Spania. Klæmint A. Olsen vandi mánakvøldið, men tað er ikki komin heilt fyri seg. -Tú er púra drenaður fyri orku og tí spældi eg ikki frá byrjan móti B36. Magin er í ordan aftur, men tað tekur meir enn tveir ella tríggjar dagar at koma seg, sigur Klæmint A. Olsen, ið ásannar at trýst er á NSÍ, eftir tapið móti B36. Sjálvandi leggur tað trýst á okkum. Um tú skal vera við í toppinum, so skalt tú vinna. Tað sleppur tú ikki undan. Tað var undarligt at sita uttanfyri móti B36, tí eg haldi at vit spæla væl. Teir koma uppiborið á odda, men eg haldi vit kunnu skora eitt mál ella tvey í fyrra hálvleiki. Ein javnleikur hevði verið á eini leið, sigur Klæmint A. Olsen. Hann er ein av fleiri landsliðsspælarunum, sum hava verið raktir av mateitran. -Tað var ikki fyrr enn mánakvøldið, at eg merkti at okkurt var galið. Eg spurdi á einum landsliðsbólki, sum vit hava um nakar annar var raktur. Tá finni eg útav at vit eru fleiri, sigur Klæmint A. Olsen. KÍ hevur bestu kortini Í stríðnum um at vinna FM, so hevur KÍ betri kort á hondini enn NSÍ, tí KÍ hevur ein dyst móti B36 eftir. Tí kann KÍ enn avgera FM við at vinna allar sínar dystir. Tað verður undir ongum umstøðum lætta, men tað siga tølini. Tað kemur væl við, at flestu av spælarunum hjá KÍ eru tøkir. Deni Pavlovic hevur sitið uttanfyri meginpartin av seinnu hálvu við leikbanni, men hann er tøkur aftur. Tað styrkir miðverjuna. KÍ hevur tað søguliga torført í Runavík, men tá liðini spældu í landskappingini í Klaksvík vann KÍ 2-0. Sosialurin tippar ein javnleik. Sosialurin tippar 2-2 Seinastu árini hevur heimasíðan hjá Fótbóltssambandinum havt tipping, har trý miðlafólk hava tippað um komandi umfar. Í ár hevur Sosialurin yvirtikið hendan leistin. Sostatt verður tað í Sosialinum, at tú kanst lesa um tippingarnar. Fyribils verður talan um at seta 1, X ella 2 við hvønn dyst. Eftir hvørt umfar verður stigatalvan gjørd upp, har tippararnir fáa eitt stig fyri rætta tipping. Tippararnir eru teir somu sum vóru á heimasíðuni hjá Fótbóltssambandinum. Teir eru Leivur Frederiksen, Kringvarpið, Jákup Ósá, ítróttarskrivari á bolt.fo og Norðlýsinum, og undirritaði, Tróndur Arge. Tipping 22. umfar: Tipping: LEIVUR FREDERIKSEN: NSÍ-KÍ 2 JÁKUP ÓSÁ: NSÍ-KÍ 2 TRÓNDUR ARGE: NSÍ-KÍ 1 STIGATALVAN: 1. LEIVUR FREDERIKSEN 72 STIG 2. JÁKUP ÓSÁ 70 STIG 3. TRÓNDUR ARGE 69 STIG Ikki við: Pætur Hentze (fótskaði, langtíðarskaddur) Ivasamur: Klæmint A. Olsen (mateitran) Ikki við: Óli Eyðsteinsson Poulsen (langtíðarskaddur) NSÍ KÍ Upptakt 22. umfar: Í kvøld verður útsetti dysturin millum NSÍ og KÍ. Tey eru fimm stig aftanfyri B36 og bara annar kann fylgja B36 í stríðnum um FM. Nú er so spurningurin verður tað NSÍ ella KÍ? TAÐ VERÐUR NSÍ ELLA KÍ – IKKI BÆÐI