hósdagur 26. september 2019síða 53

29 995 METRAR AV NÝGGJARI BRYGGJU Hin 21. oktober í ár verður fyrri parturin av nýggju Skansabryggjuni liðugur og latin Tórshavnar havn, og endaliga avhendingin av stóru byggiverkætlanini verður hin 15. mai næsta ár Ú tbyggingin av Tórshavnar havn er vorðin nakað dýrari enn upp­ runaliga ætlað, og tískil skuldi Tórshavnar býráð í gjár taka støðu til, um 37,7 miljónir krónur aftrat skulu játtast til Skansa­bryggj­una. Tað var í 2016, at Tórshavnar býráð samtykti at játta 465 milj­ónir krónur til víðkan av Skansabryggjuni og til eystara havna­økið, men samlaða verktlanin verður nakað dýrari enn tað, har­av parturin hjá J&K Petersen sambært Tórs­havn­ar býráði verður 413 miljónir krónur. Ymiskar orsøkir eru til, at kostn­aðar­ætl­an­in ikki hevur hildið til fulnar, og ein av orsøkunum er, at grótið, sum er sprongt á Glyvursnesi og er ført heim í grótbátum, er sokkið nakað í botninum. Tískil eru út við 10 miljónir krónur meira enn ætlað brúkt­ar til grót. Samráðingar hava verið millum part­ar­n­ ar, Tórshavnar havn og arbeiðstakaran, J&K Petersen, og nú verður parturin, sum eftir er at gera, gjørdur fyri fastan prís, und­an­tikið møguligan prís-og lønar­vøkst­ur. Góð tvey ár síðan Stein Olvur Petersen, stjóri hjá J&K Pet­er­ sen, sigur, at arbeiðið at útbyggja havna­lagið í høvuðsstaðnum byrjaði í apríl mán­aði í 2017. - Okkara fólk byrjaðu at bora, spreingja og føra grót heim av Glyvursnesi, men tað tók tað mesta av einum ári, áðrenn nakað sást aftur í vatnskorpuni. Størsta dýpi á grótkastinum er 34 metrar, og har grót­kastið liggur hægst, liggur tað níggju metrar yvir vatnskorpuni. Í eini 16 ár hava J&K Petersen átt grótbátin Siri, og í samband við havna­út­bygg­ ing­ina keypti felagið eisini grótbátin Ragnhild í 2017. - Vit fingu ongan bát til leigu. Tað eru nógvir bátar, sum føra sand og bleytt til­far annars, men tað eru ikki so nógvir klassaklárir bátar, sum burtur av kunnu føra grót. Stein Olvur Petersen heldur, at arbeiðið at byggja út Tórshavnar havn eftir umstøð­unum hevur gingið væl, og sum heild hava teir ikki verið nógv tarnaðir av veðri. - Samlað er talan um stívliga fýra miljónir rúmmetrar av gróti, sum alt er borað, sprongt og ført heim av Glyvursnesi, leggur hann aftrat. 995 metrar av atløgu Við útbyggingini av Skansabryggjuni og eystara havnaøkinum annars fær Tórs­ havn­ar havn 995 metrar av nýggjari atløgusíðu, ið øll hevur eitt dýpi, sum í minsta lagi er 15 metrar. - Haraftrat verður havnaøkið stívliga 100.000 fermetrar størri, enn tað var áður, og av hesum fær Tórshavnar havn 95.000 fermetrar til brúks. Stein Olvur Petersen vísir á, at parturin, sum verður handaður hin 21. oktober, er tann parturin, sum áður var gamli mol­in, men sum nú eisini hevur atløgu á eyst­ur­síð­uni. - Nú nýggja grótkastið liggur sum verja fyri gamla mola, er stóra grótið, ið áður lá sum verja við eystursíðuna á gamla mola, tikið upp og brúkt í havnabyggingini ann­ars. Gamli moli er breiðkaður einar 30 metr­ar longur út í sjógvin. Stjórin vísir á, at eitt grótkast, sum nýggja grótkastið í Skansabryggjuni, er bygt upp í løðum, har tað smæsta grótið ligg­ur við botnin. Síðan liggur tað størsta grótið frá umleið fýra metrum undir vatns­skorpuni og einar fýra metrar yvir vatn­skorp­uni. - Í løtuni verður laðað, og her er enn nakað at gera eftir. Her verður gjørt stál­ar­beiði, og tað verður stoypt í havnabyggingini. Tá vit eru komin út í mai næsta ár, verða vit lidnir, sigur Stein Olvur Petersen. 