týsdagur 24. september 2019síða 14

Mikudagur 24. september 2019 · Nr. 110 14 Sosialurin Hugskot og viðmerkingar – send sms til 225000 TÍÐINDI Skousen hvítvørurisin letur upp í Uno - Størsta hvítvørusamtakið í Norðanlondum letur nú upp deild í Føroyum. Talan er um eitt sonevnt franchise-samtak, ið hevur felags innkeyp og skjóta levering. - Skousen hevur áður verið í Føroyum, og vildu teir nú sleppa aftur á føroyska marknaðin. Tí hava teir sett seg í samband við meg, sigur Dánjal Petersen hjá Uno Vilmund Jacobsen Leygardagin komandi letur Uno í Havn upp nýggja Skou­ sen-deild við hvítvørum og smærri el-tólum. Seinastu mán­ að­irnar hevur Uno inn­rættað Skousen-deildina á 1. hædd - við einum stórum og breiðum úrvali av vørum. Her eru eitt nú vaskimaskinir, ovn­ar, kóki­ plátur, køliskáp, men eis­ini smá el-tól sum fønarar, raki­ mask­inur, kaffimaskinur og ym­iskt annað. Dánjal Petersen, sum eigur og rekur fyritøkuna UNO, sig­ ur, at hann bleiv uppringdur av stóru hvítvøruketuni sum vildi hava samstarv í lag. - Fyrst helt eg tað vera eina joke, og at onkur vinmaður vildi lumpa meg, men tað gekk ikki leingi, til eg fann út av, at hetta var álvari. Eftir at Skousen ikki hevur verið í Føroyum í næstan 10 ár, hava teir nú leitað sær aftur á klettarnar. - Tað var ein danskur sam­ starvs­felagi, sum bað teir ringja til Dánjal, eftir at hesin hoyrdi um, at teir leitaðu eftir onkr­um at umboða Skousen í Før­oyum. Fyrispurningurin kom á vári í 2018, júst tá Uno ætl­aði at at veksa um hvít­ vøru­deildina, sigur Dánjal Pet­ er­sen. Skousen ein stórfyritøka Stóri danski vinnulívsmaðurin, Preben Skousen, byrjaði at selja hvítvørur í 1957, og er Skou­ sen-samtakið í dag størsta hvít­vørusamtak í Norð­an­lond­ um. Samtakið við nethandlum og vanligum handlum hevur ein samlaðan umsetning á 1,5 miljardir krónur árliga. Stór­ goymsla á einar 300 miljónir er við vørum við dagligari lev­er­ ing. - Vit eru nú vorðin partur av tí skjótasta og besta sam­tak­in­ um á marknaðinum, sigur Dán­jal Petersen. Hann heldur fyri, at við lág­ um prísum og skjótari veiting ber ikki til at ynskja tað betri. Bílagt verður dagliga, og veit­ ing­ar eru hvørja viku. Tað, sum bí­lagt verður hósdag, er á bryggj­uni her heima mána­ morg­un. So, tað kann ikki ger­ ast nógv skjótari. Í samband við upplatingina leyg­ardagin 28. september hev­ur Uno fleiri góð upp­lat­ ing­ar- og køtilboð. Uno hevur opið vanligar yrka­dagar frá klokkan 10-17.30, og vanligar leygardagar er opið frá klokkan 10-14. - Frá mikudegi til fríggjadag er handilin stongdur fyri at fáa tað seinasta uppá pláss. Leyg­ardagin lata vit so upp við einum braki og hava opið frá klokkan 10-18, sigur Dánjal Pet­ ersen. UNO ”trappar upp” Hvítvørusølan hevur higartil gingið fyri seg á veghæddini, har køkar, baðirúm og súkklur eisini hava verið, men Dánjal Petersen sigur, at hvítvørurnar nú eru farnar upp á 1. hædd, har tey í fyrsta lagi hava sett umleið 300 fermetrar av til Skousen. - Viðskiftafólk, sum koma inn í Uno á gólvhæddini, ganga í trappu upp í Skousen-deild­ ina, og tí kunnu vit kanska siga, at Uno nú ”trappar upp”, sig­ur Dánjal Petersen bros­ andi. Hann vísir á, at tað hevur tikið sína tíð at fáa