týsdagur 24. september 2019síða 6

Mikudagur 24. september 2019 · Nr. 110 6 Sosialurin Hugskot og viðmerkingar – send sms til 225000 TÍÐINDI Umleið 50 fólk starvast í Norðoya Sparikassa, sum í gjár varð 100 ár. Tá ið føðingardagurin verður hildin í Klaksvík leygardagin, verður 100 ára minnigarrit lagt fram, og tá verður møguleiki at hoyra Lars Løkke Rasmussen og Anders Lund Madsen Eyðun Klakstein Norðoya Sparikassi hevur sein­astu mán­aðirnar ikki sett seg sjálvan undir skepp­una, nú 100 ára stovningar­dag­ur­ in er kom­in alt nærri. Norðoya Sparikassi varð stovnaður 24. september 1919, og stjórn, nevnd, um­boðsráð, ábyrgd­arar og starvsfólk bankans hava síðsta árið og meir enn so markerað dagin. Í gjár vóru fløggini vundin í hún­ar­ hátt í deildunum, og tey, sum stukku inn á gólvið, vórðu bjóðað ein drekka­ munn. Stóra føðingardagshaldið verður leyg­ardagin, tá ið tað allan seinnapartin verð­ur føðingardagshald í ítróttar­hall­ un­um í Klaksvík – í Badmintonhøllini verður tiltak fyri børnini, og í KÍ høllini verður tiltak fyri tey vaksnu. Norðoya Sparikassi kann fegnast um, at av øllum teimum føroysku pen­ inga­stovnunum er hann tann einasti í Før­oy­um, sum ongantíð er endur­ stovn­aður, og sum framvegis koyrir eft­ir stórt sæð sama leisti, sum tá hann varð stovnaður. Tað ber samstundis í sær, at Norðoya Sparikassi er í kapping við peningastovnar, sum eru polstraðir við almennum pengum. Kongaliga vitjanin Norðoya Sparikassi hevði kongliga vitj­ an 24. august í fjør. Í Sparikassanum kendu tey tað vera ein heiður at fáa vitjan av Fríðriki krúnprinsi, Mary krún­prinsessu og børnum teirra, og leiðsla Sparikassans gjørdi framman und­an hesum degnum av, at kongliga vitj­anin skuldi vera startskotið til 100- ára haldið. Stjórin í Sparikassanum, Marner Mort­ensen, stóð uttan fyri og tók ímóti, og Fríðrikur krúnprinsur og Mary krún­prinsessa høvdu eina góða løtu henda dagin í Sparikassanum. Tey lurt­ aðu við andakt og settu hópin av spurn­ ingum, áðrenn tey fóru víðari út til Fugl­oyar og seinni til Mikladals. Hátíðarløtan var í ovaru hæddini í nýggja partinum. Tað var fallið John P. Danielsen, nevndarformanni, í lut at fortelja um søguna, virksemi og fram­ tíð­arætlaninar hjá Norðoya Sparikassa. John P. Danielsen greiddi millum annað frá, at umleið 50 fólk starvast í Spari­kassanum, og at nógv tey flestu arbeiða í høvuðssætinum í Klaksvík. Hini eru í deildini í Havn og í Fuglafirði. Nevndarformaðurin nevndi eisini, at út­lánini eru 1,9 mia. kr., og at tveir trið­ ingar av hesum eru privatlán og ein trið­ingur vinnulán. Innlánini eru 2,3 mia. kr., og eginpeningurin er 228 mió. kr. Av teimum fýra peningastovnunum í Før­oyum hevur Norðoya Sparikassi um­leið 13 prosent av marknaðinum. Í Norð­uroyggjum verður tó mett, at Spari­kassin hevur áleið helvtina av markn­aðinum. Sparikassin og samfelagið Tað vakti serligan ans hjá krún­prins­in­ um og krúnprinsessuni, tá John P. Daniel­sen