hósdagur 24. oktober 2019síða 40

16 Eldsálirnar hava arbeitt við grønari orku í Leirvík N ú Eysturkommuna er í ferð við at gera eina hitaskipan í Leirvík, sum fyrst og fremst byggir á sjóhita, er vert at hyggja aftureftir, hvussu hetta byrjaði. Árið var 2013, tá ið vegurin var gjørdur niðarlaga í bygdini. Eld­ sál­ir syrgdu fyri, at til bar at sleppa undir vegnum veið leiðing­um at yms­um slag, júst tí tankin var at skapa eina felags grøna orkuskipan í bygdini. Millum eldsálirnar var Fríðfinn Johnson, sum hevur verið við í tilgongdini líka síðani tá og til nú tað sær út til, at fjarhitaskipanin verður veruleiki. - Nú hevur kommunan gjørt av at gera eina skipan, men hetta er alt í samljóði við okkum, sum hava verið við frá byrjan, sigur hann. Hann sigur, at samstarvið millum Orkudeildina á Umhvørvissstovuni og Eystur­ komm­unu hevur virkað væl og at eldsálirnar hava verið partur av tilgongdini. - Ja, vit hava verið við á øllum fundum, so vit eru kunnaði til fulnar um hvat hendir, sig­ur hann. Gera goymslutanga Eysturkommuna hevur í fyrsta umfari gjørt av at gera eina fjarhitaskkipan. Hetta verður gjørt við at gera eina sjóhitaskipan og pumpa vatnið niðan í ein tanga, sum fer at standa omanfyri skúlan. Vatnið í hitatanganum skal so eisini kunna hitast við avlops­orku frá SEV, tá ið lítil belastningur er á netinum. Skipanin verður gjørd so stór og rúmlig, at hon lættliga kann hitta alla bygdina. Hetta verður tó ikki nakað sum kommunan ger, men sum eldsálirnar í bygdini gera. Næsta stigið er, at umleið 70 hús verða íbundin afturat og tey húsini eru uttanfyri matar­ánna. - Kommunan vil, at tað bert eru kommunalir bygningar, sum verða íbundnir í fyrsta byggi­stigi, umframt kirkjan. At kirkjan er við kemst av, at har var lagdur ein rørstrongur, longu tá ið kirkjan var umbygd. Talan er í veruleikan um eina fjarhitskipan. Hon er tó ikki knýtt at oljuprísinum ella øðr­um, so tað skal helst loysa seg at vera íbundin skipanina. - Har verður bert ein spurningur um, hvussu bíliga vit kunnu reka skipanina, sigur Fríðfinn Johnson. Fyrsta byggistig er mett at kosta eina 10 milljónir krónur. Av teimum koma tær fýra millj­ónirnar úr einum nrðurlendskum grunni, sum koma til Føroya gjøgnum orku­deild­ ina hjá Umhvørvisstovuni. Pengarnir eru settir av til at brúka til eina praktiska skipan, sum samfelagið fær gagn av, bæði við hitanum, men eisini teimum royndunum, sum fáast úr einum slíkum prakt­ isk­um projekti. - Vit eru ómetaliga spent uppá at síggja, hvussu hetta fer at rigga og hvørjar olju­spar­ ing­ar vit kunnu gera, sigur Fríðfinn Johnson. TEKSTUR ÁRNI GREGERSEN MYNDIR ÁLVUR HARALDSEN