hølini á 1. hædd klár, tí tey hava havt rætti­liga nógv at gera í dagliga handils­virkseminum, um­framt at tey hava klætt bygn­ing­in í Smiðjugerði 6 og inn­rættað goymslu­bygningin í Smiðju­ gerði 7. Byrjaði í kjallara Uno byrjaði sítt virksemi í 2012 við sølu av súkklum og baði­ rúmsmøblum í 41 fermetra stór­um kjallarahølum í J. Pat­ urs­sonargøtu 18. Í 2013 flutti fyritøkan í 150 fer­metra høli á Hálsi, har køks­ deild eisini varð latin upp. Í 2014 flutti Uno í niðaru hæddina í Smiðjugerði 6, har fyritøkan fekk 540 fermetrar til sítt virksemi. Í 2015 keypti Uno bygningin í Smiðjugerði 6 frá Fastogn, ið Eik banki átti, og í 2018 keypti Uno goymslubygningin í Smiðju­gerði 7 frá Tekniska Skúla, har smiðjan helt til. - Vit hava bygt okkum spaku­ liga upp, og við upp­lat­ing­ini av Skousen í Uno er hetta enn ein gleðiligur míla­peli hjá fyritøk­ uni, sigur Dán­jal Petersen. Tá Dánjal verður spurdur, um hann nú hevur nátt sínum mál­um, er hann skjótur at svara aftur. - Um málið er nátt, er tíð upp á at skifta meg út, sigur hann brosandi og leggur aftr­ at: - Jú, nøkur mál eru rokkin, men tað tykist, sum vit júst eru komin á flog. Ein sunn fyri­tøka ynskir altíð at koma longur á leið, sum hann tekur til. Marknaður og framtíð Føroyski brúkarin hevur ong­ antíð havt tað so gott sum nú. Kappingin er hørð, allir prísir liggja á alnótini og tíðin, tá føroyska príslegan lág 25-40% oman fyri prísin á danska markn­aðinum, er langt síðan farin. - Kappingin er køld og kynisk; tey, sum ikki fylgja við og klára at hanga í, verða latin eftir. Í hesi verðini eitur einki ”góða mamma”. Hetta eru treyt­ir - ella rættari sagt – nátt­ úru­lógir, sum eingin fær broytt. Tað jaliga við hesum er so, at handilsvinnan má standa í støðugari menning, um henni skal verða lív lagað. Dánjal Petersen sigur, at ferð­in hjá Uno hevur verið líka drúgv, sum hon hevur verið spennandi. - Tað hevur kravt hart ar­ beiði og nógv ymisk starvsfólk fyri at finna røttu saman­set­ ing­ina. Málið hevur verið at funnið starvsfólk, ið eru betur enn eg og sum rigga til Uno- kon­septið. Vit arbeiða væl sum eitt toymi, og sjálvt um vit altíð kunnu gera tingini betur, kann eg siga, at eg ongantíð havi havt so gott starvsfólk sum nú. Og hetta er orsøkin til okk­ara frammgongd, sigur hann. Hann leggur aftrat, at hevði tað ikki verið fyri okkara trú­ føstu viðskiftafólk, hevði Uno als ikki verið til. Lærdi hjá Idé Møblum Dánjal Petersen stóð sum lærlingur hjá Idé Møblum og hevur hann roynt at lært frá teimum bestu. - Eg minnist, at Birgir Andr­ e­as­sen ofta segði við okkum starvsfólk, at kundin er okkara inntøka. Um vit ikki lurta eftir kundum okkara og tæna teim­ um á besta hátt, hava vit einki handilsgrundarlag. Tá Dánjal at enda verður spurdur, um kappingin á før­ oyska marknaðinum ikki er nóg hørð, sum hon er, sigur hann. - Eg eri fyrst og fremst í kapping við meg sjálvan. Hvussu kann eg í dag vera dugna­ligari, enn eg var í gjár. Eg standi hvønn dag til ”eks­ amiu”, og tingini kunnu altíð gerast betri. Sjálvandi skulu vit fylgja við og vera vitandi, um hvat okkara kapp­ing­ar­ neyt­ar gera, men vit mugu fyrst og fremst gera okkara egna arbeiði væl, sigur Dánjal Pet­ersen.