hósdagur 17. oktober 2019síða 24

FRÍGGJADAGUR 18. OKTOBER 2019 SOSIALURIN 120 24 Óli Jacobsen Óli Jacobsen 2. partur Í fyrsta partinum greiddi Anna, dóttir Johan Poulsen, frá sínum uppruna á Toftum. Hon heldur fram: Pápi bleiv lærari á Strondum í 1917. Á Strondum hitti hann mammu, Janu, dóttir Hans Jakku Johansen og Onnu Mariu Elisa­beth Fredrikku Petersen. Tey giftust í 1925. Abbi á Strondum hevði handil niðri í Heygsstøð og handlaði at byrja við fyri J.P. Evensen í Havn. Hann átti sluppina Eysturoynna frá 1931 til 1936. Eisini var hann reiðari á sluppini Alexandru. Hann hevði eisini postin á Strondum. Eg varð fødd 2. september 1926, og fekk tað langa navnið Palma Ingvarda Teodora Anna Christina, sum var eftir míni næstu ætt, sum var farin foldum frá í góðum ár­ um. Men til dagligt varð eg kallað Anna, sum var eftir fastur míni, sum var gift við Sofus í Rituvik, og sum doyði í barsilssong í góðum árum. Vit vóru tvey systkin. Beiggi mín, Hjal­ grim, var 3 ár yngri enn eg. Hann doyði í 2013. Hjalgrim varð føddur ov tíðliga og vig­aði bara fýra pund. Mamma lá eina tíð sam­ an við honum á hospitalinum, men hann kom fyri seg. Hjalgrím bleiv eisini lærari. Hann var næm­ingur á Føroya Fólkaháskúla 1945- 1946 og var í 1947-48 á Karise Kost- og Real­skole. Hann tók prógv á Føroya Læraraskúla í 1956. Var lærari fyrst á Strondum 1957- 58, á Toftum 1958-66 og aftur á Strondum 1966-96. Hann var limur í sóknarstýrinum 1985- 89. Konan var Marjun Oda f. Danielsen. Tey fingu trý børn, Heidi, Johan og Jana. Jógvan Poulsen bleiv “gubbi”. Omma, Anna Maria, og Sigga, kona Jógvan Poulsen, lærara og løgtingsmann, vóru systrar. Tey fingu eingi børn, men omma átti trý. Tískil kom mamma at vera so nógv hjá Siggu og Jógvan, og hon hevur verið umtalað sum fosturdóttir teirra. Eg minnist ikki Siggu, men Jógvan gjørdist sum ein abbi hjá mær. Eg kallaði hann gubbi. Jógvan kom á Strendur sum einalærari í 1878. Men søgan sigur, at hóast hann var framúr gløggur, so maktaði hann ikki næmingarnar. Tað gjørdi ikki hansara støðu frægari, at kona hansara, Sigga, varð sálarliga sjúk umframt at hon var sjúk likam­liga. Tískil legði hann frá sær sum lærari longu í 1917, 63 ára gamal. Jógvan helt tó fram í løgtinginum. Hann var nógv hjá okkum. Hann var ógvu­liga fittur, men hann segði ikki so nógv. Hann var so ógvuliga góður við okku­m bæði systkini. Jógvan var eftir at hava lagt sær sum lærari nógv í Fuglafirði, har hann avloysti sýslumanninum, Andras Samuelsen, tá ið hann var á ríkisdegnum . Benny, abba­son­ ur Andras, hevði fjallstavin hjá Jógvani í varðveitslu, og nú Benny doyði, fekk Viggo, son­ur mín, stavin, sum nú er eitt gott minni um gubba. Tað hevur helst verið frá Jógvani Poul­ sen, at pápi hevur fingið áhugan fyri politikki. Einki at vera til á Toftum Abbi á Toftum, Magnus Poulsen, doyði, tá Johan Poulsen verður lærari á Strondum, men tað er skjótt, at hann kemur upp í politikk, har hann kom at skapa søgu SIÐSØGA PÁPI KEMUR Á TING Í 1920 Anna Christiansen: Omma og abbi Onnu á Strondum, Hans Jacob og Anna Maria Gamli skúli á Strondum Tvey megnarfólk. Jákup Mikal Mikkelsen hevur 95 ára føðingardag í dag, 18. oktober. Katrina Jensen, systkinabarn Onnu, doyði í seinastu viku, 96 ára gomul. Standandi v.f Petur C, maður Onnu, og Hjalgrim, beiggi Onnu. Anna situr millum foreldrini.