greiddi frá, hvussu Spari­ kassin er skipaður. Nevndarformaðurin nevndi til dømis, at munurin millum ábyrgd­arsparikassar og parta­felags­skip­ aðar peningastovnar stórt sæð bara er í ognarviðurskiftunum, og hvussu vinn­ingurin verður útlutaður. Endamálið hjá partafeløgum er í høvuðsheitum at vinna pening til parta­eigararnar. Hinvegin er ábyrgd­ar­ skipanin bygd á sjálvsognarhugtakið, har tann parturin av vinninginum, ið ikki skal brúkast til støðufesting og vøkst­ur, kann útlutast til al­menn­gagn­ lig ella vælgerandi endamál. –  Vit kunnu eisini siga, at tað er lokalsamfelagið, sum eigur Sparikassan og sum sostatt kann fáa ágóða av út­ lut­ingini til almenngagnlig endamál. Hetta verður gjørt gjøgnum ein gávu­ grunn, ið fær tillutað ein part av árliga rakstr­aryvirskotinum, segði John P. Daniel­sen. Sparikassin hevur gjøgnum gávu­ grunn­in veitt stuðul til nógv almenn­ gagn­lig endamál. Harumframt hevur Sparikassin óbeinleiðis veitt týðandi upphæddir í sponsoravtalum við fleiri ítróttarfeløg í Klaksvík. Sparikassin hevði henda dagin bjóðað umboðum fyri fleiri ítróttar­fel­ øg til hátíðarløtuna saman við teimum kong­ligu. Fyrstur inn var Páll Klett­ skarð og honum á baki kom Malena Joseph­sen, bæði royndir KÍ spælarar. Síðani komu umboð fyri Stjørnuna og Team Klaksvík, rennifelagið Treysti, svimji­felagið Ægir, Klaksvíkar Fimleik­ ara­felag og seinast Klaksvíkar Róðr­ar­ felag. John Danielsen legði dent á týdn­ing­ in, sum ítrótturin hevði fyri ungdómin og samleikan í Klaksvík. Hann nevndi metið hjá KÍ-kvinnunum, sum kom í Guinnes metbókina, og at Klaksvík hevði fostrað Jákup Mikkelsen, sum í 2000 vann danska meistararheitið við Herfølge, og Toda Jónsson, sum tríggj­ ar ferðir vann danska meistaraheitið við FCK. Tá fetti Fríðrikur krúnprinsur sær á og smíltist, tí sum íðin ítróttamaður sæst hann mangan sita á áskoðara­ pláss­unum í Parkini, tá FCK spælir. Kongaliga vitjanin var startskotið upp á 100 ára haldið hjá Norðoya Spari­ kassa, og hetta síðsta árið hevur Spari­ kassin í uppaftur størri mun, enn hann annars plagar at gera, verið við til at sett dám á tiltøk bæði í Klaksvík og aðrastaðni. Søgan er serlig 100 ár er høgur aldur í søguni hjá før­ oyskum peningastovnum. Bara Føroya Amts Sparikassi og Føroya Banki vóru til í Føroyum, tá menn í Norðoyggjum í 1919 stovnaðu Norðoya Sparikassa. Føroya Amts Sparikassi var, sum orðið sigur, fyrst og fremst ein pen­ ingastovnur, har fólk trygt kundu goyma sín avlopspening. Innláns­pen­ ing­urin gav Sparikassanum møguleika at læna pening móti 1. prioriteti í hús­ um, jørð og til kommunur, og tapsváðin var tí ikki tann heilt stóri. Men Føroya Amts Sparikassi var stað­settur í einum grótbygningi í Havn, og skuldu norðoyingar, suðringar, vága­fólk ella eiðisfólk seta pening inn í Spari­kassan, mátti hesin peningur bók­ staviliga flytast við báti ella um fjøll til Havnar. Tá danskir embætismenn í Føroyum NORÐOYA SPARIKA