mánadagur 23. september 2019síða 19

19 Mánadagur 6. januar 2014 · Nr. 2 Sosialurin Mánadagur 23. september 2019 · Nr. 109 Hugskot og viðmerkingar – send sms til 225000 FÓTBÓLTUR Tað er breið semja um, at tað var, tá ið Tróndur Jensen kom fyri seg aftur eftir lang­an skaðasteðg, at HB seint í vár so spakuliga aftur fór at vísa spæl og avrik, sum í fjør bóru FM heitið við sær við met­nógvum stigum. Tá ið HB næstsíðsta sunnu­ dag vann 3-0 í Gunda­dali ímóti Skála, varð Trónd­ur borin av vøllinum longu í 9. minutti. Tað sást á øllum brøgdum, at talan var um álvarsligan skaða, og hós­dagin varð tað staðfest á Ríkis­sjúkrahúsinum í Keyp­ manna­havn, at krossbandið í knænum er slitnað. Tað eru bara tvær vikur síðani, at Heðin Askham, sum hevur verið millum teir bestu hjá HB í ár, varð illa skaddur í knænum. Í kann­ing varð staðfest, at kross­bandið í knænum er slitið. Tí ganga tveir av bestu HB spælar­ unum í ár á høkjum. Tað er mest sannlíkt, at teir ikki vera at síggja á vøllinum aftur fyrr enn um eitt ár ella kanska eitt sindur styttri enn so. Hørður Askham og Tróndur Jensen vóru á Tórs­vølli leygarkvøldið, har teir saman við liðfeløgunum fegn­aðust um fyrsta sigurin hjá HB í 15 ár í kappingini um løgmanssteypið. -At spæla fótbólt er so stór­ur partur av lívinum hjá mær, at eg fari heilt víst undir uppvenjing við tí í huga, at eg skal spæla aft­ ur. Tað hjálpir, at vit eru tveir, Hørður Askham og eg báðir, sum nú fara undir upp­venjingina, og vit vóna, at tað fer at eydnast at vera aftur á hægsta støði eina­ ferð næsta ár. Hvussu tað fer at eydnast, fáa vit at síggja, sigur HB miðvallarin Trónd­ur Jensen. Tróndur Jensen fegnast saman við liðfeløgunum um fyrsta steypagullið í 15 ár. -3-1 er góð mynd av, hvussu leikgongdin var. Eg haldi, at vit vóru snýttir fyri eitt brotsspark í fyrra hálv­leiki, men so smekkaði Adrian Justinussen við frí­sparki bóltin í málið. At HB vinnur fríspark ikki so langt uttanfyri brotsteigin er sum at vinna brotsspark, tá ið vit hava Adrian á liðnum, held­ur Tróndur Jensen, sum harmast um, at mjørkin argaði so nógv, sum hann gjørdi. -Tað er farið. Nú fegnast vit um, at tað eydnaðist at vin­na løgmanssteypið, og at HB aftur í 2020 skal spæla í Europa. Tróndur hevur ikki mist mótið HB miðvallarin fegnast saman við liðfeløgunum um steypasigurin, og hann ætlar sær at halda fram við at spæla fótbólt Hesi seinnu árini hava steypa­ finalurnar verið leiktar á Tórsvølli umleið 20.august, men í ár var hetta broytt til nú leygardagin 21.september. Alment hevur onki verið at frætt um, hví hetta er hent, men hetta er ein avgerð, sum kapp­ingarnevndin hjá FSF hevur tikið. -Tað kom eftir tos um,at lið, sum vunnu sær pláss í steypa­ finaluni, kanska ikki av­rikaðu so væl eftir at finalur­nar vóru spældar, sig­ur Róin Schrøter, formaður í kapp­ingar­ nevndini. Í nevndini hildu teir, at tað var vert at royna at flyta sjálan finaludagin ein mánaða long­ur út í kappingarárið, men enn er ikki avgjørt um hetta verður so í framtíðini. -Vit hava enn ikki eftirmett hesa støðuna, so fyrr enn vit hava gjørt tað, fáa vit onki sagt um, hvat vit gera næstu ferð, sigur formaðurin í kapp­ ingarnevndini. Sjálv steypakappingin strekk­ir seg langt gjøgnum kapp­ingar­árið og tað vóru í ár um fýra mánaðir millum seinnu semifinalurnar og sjálva finaluna. Eisini var skiftingar­vind­ eygað opið í tíðarskeiðnum, so tað kann koma fyri, at talan er um nógv broytt lið frá tí semi­ finalurnar eru, til sjálv finalan verðiur spæld. -Ja, tað er eisini ein partur av tí, sum vit fara at eftirmeta, sig­ur Róin Schrøter, formaður í kappingarnevndni hjá FSF. Hetta var ein roynd At steypafinalan var flutt til nú í september, heldur enn at vera í august, er ein roynd, sum skal eftirmetast