hósdagur 19. september 2019síða 16

FRÍGGJADAGUR 20. SEPTEMBER 2019 SOSIALURIN 108 16 Tað eru tvey sigursvand feløg í føroysku steypakappingini, sum bresta saman leygar­kvøld­ ið. Steypakappingin hevur verið partur av fótbóltsárinum síðani 1955. Finala hevur verið á hvørjum ári við einum undantakið. Undantakið var í 1970, tá ið HB og KÍ kvalifiseraðu seg í finaluna, sum ongantíð varð spæld. HB hevur vunnið steypa­ kapp­ingina nógv oftari enn nakað annað felag. HB hevur vunnið finaluna 26 ferðir. Leirvíkingar og gøtumenn samdust í 2008 um at ganga saman um nýtt fótbóltsfelag, sum teir góvu navnið Víkingur. Frammanundan spældu leir­ víkingar í LÍF og gøtumenn í GÍ. LÍF spældi seg einaferð í steypafinaluna. Tað var í 1986 ímóti NSÍ, sum vann 3-1. GÍ luttók í níggju finalum. Seks ferðir var GÍ steypavinnari – í 1983, 1985, 1996, 1997, 2000 og 2005. Tríggjar ferðir dystaðust HB og GÍ í steypafinaluni. Tað var í 1984, 1996 og 2000. HB vann ta fyrstu 2-0, og GÍ vann 1996 finaluna 5-3 eftir longda leik­ tíð. Tá ið vanliga leiktíðin var farin, var støðan 2-2. Henda finalan man vera ein av teimum minnistríkastu av øllum. Í 2000 vann GÍ 1-0. Tá ið Víkingur í 2008 luttók í fyrstu steypakappingini, hevði HB longu vunnið steypa­kapp­ ingina 26 ferðir. HB var har­við í miðal steypavinnari annað­ hvørt ár frá 1955 og fram til 2007. Tá var HB steypaliðið fram­man­fyri øll onnur. HB vann í 2004 finaluna ímóti NSÍ. Síðani tá hevur HB ongantíð vunnið steypa­kapp­ ingina. Tað eru altso 15 ár síðani, at HB vann steypafinaluna. Síðani 2004 hevur HB tapt tríggjar steypafinalur – í 2007 ímóti EB/Streymi, í 2014 ímóti Vík­ingi og í fjør ímóti B36. Víkingur hevur síðani stovnanina í 2008 vunnið steypakappinga fimm ferðir. Fyrsti finalusigurin var í 2009. Síðani hevur Víkingur verið steypa­vinnari í 2012, 2013, 2014 og 2015. Víkingur hevur harvið í miðal verið steypavinnari annaðhvørt ár frá 2009 og fram til í ár. Nú er Víkingur steypa­ liðið frammanfyri øll onnur. Einasta ferðin, at HB og Víkingur hava dystast í steypafinaluni, var í 2014. 30. august í 2014 vann Víkingur 1-0 ímóti HB. Málskjúttin var Hallur Hansson, sum vaks upp í HB, og sum eitt skifti spældi við Víkingi, áðrenn hann aftur fór av landinum at royna fót­ bólts­eydnuna, og sum nú er lið­ for­maður í AC Horsens í super­ liguni. Fimm spælarar, sum higartil í ár hava verið á HB liðnum, vóru á spælaralistanum í finalu­ni fyri fimm árum síðani. Teir eru Teitur Matras Gests­ son, Jógvan Rói Davidsen og René S. Joensen, sum vóru á vølli­num alla tíðina og Bartal War­dum og Tróndur Jensen, sum sótu á beinkinum. Átta spælarar, sum higartil í ár hava verið á liðnum hjá Vík­ ingi, vóru á spælaralistanum fyri fimm árum síðani. Teir eru Hanus Jacobsen, Atli Greger­ sen, Heðin Hansen og Sølvi Vatn­hamar, sum vóru millum teir fyrstu ellivu í finaluni, Andreas Lava Olsen og Philip Djord­jevic, sum vórðu skiftir inn, og Elias Rasmussen og Gunnar Vatnhamar, sum sótu á beinki­num. Tá ið HB og Víkingur fyri fimm árum síðani hittust í fyrstu og higartil einastu finalu­ ni millum hesi bæði feløgini, var Sigfríður S. Clementsen venjari hjá Víkingi, og Heðin Askham var venjari hjá HB. TAÐ ER GAMLA MÓTI NÝGGJA STEYPA­LIÐNUM HB hevur onga finalu vunnið, síðani tey í Eysturkommunu fyri 11 árum síðani stovnaðu Víking KLUMMAN Tróndur sigur sína hugsan... So er tíðin komin til stóra steypavikuskiftið í fótbóltinum. Aftur í ár hevur ÍtróttarSosialurin gjørt eitt steypablað í samband við steypafinaluna hjá monnum, sum verður leygarkvøldið klokkan 20 millum Víking og HB. Vit hava tosað við tveir royndar spælarar, sum skulu dystast á Tórsvølli leygarkvøldið. Atli Gregersen, liðskipari hjá Víkingi, og Símun Samuelsen, ið er royndasti maðurin á liðnum hjá HB. Tað er eitt sindur sermerkt, at steypasøgurnar ikki yvirlappa. HB hevur vunnið steypakappingina 26 ferðir, men steypaturkurin er nú 15 ár. Hinvegin hevur Víkingur bara verið til síðani 2008 og vunnið steypakappingina fimm ferðir. Hvørja ferð við Atla Gregersen, sum nú hevur vunnið steypakappingina seks ferðir samanlagt. Símun Samuelsen hevur vunnið fleiri FM-heiti, men hann hevur ongantíð vunnið steypakappinga. Tað er hugaligt at síggja, at bæði í HB og í Víkingi verður nógv lagt fyri til steypafinalurnar. Bæði feløgini hava gjørt seg til reiðar og havt fjeparatiltøk, har fløgg og annað verður gjørt klárt. Millum annað hevur HB keypt um túsund fløgg og hevur gjørt stóru HB-troyggjuna til reiðar, meðan serliga ungu fjeppararnir hjá Víkingi hava gjørt fløgg og aðrar lutir. Tað eru bara tvey stig á muni millum HB og Víking í landskappingini. Tey liggja nakað aftanfyri trý tey fremstu, so tað er trýst á at vinna sær eitt atgongumerki til Evropa. Taparin leygarkvøldið skal yvirhálað KÍ, B36 ella NSÍ fyri at koma í Evropa. Seinast hesi liðini møttust í steypafinaluni var í 2014, tá Hallur Hansson skoraði einasta málið í dystinum, tá 88. minuttir vóru spældir. Vit hava tosað við mannin, sum tryggjaði Víkingi steypasigurin. Vit hava eisini tosað við Odmar Færø, sum var liðskipari hjá B36, ið vann steypafinaluna í fjør. Teir eru ósamdir um hvør vinnur steypafinaluna. trondur@sosialurin.fo Víkingur ella HB?