100 fólk í sving Av teimum 210 fólkunum, sum J&K Petersen hevur á lønarlista, eru einir 20 út­lendingar, serliga polakkar og rumenar. Fleiri av hesum hava arbeitt leingi í Før­oy­um, og tað eru eisini teir, sum hava sett búgv her. - Eg vil meta, at umleið 100 fólk meira og minni burtur av eru knýtt at arbeiðnum við Skansabryggjuni. Stein Olvur Petersen vísir á, at umframt grótbátarnar, Siri og Ragnhild, eru velduga stórar maskinur til arbeiðis við havnaútbyggingini. - Størsta gravmaskinan er 150 tons, og harumframt eru tvær aðrar maskinur, sum eru størri enn 100 tons hvør. Armurin á beltamaskinuni, sum er 150 tons, er heilar 22 metrar langur, og maskinan kann arbeiða niðri á 15 metra dýpi, tá hon stendur á tveimum ella trimum metrum yvir vatnskorpuni, sigur stjórin í J&K Petersen. Bogi Andreassen er formaður í vinnunevndini hjá Tórshavnar kommunu Stein Olvur Petersen er stjóri í J&K Petersen - Eg haldi, at arbeiðið at byggja út Skansabryggjuna og eystara havnaøkið hevur gingið fyrimyndarliga væl, tá havt verður í huga, hvussu stór og krevjandi henda verkætlan er. Tað sigur Bogi Andreassen, formaður í vinnunevndini hjá Tórshavnar komm­ unu. Hann vísir á, at her hava verið ymiskar avbjóðingar, og her hava eisini verið onkr­ir snávingarsteinar. - Men, vit hava altíð funnið út av tí og hava funnið skilagóðar loysnir, soleiðis at báðir partar - arbeiðsánari og arbeiðstakari - eru nøgdir. Bogi Andreassen sigur, at arbeiðið, sum J&K Petersen higartil hava gjørt, er sera gott og tað, sum kommunan fær afturfyri íløguna, er fyrimyndarliga væl úr hond­um greitt. Í samrøðu, sum Sosialurin hevur havt við stjóran í J&K Petersen, Stein Olv Pet­ er­sen, helt hann, at um ætlaða maritima bátahavnin eisini hevði verið við í samlaðu verkætlanini, hevði kostnaðurin kanska verið einar 50 miljónir krónur meira. - Eg haldi, at tað er ein katastrofa, at bátahavnin ikki kom við. Her høvdu vit fingið eitt fantastiskt umhvørvi, sum hevði verið ein fongur fyri høvuðsstaðin. Haraftrat høvdu vit fingið eina nógv betri atkomu til havnalagið. Bogi Andreassen sigur, at her hevði Tórshavnar kommuna fingið nógv fyri peng­ ar­nar, eins og kommunan hevði fingið nøkur harðliga tiltrongd bátapláss aftrat. - Hetta hevði verið eitt nýtt, forvitnisligt og spennandi maritimt umhvørvi, har ymiskir fasilitetir eisini kundu verið við ætlaðu bátahavnina, eitt nú kafé’ir, sølu­básar, wc-og brúsumøguleikar og hølir til feløg, sum hava við sjógvin at gera. Bogi Andreassen vísir á, at ofta skulu slíkar verkætlanir búnast, og tað kann taka tíð. Tískil hevur hann heldur ikki mist vónina um, at her einaferð verður skapt eitt spenn­andi maritimt umhvørvi. Samrøða