hósdagur 24. oktober 2019síða 30

6 KVÍVÍKAR KOMMUNA ÆTLAR AT SPARA 300.000 KRÓNUR UM ÁRIÐ Í OLJU Í Kvívík verður arbeitt við vatnorkuverki, sum skal gera, at kommunalir bygningar verða hitaðir við vatnorku. Ætlanin er komin væl áleiðis, og borgarstjórin ætlar, at trýstast skal á knøttin til vatnturbinuna eftir summarfrítíðina næsta ár T að er nógv fokus á grøna orku og orku­ skifti í løtuni. Rembingar eru eisini um, hvat gerast kann við avlopsorku hjá smærri privatum útbjóðarum, feløgum og kommunum. Ein av kommununum, sum í løtuni er í holt við at leggja um frá olju til vatnorku, er Kvívíkar komm­una. Í Kvívík er skúli við svimjihyli, og her er barnagarður, og báðir stovnarnir eru lutfalsliga nýggir. Men, tað kost­ar at hita bygningarnar, og tað kostar í orku at halda svimji­ hyl­in heitan. Joen Jacob Andreasen, sum býr í Kollafirði og sum er húsa­vørður hjá Kvívíkar kommunu, sigur, at kommunan í 2017-prísum, tá oljuprísurin var lutfalsliga lágur, brúkti fyri stívliga 300.000 krónur í olju um árið. - Tá eg koyri úr Kollafirði og til arbeiðis, síggi eg eins og onnur nógva orku fara til spillis. Hetta er vatn, sum rennur oman úr fjøllunum ígjøgnum áir og endar á sjónum, men sum kundi verið umgjørt til orku, sigur húsa­vørðurin. Eins og borgarstjórin í Kvívíkar kommunu og alt bygda­ráðið, sum stendur saman um orkuskiftið í komm­ un­uni, er eisini húsavørðurin rættiliga spentur upp á ta verk­ætlan, sum nú av álvara tekur skap í kommununi. Tað tekur tíð Í Kvívíkar kommunu arbeiða tey nevniliga við at spara meginpartin av oljuni burtur, sum kommunan brúkar, og soleiðis er ætlanin longu næsta ár at reka kommunalu bygn­ingarnar í Kvívík – í fyrsta lagi skúla, svimjihyl og barna­garð – við vatnorku. Heri Müller, borgarstjóri, sigur, at alt kommunustýrið stend­ur aftan fyri hesa spennandi verkætlan, sum birtist fyri umleið hálvum triðja ári síðan, og sum nú rættiliga hevur tikið skap. - Tað er ein long tilgongd frá tí, at tú ætlar tær í gongd við eina slíka verkætlan, til ætlanin stendur liðug og kann takast í nýtslu. Byrjar tú ikki, áðrenn øll loyvi eru komin í hús, megnar eitt bygdaráð neyvan at fremja eina slíka verkætlan í einum valskeiði. Borgarstjórin vísir á, at kommunan hevur fingið øll viðurskifti við Ognarhagan í lagi, og tey hava eisini fingið umhvørvisgóðkenning frá Umhvørvisstovuni. - Nú eru vit komin so mikið langt við loyvunum til vatn­orku­verkætlanina, at bara Yvirfriðingarnevndin er eftir. Tey skulu formelt geva loyvi til at brúka vatnið og so­leiðis, sum vit hava skilt og vóna, fer tað at laga seg. Hann ásannar, at loyvisparturin er tungur at fáast við, og hesin tekur bæði tíð og kostar pengar. - Tað kann vera langt frá tí degi, at politiska skipanin sigur, at nú skal leggjast um á grøna leið, til allar góð­ kenn­ingar, hoyringsfreistir og øll loyvi eru upp á pláss. Ja, hetta er ein so mikið drúgv leið, at eg ivist í, um vit her í kommununi høvdu gjørt tað um aftur, sum hann tek­ur til. Heri Müller sigur, at málið er, at vatnorkuverkið skal tendrast í komandi ári, og borgarstjórin vónar, at hann vegna kommununa sleppur at trýsta á knøttin til vatn­ turb­inuna eftir summarfrítíðina næsta ár. - Vit ætla, at skúlin við svimjihyli, dagstovnurin Áar­ lon, Glæman og Frøishøllin skulu bindast í nýggja orku­ verkið, soleiðis at vit í mest møguligan mun kunnu spara oljuna burtur. Vatnorkuverkið, sum verður umleið 180 TEKSTUR VILMUND JACOBSEN MYNDIR JENS KRISTIAN VANG - Útrokningar og vatnroyndir vísa, at orkuverkið hevði verið nóg mikið til hita og heitt vatn hjá allari bygdini í Kvívík ein vanligan yrkadag, sigur Heri Müller, borgarstjóri Tað, sum telur nógv hjá okkum í løtuni, er, at vit sum kommuna taka eitt tak, sum ger okkum og Føroyar grønari, og tað er ein góð kensla… (Heri Müller, borgarstjóri)