leygardagur 11. desember 2004síða 2

2 Nr. 238 - 11. desember 2004 Ongar vindmyllur í Neshaga fyrrenn til várs SEV ætlaði at seta tríggjar vindmyllur upp í Neshaga. Men ein seinking í við- gerðini av loyvinum førir við sær at ar- beiðið er útsett í eitt hálvt ár ORKA Snorri Brend Ikki gongur altíð sum tey í SEV ætla og ynskja. Tað fingu tey at sanna í málinum um tær tríggjar vindmyllurnar, ið ætlanin var at seta upp í Neshaga longu í ár. Ymiskar seink- ingar hava nevniliga ført við sær, at eingin mylla verður sett upp har fyrrenn komandi vár. Fyrireikingarnar vóru annars klárar til hetta: Í ár vóru 18 mió. kr. settar av til uppsetingina. Av tí at ar- beiðið mestsum steðgaði upp, hevur SEV ikki brúkt alla upphæddina, men bert brúkt íalt 5 mió. Tær 13 mió., ið enn ikki eru brúktar, eru ístaðin sett- ar av til arbeiðið komandi ár, tá hesar tríggjar vind- myllurnar altso skulu setast upp. Løgin viðgerð Í SEV hava tey undrað seg eitt sindur um gongdina í málinum við vindmyllun- um í Neshaga. Tey halda snøgt sagt, at málið hevur fingið eina heldur løgna viðgerð. SEV fekk nevniliga longu í 1992 og aftur í 1998 loyvi frá Yvirfriðingar- nevndini at sett upp hesar vindmyllurnar. Hóast hetta so noktaði Náttúrufriðing- arnevndin fyri Eysturoyar Sýslu at geva loyvi hesa- ferð. Avgerðin hjá Náttúrufrið- ingarnevndini varð kærd, og fekk SEV viðhald í kær- uni. Men avgerðin hjá hesi lokalu friðingarnevndini hevði tó kortini ta fylgju, at ætlanin við vindmyllunum varð seinkað í eitt hálvt ár. Tí verða tær tríggjar myll- urnar í Neshaga ikki settar upp fyrrenn til várs aftur. Stórur áhugi Tað er neyvan nakar ivi um, at vindmyllur hava stóran áhuga, tá ið tosað verður um útbyggingar við varandi orkukeldum. Og her ynskir SEV eisini at vera við í arbeiðinum at menna hesa orkukelduna. – Vit eiga tó at fara var- liga fram, serliga tá hugsað verður um trygdina og um búskapin, sigur stýrið í SEV. SEV ynskir at menna vit- unarstøðið og at kanna ávirkanina av vindmyllum í el-veitingina. Tí varð gjørd ein avtalu um eina 10 ára royndarætlan við eitt privat partafelag. Henda avtalan fevndi um uppseting av trimum myllum í Vest- manna og trimum í Nes- haga. – Fyri SEV var talan um eitt vánaligt búskaparligt úrslit við hesi ætlanini. Men tað er kortini av stór- um týdningi at fáa til vega eitt so haldgott tekniskt grundarlag sum tilber. – Tí skal henda avtalan eisini síggjast í ljósinum av, at her kann fáast fatur á hentum upplýsingum. Og hesar upplýsingar, kunnu vit brúka til at meta um møguleikarnar fyri fram- haldandi útbyggingum, sigur SEV-stýrið. SEV ætlar at seta upp tríggjar vindmyllur í Neshaga, eins og menn longu hava gjørt tað í Vestmanna. Ætæanin var at byrja í ár, men arbeiðið fer fyrst at byrja til várs