hósdagur 24. oktober 2019síða 31

7 Samrøða kW, kemur ætlandi at geva nóg mikið av orku til kommunalu bygningarnar meginpartin av árinum. Heri Müller vísir á, at útrokningar og vatnroyndir vísa, at orkuverkið hevði verið nóg mikið til hita og heitt vatn hjá allari bygdini í Kvívík ein vanligan yrkadag. - Vatnturbinan kemur ætlandi at standa í barnagarðinum, og síðan verða tangar settir upp í barnagarðinum og skúlanum, eins og smærri tangar verða í Glæmuni og Frøishøllini. Hann vísir á, at nú arbeitt verður við vatnorkuni er hetta samstundis partur av einari verkætlan við drekkivatninum í Kvívík. - Vit skulu leggja tjúkri rør til brunnin og hava ein lítlan brunn aftrat við Breiðá. Alt vatnið kemur úr Vatnsdali við Egils­fjall, sum alt er í okkara kommunu. Rørinntakið til leið­ ing­ina, sum førir oman til orkuverkið í barnagarðinum, liggur í gamla brunni, haðani drekkivatnið eisini Kemer, sigur Heri Müller. Avlopsorka til spillis Borgarstjórin vísir á, at sum ein av eigarunum av SEV, fer Kví­ víkar kommuna ikki at kappast ímóti sær sjálvari. - Endamálið hjá okkum er at sleppa av við oljuna, og tað hevði ivaleyst ikki verið meira enn rímiligt, um avlopsorkan kundi farið inn á netið hjá SEV. Men, tað letur seg ikki gera, soleiðis sum skipanin er í løtuni. Um vit lótu alt inn á netið hjá SEV og bara keyptu ein triðing út aftur, høvdu vit noyðst at goldið fyri orkuna, sum vit nú sjálvi útvega okkum úr vatni. Heri Müller viðgongur, at Kvívíkar kommuna sum part­eig­ ari av SEV er eitt sindur í einari tvístøðu. - SEV vil hava alt ella einki, og vit fara ikki at koyra orku inn á netið hjá el-felagnum. Tískil fer avlopsorkan, sum vatnverkið hjá okkum kundi framleitt, aftur í ánna. Tá bygningarnir, sum verða hitaðir við orkuverkinum, eru nóg heitir, skrúvar turb­in­ an seg sjálvvirkandi niður. Kortini noyðast vit at hava nakrar so­nevndar hitastavar í einum brunni, soleiðis at turbinan slepp­ur av við alla sína orku. Borgarstjórin heldur fyri, at grøna kósin, sum nú er løgd, í fyrsta lagi eigur at snúgva seg um at útvega grøna orku, men tað grønasta eftir hansara tykki er at brúka minni. Hann heldur ikki nógva meining vera í fyrst at gera seg grønan og síðan at brúka meira. - Vit eru sannførd um, at hetta er ein skilagóð íløga, sum vit gera, og vit vænta eisini, at íløgan kemur at spara seg inn aftur eftir nøkrum fáum árum. Eingin veit, hvussu verður við olju­prísinum, men tað, sum telur nógv hjá okkum í løtuni, er, at vit sum kommuna taka eitt tak, sum ger okkum og Føroyar grønari, og tað er ein góð kensla. Varðveita tað verandi Heri Müller vísir á, at orkuskipanirnar, sum eru í skúlanum og barnagarðinum, eru lutfalsliga nýggjar, og hesar vera verandi sum back-up skipanir, um so skuldi verið, at tað okkurt skifti um summarið verður drúgvur turkur. - Hinvegin er skúlin í summarfrí og barnagarðurin partvís eisini, tá væntast kann, at minni vatn er til skipanina. So, tað er slett ikki vist, at hetta yvirhøvur verður nakar trupulleiki, men tað fáa vit at síggja til ta tíð. Borgarstjórin vísir á, at tað, sum kommunan ynskir, er, at íløgan í vatnorku eisini skal koma borgarunum í Kví­vík­ar komm­unu til góðar, og tað kemur hon eisini við, at skatta­ krón­urnar ikki fara til olju. - Hinvegin er ókeypis at svimja í Kvívík, og her hava fólk eisini ein ókeypis møguleika bæði at sleppa at svimja og at brúka brúsufasilitetirnar. At enda hevur Heri Müller hug at siga, at SEV, sum Kví­ vík­ar kommuna er partur av, ger eitt gott arbeiði, men hann held­ur, at SEV eigur at vera minni upptikið av, hvat kapp­ing­ ar­neytar gera. - SEV eigur at leggja størri dent á tað, sum felagið sjálvt ger. Kapping er sunn, og eg ivist onga løtu í, at okkurt kundi verið gjørt betri, sigur borgarstjórin í Kvívíkar kommunu.