hósdagur 19. september 2019síða 22

FRÍGGJADAGUR 20. SEPTEMBER 2019 SOSIALURIN 108 22 Løgmans­ finalan Símun Samuelsen: HEIMIR OG HB LEINGJA? Undan steypafinaluni hava íslendskir miðlar skrivað, at Heimir Guðjónsson er á veg til Valur í Íslandi. Úr HB verður sagt, at samráðingar fyri komandi ár ganga væl, men enn er einki undirskrivað. Vinnur HB ikki steypafinaluna skal liðið enda á triðja plássi, fyri at koma í Evropa komandi kappingarár. HB hevur ikki vunnið løgmanssteypið síðani 2004 og Símun Samuelsen hevur ongantíð vunnið føroysku steypakappingina, men trýstið er ikki størri enn vanligt. – Tað er bara tað vanliga trýstið, sum altíð er tá tú spælir við HB, sigur Símun Samuelsen ER ENN STEYPA­ LEYSUR – MEN TAÐ ELVIR IKKI TIL TRÝST TRÓNDUR ARGE HB er mest vinnandi felagið í før­oyskari fótbóltssøgu. Í fjør kom eisini 23. meistaraheitið í hús, men einki løgmanssteyp er vunnið síðani 2004. Faktisk hevur HB bara vunnið løg­mans­ steypið tríggjar ferðir síðani 1990, men hevur vunnið FM heilar átta ferðir síðani 2002. Hinvegin hevur Víkingur vunn­ið løgmanssteypið fimm ferð­ir síðani 2009, tá Gí og LÍF løgdu saman til Víking. Undan tí vann GÍ eisini steypakappingina fýra ferðir millum 1996 og 2005. Í nýggjari tíð er tað HB, sum rennur aftaná í steypasigrum. Ongin vanlukka at tapa móti B36 Í fjør skuldi HB rætta upp á tað í steypafinaluni. Tað endaði við helst mest dramatisku finlauni í søguni, tá B36 vann upp á brots­ spørk, eftir at teir fingu tveir spælarar útvístar. Men hvørki tapið í fjør ella soltnað steypa­ søgan í nýggjari tíð leggur trýst á Símun Samuelsen. Millum annað tí HB vann FM. - Árið í fjør var ov deiligt til at iðra seg. Vit vóru vónbrotir, men mánadagin eftir møttu vit B36 arum í Gundadali og tosaðu um, at hetta var ein tann mest spennandi og undirhaldandi steypa­finalan nakrantíð. Tað var tendring í dystinum og tað gav nakað til føroyskan fótbólt. Í løtuni var tað keðiligt, men aftaná hugsi at tað er soleiðis finalur skulu verða, sigur Símun Samuelsen. Hevur vunnið íslendsku steypafinaluna Fyrstu ferð 34 ára gamli vág­bing­ ur­in ordiliga slapp at royna seg í eini løgmansfinalu var í fjør. Í 2003 skifti ein ungur Símun Samuelsen til GÍ, sum tað árið tapti 3-1 móti B36 í finaluni. Símun var sjúkur á degnum og kom ikki inn fyrr enn í longdu leik­tíðini. Hann var í hópinum hjá HB í 2014, men var ikki partur av steypafinaluni, tá HB tapti 1-0 móti júst Víkingi. Hinvegin, so vann hann íslendsku steypa­ finaluna við Keflavík í 2007. - Tað eru fáir menn, sum reypa um steypasigrar. Tú mátar teg eftir FM-heitum. Eg havi vunnið steypakappingina í Íslandi, men tað gangi eg ikki runt og reypi um. Tað er ein stórur dagur og ein stórur dystur. Tí verður kenslan at vinna og tapa størri enn vanligt, sigur hann og leggur afturat: - FM er størst og so steypa­ kapp­ingin, men tað er lætt hjá mær at siga, tí eg havi vunnið FM tríggjar ferðir og ikki steypa­ kappingina. Tað hevði sjálvandi verið deiligt at vunnið, sigur vágbingurin í HB. Bara vanliga HB-trýstið HB er langt frá FM-stríðnum í løtuni. Tí er steypafinalan ein­ asti møguleikin fyri gull, men tað leggur ikki eyka trýst á. -Vit vinna ikki FM í ár, men eg hómi at menn bara eru spentir at spæla. Vit hugsa ikki um Evropa ella pengarnar. Tað er bara tað van­liga trýstið, sum ein spælari hjá HB altíð hevur á sær. Tað er tí tú spælir við felagnum, sigur Símun Samuelsen. Hann gleðir seg at spæla finalu­na, tí tað er stórt fokus á dysti­num. - Eg haldi at tað er týdn­ ingar­mikið at gleða seg. Tú ert spentur, men má ikki blíva ov spentur. Tað eru nógvir áskoðar­ ar og sjónvarpið vísur dystin. Mær dámar væl at spæla slíkar dystir, sigur vágbingurin í HB. Mugu klára seg uttan Trónd og Hørð HB verður uttan Trónd Jensen og Hørð Askham, sum báðir hava meiðslað sær knæið. - Tað er serliga á miðjuni, at vit missa ein mann sum skipar spælið. Vit kunnu broyta spæl­ skipan, men tað er ringt at avloysa ein slíkan spælara. Tað er keðiligt, men eg havi stóra trúgv upp á, at vit kunnu loysa uppgávuna, sigur Símun Samuel­sen. Hann sigur víðari, at tað altíð er keðiligt at missa ein spælara sum Trónd Jen­sen eitt heilt kapp­ ingar­ár, men á degnum kunnu teir klára seg. Víkingur leggur ongantíð kongin Símun Samuelsen hevur stóra virðing fyri Víkingi. Hann spældi sjálvur við blá og gula partinum av Víkingi í 2003, tá hann fylgdi Krzysztof Popczynski úr VB til GÍ. HB hevur tvær ferðir í ár vunnið 3-1 á Víkingi í Gundadali. So seint sum 25. august vann HB 3-1, eftir at Víkingur var á odda 1-0 í hálvleikinum. Fyri summar­ steðgin vann Víkingur innan­ hýsis uppgerðina í Sarpugerði. - Víkingur hevur eitt lið av spælarum, sum hava vunnið steypkappingina og FM. Teirra styrki er, at teir hála sigrar heim, tá tað sær vónleyst út. Tað er ongin ivi um, at munurin í dystunum fyrr í ár í Gundadali verður útjavnaður til dystin leygar­dagin, so at teir spæla upp til okkum. Tað gert tú á einum slíkum degi, sigur vongurin og leggur afturat. -HB og Víkingur kenna hvønn annan væl. Eftir 22 umfar hava vit næstan líka nógv stig og tað merkir at hóparnir avrika javnt. Sein­asti dysturin í Gundadali var góður fyri okkum, tí vit royndu at vera aftanfyri og koma afturíaftur og vinna. Nú hava vit roynt næstan alt móti Vík­ingi. Tapt, vunnið og vunnið eftir at hava verið aftanfyri, sigur Símun Samuelsen. Hann leggur afturat, at lykilin hjá HB verður at halda eina høga leikferð og ikki missa bóltin á miðjuni í uppspælinum. -Eg vænti ikki teir broyta spæliætlan til eina finalu. Vit vita at tað er tað teir bíða eftir, sigur 34 ára gamli Símun Samuelsen, sum nú ætlar at vinna løgmanssteypið á fyrsta sinni. TRONDUR@SOSIALURIN.FO ÍTRÓTTUR