týsdagur 24. september 2019síða 17

17 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Mikudagur 24. september 2019 · Nr. 110 Heystið er hugnalig tíð Hjá teimum, sum hava nógvan seyð, skal nógv fáast frá hondini eftir lutfalsliga stuttari tíð. Umframt fjallgongu og fletting, skal alt slaktið takast upp og fáast til høldar Vilmund Jacobsen Seinnu árini eru fleiri hugnalig tiltøk skipaði, sum hava við jørð, seyð og slakt at gera. Hetta eru alt tiltøk, sum á ymiskan hátt leita aftur til røturnar og til tað tilfeingi, sum jørðin kann geva, og hagin kann bera. Vit kunnu nevna trý av hesum tiltøkum, sum hvørt er meira áhugavert enn annað, Slaktið í Tórs­gøtu, Heystfagnaðurin á Eiði – og Eplafestivalurin í Trøð­um á Sandi, sum umframt grønmeti, eisini fevnir um føroyskar kjøtvørur. Hugnaligt og rokaligt Heystið er ein hugnalig tíð, men hetta kann eisini vera ein rokalig og ikki sørt strævin tíð. Hjá teimum, sum hava nógvan seyð, skal nógv fáast frá hondini eftir lutfalsliga stuttari tíð. Um­framt fjallgongu og fletting, skal alt, sum kann rokn­ast upp í slaktið, takast upp og fáast til høldar. Vembur og innvølur skulu reinsast, blóðpylsa og rullu­pylsa skulu gerast, ærskjøt skal skerast og mal­ast, og seyðarhøvd skulu svíðast. Heimaseyður fyrst Vanligt er, har menn hava veðrar og eisini eiga lomb í haganum, at veðrarnir og soleiðis heimaseyðurin verð­ur flettur fyrst. Hetta er í ávísum økjum og bygd­um ein rættiligur hátíðardagur, sum fólk gleða seg til og sum nógv verður gjørt burturúr. Tað eru familjur, sum skipa hesar dagar soleiðis, at ein familja flettir í ein dag – og síðan verður farið runt í familjuni eftir einum skifti, til hvør familja hev­ur flett sín heimaseyð. Í slíkum føri hjálpast familjur at, og nógvir raskir menn eru við í flettingini. Við búgvið borð Heima stákast húsmóðirin við mati, og tá liðugt er at fletta veðrar, er vanligt, at flettarar og onnur, sum hava hjálpt til, sessast við búgvið borð. Tað er eitt størri tak í hvørjum einstøkum føri at fletta veðr enn at fletta lamb, men tað eru eisini bønd­ur og fólk, sum eiga seyð, ið fáa góða hjálp, tá fjøll­ini verða gingin, og skurðurin skal takast. SLAKT Heystið 2019