hósdagur 19. september 2019síða 25

FRÍGGJADAGUR 19. SEPTEMBER 2019 SOSIALURIN 108 25 Havnin eigur helmingin av teimum 18 plássunum í steypa- finalunum í fótbólti, sum verða spældar um vikuskiftið ella longu eru spældar. Tórsvøllur hýsir stóra fótbóltsvikuskift- inum, og sjey steypafinalur skulu nú spælast á altjóða leikvøllinum í Havn. Havnin hevur lið í átta av teimum nýggju steypafinalunum, og í einum føri er talan um finalu millum havnarfeløg. HB er við í seks steypafinalum, og B36 er við í trimum finalum. Gongur eftir vild hjá HB og B36, kann nógv gull liggja eftir í Havn um vikuskiftið. Í kvinnufinaluni skal HB spæla ímóti felagsliðnum EB/- Streymur/Skála. Hetta er fimtu ferð í seks ár, at HB er við í steypafinaluni, og áður hevur HB vunnið kvinnusteypið fimm ferðir, men ikki síðani 2001. Vit vóna, at tað í ár fer at hepnast HB at vinna tann stóra steypasigurin, kvinnur- nar og felagið so fegin vilja vinna. Í mansfinaluni skal HB spæla ímóti Víkingi. Í fjør var talan um reina havnarfinalu, men hesaferð umboðar HB høvuðsstaðin í finaluni um Løgmanssteypið. Í fjør mátti HB lúta fyri B36 í brotssparkskapping, og tí eru spælararnir ivaleyst sera svangir eftir steypasigrinum. HB er stóra steypafelagið hjá monnum. HB hevur vunnið steypakappingina heili 26 ferðir, og einki annað felag er í nánd av hesum tali. Í fjør kom HB aftur á sigursslóðina við at vinna føroyameistaraheitið í mansfótbólti sannførandi, og nú er tíðin vónandi komin, at HB aftur fer at lyfta løgmanssteypið. Vit fegnast um, at Havnin er vertur fyri stóra steypaviku- skiftið, og vit vilja bjóða øllum vælkomin á Tórsvøll at njóta steypafinalurnar 2019. Annika Olsen borgarstjóri Havnin stendur sterk í finalunum