hósdagur 26. september 2019síða 12

FRÍGGJADAGUR 27. SEPTEMBER 2019 SOSIALURIN 111 12 HALLUR AV RANA M angur ein før­oy­ ing­ur hevur sitið í Havnar Bio og fylt ævintýrunum hjá bretska njósnarunum James Bond, meðan hann jagstr­ar brotsmenn, sjarmerar kvinn­ur og bjargar verðini frá undir­ gangi. Sum oftast verða hans­ara brøgd framd í heimsins stór­ býum, flottum náttúruøkjum og ymiskum paradísum kring heim­in. Og nú bendir nógv á, at Før­oyar legst aftrat teimum støð­um, ið bretski njósnarin vitjar. Fyrr í vikuni kundi in.fo nevni­liga avdúka, at ein tyrla, ið var komin til landið og stóð á Bursatanga í Havn, skuldi brúkast til upptøkur av senum til nýggjasta James Bond filmin, ið hevur fingið navnið No Time to Die. Lekar Sum Miðlahúsið skilur eru eingir av sjónleikarunum í Føroyum, men er talan um stuntmenn, ið gera upptøkur til nýggja filmin, og at hetta ikki er fyrstu ferð, at teir eru í Føroyum í somu ørindum. Men fram til týsdagin hevði tað eydnast, at hildið loyndarmálið dult fyri fjølmiðlunum og almenninginum, men tá ein gul tyrla kom til landið byrjaðu søgur­nar at ganga. Enn vilja teir føroy­ingar, ið onkursvegna eru knýtt­ir at verkætlanini, ikki út­ tala seg um filmin, men vísa á, at tagnarskylda valdar í nakrar dagar aftrat. Men sum tað er so mangan, tá stór loyndarmál skulu dyljast, eru tað altíð lekar. Skjótt eftir, at tað kom undan kavi, at filmað verður í Føroyum, hoyrdist, at nógv fremmandafólk eru í Trølla­nesi. Og bygdafólk, ið Sosial­ur­in hevur tosað við, undrast á hendan aktivitet, tí ikki bara fleyg tyrlan ymiskt til­far niðan í dalin fyrr í vikuni, men vóru stórir fremmandi bilar nú at síggja í bygdini. At Kalsoyggin og Trøllanes eru miðstað fyri upptøkurnar bleiv endaliga greitt, tá myndir komu út á netið mikudagin av gulu tyrluni á veg til Kalsoynna um­borð strandfaraskipinum SAM. At tað enn verður roynt at halda verkætlanina loyniliga bleiv eisini staðfest, tá nakrar av teimum myndum, ið blivu lagd­ur út á netið, blivu tiknar av aftur, tá tey, ið løgdu tær út, blivu uppringd og spurd, um tey ikki kundi strika myndirnar. HALLUR@SOSIALURIN.FO BOND Á TRØLLANESI - Fram til týsdagin hevði tað eydnast, at hildið loyndarmálið dult fyri fjølmiðlunum og almenninginum, men tá ein gul tyrla kom til landið byrjaðu søgurnar at ganga. Enn vilja teir føroyingar, ið onkursvegna eru knýttir at verkætlanini, ikki úttala seg um filmin, men vísa á, at tagnarskylda valdar í nakrar dagar aftrat Daniel Craig filmar í Italia Meðan stuntmenn til No Time to Die eftir øllum at døma filma senur til No Time to Die í Kalsoy, er høvuðssjónleikarin sjálvur í Italia, har hann filmar senur til sama film. Sambært bretska blaðnum the Daily Mail varð Daniel Craig mikudagin sæddur í tokstøðini í italskum býnum Sapri, har senur verða filmaðar til nýggja filmin. No Time to Die er fimti og seinastau ferð, at bretin Daniel Craig verður at síggja í leiklutinum sum agent 007. Fyrstu ferð hann var at síggja í leiklutinum var fyri trettan árum síðan, tá hann spældi leiklutin í Casino Royale. Síðan tá hevur hann spælt heimsins kendasti njósnari í Quantum of Solace frá 2008, Skyfall í 2012 og seinast í Spectra í 2015. HESIR HAVA SPÆLT 007: Sean Connery (1962- 68; 1971; 1983) David Niven (1967) George Lazenby (1969) Roger Moore (1973-85) Timothy Dalton (1987-89) Pierce Brosnan (1995-2002) Daniel Craig (2006- ) FILMAR VIÐ JAMES BOND: 1: Dr. No (1962) 2: From Russia with Love (1963) 3: Goldfinger (1964) 4: Thunderball (1965) 5: Casino Royale (1967) 6: You Only Live Twice (1967) 7: On Her Majesty's Secret Service (1969) 8: Diamonds Are Forever (1971) 9: Live and Let Die (1973) 10: The Man with the Golden Gun (1974) 11: The Spy Who Loved Me (1977) 12: Moonraker (1979) 13: For Your Eyes Only (1981) 14: Octopussy (1983) 15: Never Say Never Again (1983) 16: A View to a Kill (1985) 17: The Living Daylights (1987) 18: Licence to Kill (1989) 19: GoldenEye (1995) 20: Tomorrow Never Dies (1997) 21: The World Is Not Enough (1999) 22: Die Another Day (2002) 23: Casino Royale (2006) 24: Quantum of Solace (2008) 25: Skyfall (2012) 26: Spectre (2015) Hóast James Bond er eitt stórt brand innan marknaðarføring, so er tað als ikki vist, at Føroyar fara at merkja ein ágóða av, at upptøkur verða gjørdar til filmin á Kalsoynni. Tað metir Lena L. Mohr, stjóri á samskiftisfyritøkuni Sansir. - Tað handlar um hvønn leiklut Føroyar fáa í filminum. Eru Føroyar ein partur av søgugongdini í sjálvum filminum ella verða senurnar vístar sum eitt stað í einum øðrum landi, vísir hon á. Um so er, at senurnar í Føroyum spæla sama leiklut í filminum sum tær, ið vórðu tiknar upp í Íslandi til Die Another Day við Pierce Brosnan, verður talan um eitt stórt marknaðarvirði fyri føroysku ferðavinnuna. - Jökulsárlón har upp­ tøkur­nar vórðu filmaðar er nú millum best dámdu ferða­ vinnumál í Íslandi. Men tað var tí tað var ein týðandi part­ur av søgugongdini í filmi­num. Ein av biljagstrani við James Bond og ísslottið í filmi­num vóru vístar sum var James Bond í Íslandi, sigur Lena L. Mohr. Svalbard Hin grøvin er at Føroyar enda sum Svalbard, ið eisini var ein partur av Die Another Day, men hvørki Norra ella Svalbard verða nevnd í filminum. - Tað er eingin í verðini uttan norðmenn og fólk innan vinnuna, ið vita at upptøkur til Die Another Day eru gjørdar í Svalbard. Í filminum verður tað lýst sum Norðurkorea. Tá er marknaðarvirði lítð og einki, vísir stjórin í Sansir á. Við tí vitan vit hava í dag um upptøkurnar, er tað júst hendan seinna støðan, ið Lena L. Mohr metir, at Føroyar fáa í komandi filminum um 007. - Um tað ikki kemur greitt fram í filminum, at upptøkan er úr Føroyum, hevur tað einki marknaðarvirði. Og tá Daniel Craig ikki er í Føroyum í samband við upptøkurnar, men einans stuntmenn, tykist at tað verður so, at Kallurin verður vístur sum eitt fjall í einum øðrum landi, sigur hon. Gott fyri filmsvinnuna Men hóast møguleiki sostatt er fyri, at filmurin ikki fer at draga nýggj ferðafólk til Føroyar, so er okkurt at vinna við honum kortini. - Fólk innan vinnuna leggja merki til hvar upptøkurnar verða gjørdar. At koma við í ein slíkan film kann gera, at onnur filmsfeløg fáa eyguni upp fyri Føroyum. Tað er gott fyri nýggja Filmshúsið, ið arbeiðir við at marknaðarføra Føroyar sum eitt filmsland, sigur Lena L. Mohr og leggur afturat. - Fyri okkum føroyingar er tað eisini stórt. Vit vita sjálvandi, at senurnar eru filmaðar í Føroyum og møguleiki er at marknaðarføra oynna sum staðið har nýggi James Bond bleiv filmaður. Neyvan eitt gullnám