hósdagur 26. september 2019síða 49

25 - Eg vakni klokkan 06.30. Fari upp og geri meg klára, og síðan geri eg børnini klár til dagin. Fari heimanífrá umleið klokkan 07.30. Eg byrji í barnagarðinum og leggi síðan leiðina til Havnar. Gudny Langgaard sigur, at arbeiðsdagurin kann vera ymiskur, men tað eru fáir dagar, har eingir fundir eru á skránni. - Eg eri mest í Havn, men arbeiði garna ein dag um vikuna í Klaksvík, har vit eisini hava handil umframt skrivstovu. Men, stjórin í Nema|Hey er eisini úti á kundavitjan. - Vanliga eri eg heima við hús aftur í Leirvík um 17.30-tíðina. Vit eta um 18-tíðina, og síðan eru tað skúlating og ymiskt annað saman við børnunum. Er veðrið hampiligt, verður kanska farið ein trillitúr, og annars fara børnini í song klokkan 20. Seinni um kvøldið eru tað matpakkar, klæðir og annað, og okkum dámar eisini væl at hyggja eftir einari góðari filmsrøð, tá børnini eru farin til songar. Nakrar ferðir um vikuna fer stjórin í Nema|Hey til venjing í Fullpower ella venjing, og tað heldur Gudny Langgaard er ein góður avvekslingur til arbeiðsdagin og dagligu uppgávurnar heima við hús. Nema|Hey heildarveitari Sig eitt sindur um uppgávurnar og tænastuøkið hjá Nema|Hey? - Samanleggingin millum Nema|Hey merkir, at fyritøkan hevur eina sera breiða viftu av vørum og tænastum. Vit selja fjarskifti til privat og vinnu. KT hardware, sum tað verður rópt, eitt nú teldur, servarar og printarar umframt hýsing og netumsiting við meira. Stjórin vísir á, at við í KT software-konseptinum er fíggjar­ stýr­ingskipan, lønarskipan, HR-skipan, stempulskipan og journal­skipan. Haraftrat eru møblar og faber-gardinur og ymiskir skriv­stovulutir. Handlar eru í Klaksvík, Runavík, SMS og á Smyrilsvegi í Havn, men møblar eru bara á Smyrilsvegi. - Breiða viftan av vørum og tænastum er ein styrki hjá okkum, tí tað merkir, at vit kunnu gerast heildarveitari hjá flest øllum fyri­tøkum í Føroyum - til gagn fyri kundan, bæði tá ræður um prís og tænastu. Kundin merkir fyrimunir Hvat kanst tú annars siga um framtíðina hjá Nema|Hey? - Framtíðin hjá okkum er spennandi, og vit vilja framhaldandi verða við til at menna og selja góðar loysnir til føroyska markn­ að­in. Vit vilja eisini, at viðskiftafólk og viðskiftafeløg skulu merkja fyrimunir við at brúka okkum sum heildarveitara, sigur stjór­in í Nema|Hey, Gudny Langgaard. Breiða viftan av vørum og tænastum er ein styrki hjá okkum… Samrøða