týsdagur 24. september 2019síða 34

Mikudagur 24. september 2019 · Nr. 110 34 Sosialurin Hugskot og viðmerkingar – send sms til 225000 EPLAFESTIVALUR Eysturbúgvin SA 450 Dalur Fólk vælkomin meðan nøkur lomb verða flett - Vit fara ikki heim í Traðir fyrr enn um kvøldið, tá borðhaldið verður. Vit plaga at hava nógv fólk inni á garðinum, og soleiðis vænta vit, at tað eisini verður í ár, sigur Jóannes í Miðstovuni Vilmund Jacobsen Jóannes Johannessen, Jóann­ es í Miðstovuni róptur, plagar at lata fólk á garðinum fletta nøkur lomb, meðan Epla­fest­i­ val­ur er í Trøðum. Garðurin Inni á Fløtum ligg­ ur nakað innan fyri sjálvt festi­valøkið, men tað tekur onga tíð at koyra ella spáka sær ein túr inn á garðin. - Fólk eru vælkomin inn á gólvið, meðan flett verður henda dagin. Vit plaga at hava eitt tjald uppi, har vit selja ný­ upptikin epli, gularøtur og ym­ iskt annað grønmeti. Lambskjøt til sølu Jóannes í Miðstovuni sigur, at einar tveir ella tríggjar dagar fyri Eplafestivalin verða nøkur lomb flett, og síðan verður selt burtur av hesum, meðan festi­ val­urin er. - Tað er ikki verri, um krov­ ini hanga uppi nakrar fáar dag­ar, tí tá fer deyðsstívheitin úr teimum, og kjøtið verður moyr­ari, tá tað verður koyrt í ovn­in. Jóannes í Miðstovuni sigur, at nú Eplafestivalur verður, er tað serliga lambskjøt, hann hugs­ar um. - Vit fletta eisini javnan neyt, men beint nú hava vit einki neytakjøt. Hava fólk áhuga, kunnu tey gera vart við seg, so fáa tey kjøt, tá vit fletta neyt aftur. Bóndin sigur, at eplagrøðin hevur verið hampilig í ár, men kanska gjørdist tað nakað turt í byrjanini av summarinum. - Vit hava bæði gularøtur, van­ligar kolrabirøtur, reyðrót, garðakál, grønkál og purrur, og eg haldi, at grønmeti annars hevur vaksið heilt væl í ár. Tað var kanska eitt sindur kalt í vár, men síðan haldi eg, at summ­arið var rímiliga lýtt. Hugnaligt tiltak Jóannes í Miðstovuni sigur, at Eplafestivalurin er eitt hugna­ ligt tiltak, sum savnar nógv fólk í Trøðum. - Vit plaga ikki at fara heim í Traðir fyrr enn um kvøldið, tá borðhaldið verður. Vit plaga at hava nógv fólk inni á garð­in­ um, og soleiðis vænta vit, at tað eisini verður í ár, sigur bónd­in.