hósdagur 3. oktober 2019síða 20

FRÍGGJADAGUR 4. OKTOBER 2019 SOSIALURIN 114 20 TEMA: Bíðilisti til vardar íbúðir Fleiri bústovnar liggja í kort­ un­um, men av ymsum orsøkum liggur arbeiðið við trimum teirra stilt. STEINAR PATURSSON T ørvurin á vardum bú­ staði í Føroyum er stór­ ur, og í løtuni eru 152 fólk á bíðilistanum hjá Al­mannaverkinum. Í 2018 samtykti løgtingið fleiri verk­ætlanir til vardar bústaðir í Suður­streymoy. Fýra bústovnar skuldu byggjast: Ein bústovnur til børn og ung við autismu, eitt nýtt barna­heim og tveir bústovnar til fólk, ið hava menningartarn. Av teimum fýra verkætlanum er bert ein, sum í løtuni koyrir eft­ir ætlan. Hinar liggja stillar, tí trupul­leikar hava stungið seg upp við kostnaðarmetingum og øðrum viður­skiftum, og greiða skal fáast á teim­um trupulleikunum, áðrenn far­ast kann víðari. Alt hevur kortini ikki ligið stilt seinastu árini, tí seinastu fýra árini eru komin 62 búpláss og 18 um­ lætt­ingarpláss aftrat. Sam­stundis kann Almannaverkið visitera fimtu hvørja íbúð frá Bústøðum, og arbeitt verður eisini at finna fram til líknandi alternativar loysn­ir, ið kunnu økja um talið á vard­um búplássum og soleiðis minka um trýstið á bíðilistanum. Nýtt sambýli ístaðin fyri Eiragarð Í 2018 samtykti Løgtingið at dag­ føra ognina á Eirargarði fyri 30 mió.kr. Bygginevndin arbeiddi við fleiri loysnum, men tað bar ikki til at fremja ætlanina fyri 30 milli­ónir krónur. Tí varð í mei 2018 farið undir at fyrireika at byggja eitt nýtt sambýlið, í fyrstu syftu til búfólkini á Eirargarði. Ætlanin er at byggja eitt sam­ býli við 18 røktarbústøðum, felags­ hølum og felags virksemi. Røkt­ar­ bústaðirnir skulu innrættast til at veita nógvan stuðul og ser­liga røkt. 12 av teimum 18 íbúð­un­um hava stór vesi/baðirúm til tyngri rørslutarnað, sigur Al­manna­mála­ ráðið. MAP vann útbjóðingina og hev­ur gjørt skipanaruppskot, sum var handað í februar 2019. Lóg­aruppskot við skip­anar­upp­ skot­inum, varð lagt fyri Løgtingið í farnu tingsetu, men fall burtur. Almannamálaráðið sigur, at í ver­andi løtu er prosjekteringin steðga, meðan málið verður fyri­ reikað at leggja fyri Løgtingið aft­ur. Gongur sum ætlað, og lóg­ ar­uppskotið verður samtykt, kann arbeiðið vónandi bjóðast út í apríl 2020, og farast kann undir at byggja í august 2020, so klárt verð­ ur at flyta inn í september 2022. Fyrireikingin til hendan bú­ stovn­in liggja tó stillar, meðan fyri­reikingarnar til hin stovnin á Mýr­uni verða gjørdar. Dagføring av sambýlinum á Mýruni Farið er undir at fyrireika bústovn fyri fólk við menningartarni á Mýrini í Hoyvík. Bústovnurin skal koma ístaðin fyri tveir bygningar, sum standa á Mýruni, og sum hava virkað sum sambýli í nógv ár. Eftir ætlan skal nýggja sam­ býlið hava 18 búpláss býtt út á tríggj­ar eindir. Skipanaruppskot varð handað 6. september 2019. Sambært tíðar­ ætl­anini skuldi arbeiðið bjóðast út í mars 2020, og farast skuldi undir at byggja í apríl 2020, soleiðis at klárt varð at flyta inn í mei 2022. Nú er tó greitt, at metti kostn­ að­urin, frá tá lógaruppskotið varð gjørt, er ov lágur. Sambært skip­an­aruppskotinum verður kostn­aðurin umleið 38 milliónir krón­ur, men tað er greitt, at neyvi kostnaðurin er ikki kendur, fyrr enn verkætlanin er boðin út, og av­talur eru gjørdar við arbeiðs­ tak­arar. Av tí sama er verkætlanin í løt­ uni steðgað. Bygging av nýggjum Barnaheimi Í desember 2017 legði táverandi lands­stýriskvinna fram upp­ skot til løgtingslóg um at byggja barna­heim í Tórshavn. Lógar­upp­ skotið varð ikki samtykt, áðr­enn tingsetan endaði, og tí varð nýtt lógaruppskot lagt fram í sept­ ember 2018. Fleiri orsøkir vóru til, at uppskotið ikki varð samtykt. Millum annað var ivasamt, um kostnaðarmetingin fór at halda, og harumframt skuldi fáast greiða á viðurskiftunum kring ogn­ina á Pedda við Steingøtu, har barna­ heimið heldur til í løtuni. Lógaruppskotið varð ikki sam­ tykt, áðrenn tingið fór í summ­ar­frí í summar. Óvissurnar kring kost­ naðarmetingina saman við tí, at val skuldi útskrivast á ólavsøku, høvdu við sær, at tá­ver­andi lands­stýriskvinnan, Eyð­gunn Samuelsen, gjørdi av at heita á byggi­nevndina at gevast við ar­ beið­inum at byggja nýtt barna­ heim. Í uppskotinum til verklagslóg um at byggja barnaheim í Tórs­ havn varð mett, at projekt­er­ing og bygging fór at kosta 65 milli­ ónir krónur. Tá skipan­ar­upp­ skotið varð liðugt á vári 2019 varð samlaða metingin av byggi­kostn­ aðinum komin uppá 136 mió.kr. Støða skal takast til hvussu arbeiðast skal víðari við verk­ætl­ an­ini at byggja barnaheim, sigur Al­mannamálaráðið. Bú- og umlættingarheim og virknistilboð til børn og ung við autismu Av teimum fýra byggi­verk­ætl­an­ un­um til vardar bústaðir, er tað bert bústovnurin til børn og ung við autismu, sum gongur eftir ætl­ an. Byggingin fevnir um tríggjar eind­ir; ein búeind við seks bú­ pláss­um; ein umlættingareind við seks umlættingarplássum; og ein­ari virkiseind til áleið 16 børn og ung, sum koma til ymiskt frítíð­ ar­virksemi. Almannamálaráðið sigur, at sam­bært tíðarætlanini verður arbeiðið boðið út 19. november í ár, og farið verður í gongd at byggja 14. apríl næsta ár. Klárt verður at TRÍGGJAR AV VERKÆTLANU LIGGJA STILLA