týsdagur 22. oktober 2019síða 12

Mikudagur 23. oktober 2019 · Nr. 122 12 Sosialurin Hugskot og viðmerkingar – send sms til 225000 VEIÐA Vilmund Jacobsen Martin Simonsen, sum er úr Hvanna­ sundi, men sum býr í Miðvági, er ein av umsitarunum av Facebook-síðuni, Fuglaveiða í Føroyum. Hetta er ein bólkur, sum serliga fólk við áhuga fyri fugla­veiði leita sær inn á, tá tey vilja frætta tíðindi um fuglaveiði. Her eru av og á myndir frá veiðiferðum, og nú tað 1. oktober varð loyvt at skjóta skarv, lomviga, álku og lunda, hava fólk lagt út myndir og kunn­ing um, hvussu gingist hevur. Men, tað eru eisini tey, sum argast um fuglaveiði, ið hyggja inn á henda bólkin, og tað eru eisini lesarar, sum mæla teimum, ið dáma at skjóta, til held­ur at lata fuglin fáa frið. - Tað er loyvt at skjóta frá 1. okto­ ber, og sjálvur havi eg verið fugla­veiði­ maður heilt, síðan pápi mín plagdi at taka meg við sær, meðan eg enn var ein lítil smádrongur, sigur hvanna­ sundsmaðurin í Miðvági. Eisini øvundsjúka Martin Simonsen ivast ikki í, at tað eru tey, sum veruliga meina tað, tá tey held­ ur vildu, at sjófuglurin fekk frið. - Men, eg trúgvi tíverri, at her eisini eru fleiri fólk og viðmerkjarar, sum ikki skjóta sjálvi, men sum øvunda okkum ið skjóta og sum hava skotið fugl í fleiri ár. Tað er serliga lomvigi og álka, sum hava havt áhugan hjá hvanna­sunds­ manni­num hesi árini. - Vit hava ikki gjørt nógv við at skjóta skarv. Skarvur tykist meira turrur og soltin enn vetrarlomvigi og álka, men eg ivist onga løtu í, at skarvur eisini er góður, um hann verður tilreiddur á hósk­andi hátt. Vanliga er sjófuglurin rak um summar­ið, men tá líður út á heystið og vet­ur­in verður fuglurin feitur og góður. - At síggja til liva álka og lundi av nøkulunda somu føði sum fyri tað mesta er nebbasild. Hinvegin havi eg sæð bæði størri nebbasild og onkuntíð smáan makrel - á stødd við stóran seiðamurt - í lomviga. Eg kann ikki siga, at hetta ikki eisini hendi í sínari tíð, tí ivaleyst er man vorðin meira nærlagdur og hevur hugt betri eftir, sum árini eru liðin. Fyrstu ferð, eg sá makrel í lom­ vigamaga, er helst eini tvey ár herfyri, sigur Martin Simonsen. Veðrið avmarkar Tað er avmarkað, hvussu nógvir dagar skotið verður hesa ársins tíð, tí tað er sjáldan, at líkindi eru til slíkar túrar. - Tá ættin liggur upp á land her vesturi, ber sjáldan til at skjóta svart­ fugl. Kortini hevur onkur løta eydnast, síðan loyvt varð at skjóta hin 1. oktober. Martin Simonsen heldur, at tað hevur verið meira at sæð av svartfugli higartil í heyst enn fleiri undanfarin ár. - Men, dagarnir kunnu saktans royn­ ast ymiskir - eisini, tá tað eydnast at sleppa avstað fylgjandi dagar, og ofta er tað soleiðis, at fært tú nógva lomvigi ein dag, fæst helst minni av álku - og øvut. Hann heldur ikki, at nakar mynstur er, sum sigur, nær frægast er til lomviga, og nær frægast er til álku. - Seinasta hósdag, tá eg var á báti, fekk eg mest av lomviga og leygardagin, tá tað eisini eydnaðist mær at sleppa ein túr, var mest av álku. Hetta var ikki júst um somu leið, tí eg var ikki líka langt úti leygar­dagin sum hósdagin. Nær er best? Martin Simonsen heldur tað vera trupult frammanundan at siga, hvørji lík­ind­ini eru best, og nær fuglurin er mest­ur. Men, ein fyritreyt fyri at gera eina slíka veiðiferð er, at veðrið er hampi­liga gott. - Eg haldi meg tó kunna siga, at best er at skjóta, tá tað rekur inn, sigur fugla­ veiði­maðurin úr Hvannasundi. Sosialurin kann leggja aftrat, at loyvt er at skjóta lomviga, álku og lunda frá 1. oktober til 20. januar, og loyvt er at skjóta skarv allan oktober og november. TAÐ ER MEIRA SVARTFUGLUR NÚ ENN UNDANFARIN ÁR - Vit hava ikki gjørt nógv við at skjóta skarv. Skarvur tykist meira turrur og soltin enn vetrarlomvigi og álka, men eg ivist onga løtu í, at skarvur eisini er góður, um hann verður tilreiddur á hóskandi hátt, sigur Martin Simonsen, sum hevur skotið svartfugl, síðan hann var so frægur