hósdagur 3. oktober 2019síða 22

FRÍGGJADAGUR 4. OKTOBER 2019 SOSIALURIN 114 22 Fara nú at skera sild í Leirvík Gongst, sum ætlað, byrja tey mánadagin at skera norðhavssild í bitar á Tavuni í Leirvík, og her verða væntandi eini 30 fólk til arbeiðis næstu tveir mánaðirnar VILMUND JACOBSEN H etta verður triðja árið á rað, at tey á Tavuni í Leir­vík fara at skera norðhavssild. Sildin verð­ur fyrst flakaskorin, og síðan verð­ur hon skorin í bitar. Sildabitarnir verða síðan latnir í tunnur, har teir verða kryddaðir eftir ávísari uppskrift. Tavan í Leirvík hevur samstarv við svenska fyritøku, sum hevur drúgva siðvenju við sild, sum verður latin í gløs. 5000 tunnur Joen Magnus Rasmussen, stjóri í Tavuni, sigur, at virkið í ár hevur sáttmála við svensku fyritøkuna á 5000 tunnur, sum er eitt væl størri tal, enn tá samstarvið um sildina byrjaði. - Tað er norðhavssild, sum vit snakka um, og nú eru tað skip, sum fáa sild. Tí er ætlanin hjá okkum – um alt gongur væl – at byrja at virka sild longu mánadagin kom­ andi. Hann sigur, at tey fara at ar­beiða við tveimum vaktum, meðan silda­ vertíð er, og virkið fer at taka ímóti. - 15 fólk verða á hvørji vaktini. Fyrra vaktin arbeiðir frá klokkan 08 til 16 og hin seinna frá klokkan 16 til midnátt. Stjórin sigur, at soleiðis verða 30 fólk knýtt at sildaframleiðsluni í heyst, og hann sigur seg vóna, at tað fer at eydnast teimum at kunnu arbeiða sild allan oktober og allan november. Eingin upsi Arbeiðið á Tavuni er soleiðis skipað, at gulllaksavertíð er frá um­leið hálvum apríl til nakað út á heystið, og tá so henda vertíð er liðug, plaga tey á virkinum í Leir­ vík at arbeiða upsa. Soleiðis hevur eisini verið í heyst, eftir at gulllaksavertíðin var liðug. - Vit hava nú síðan umleið hálv­ an august arbeitt upsa, men tað gera vit bara til og við í dag, nú vit fara at leggja okkum eftir at gera burtur úr sildini. Joen Magnus Rasmussen sig­ur, at tá tey so eru liðug við sild­ina, verður aftur lagt um til fram­ leiðslu úr upsa. Meira næsta ár Stjórin í Tavuni sigur, at tey í gull­ laksavertíðini í ár tóku ímóti til­ sam­ans 8.300 tonsum, og hetta er nakað minni enn undanfarna ár. - At nøgdin av gulllaksi var minni í ár, hevur nakað við reguleringar á gulllaksamarknaðinum at gera, men vit vænta, at nøgdin verður nakað størri aftur næsta ár, leggur stjórin, Joen Magnus Rasmussen, aftrat. Trupult at siga hvat nú verður - Vit høvdu eina líknandi støðu í 2003 við nógvum toski inni við land, men tað er ikki vist, at tað sama hendir nú, sigur Petur Steingrund, fiskifrøðingur VILMUND JACOBSEN Tað er nógv til av toski, men tað er lítið til av nebbasild, sum toskur etur. - Nebbasild er týdningarmikil føði hjá toski. Hon heldur í høv­ uðs­heitum til í einum dýpi, sum liggur millum 50 og 150 metrar. Tá nógv er til av nebbasild, heldur toskurin seg fyri tað mesta, har nebbasildin er. Tað sigur Petur Steingrund, fiski­frøðingur. Hann vísir á, at tá lítið er til av nebba­sild, fer ein størri partur av toskinum úr tí økinum, har nebba­ sildin annars var. - Tá fer ein partur av toskinum móti landi, og ein annar partur leit­ar sær longur út. Fiskifrøðingurin sigur, at tá nógv­ur toskur er inni við land, kann hetta hava ta avleiðing, at tað verður lítið av smáum toski sum yvirlivir. - Av hesi orsøk gerast útlitini fyri toskastovnin verri, enn tey ann­ars høvdu verið, um viður­ skift­ini vóru vanlig. Hann vísir á, at vit høvdu eina líknandi støðu við toskinum í 2003. - Tá fingu vit eina røð av vána­ lig­ari tilgongd í fleiri ár – uttan, at eg yvirhøvur skal siga, at tað verð­ ur tað sama, sum nú fer at henda. Men, tað eru dømir um, at hetta er hent áður, og at tilgongdin eftir eitt slíkt fyribrigdi er lítil, sigur Pet­ur Steingrund, fiskifrøðingur. Aftan fyri Ingvar Joensen á Tavuni eru tunnur fullar av kryddaðum sildabitum Her verður sildin skorin til flak… … og her verður hon skorin í bitar