mánadagur 28. oktober 2019síða 18

Mánadagur 28. oktober 2019 · Nr. 124 18 Sosialurin Hugskot og viðmerkingar – send sms til 225000 FÓTBÓLTUR Jóannes Hansen Leygardagin 26. oktober snúði tað seg um tað, sum gekk fyri seg í Gundadali. Hinir dystirnir vóru fyrri á degnum, og kring alt landið vóru líkindi at spæla fótbólt. 21. august vann B36 2-0 í Klaksvík. Tá legði árstalsliðið seg fimm stig framum KÍ, sum tó átti útsettan dyst til góða á útivølli ímóti NSÍ. Fýra dagar undan heimadystinum ímóti B36 endaði tað 2-2 ímóti Skála. Tá spøkti møguleikin, at tað fór at ganga klaksvíkingum soleiðis, sum tað undanfarnu árini hevur gjørt eftir summar­ steðgin, tá ið úrtøkan hevur verið soltin. Tølini siga, at í ár var alt øðrvísi. KÍ vann níggju teir seinastu dystirnar og endaði trý stig frammanfyri B36, sum sammett við KÍ misti átta stig eftir 2-0 sigurin í Klaksvík. Mál­mun­urin er +43. Hetta er tað sama, sum hann var hjá GÍ í 1994. Bara einaferð áður hevur eitt felag vunnið FM við betri málmuni. Tá ið HB í 1971 vann FM, var málmunurin +50. Gott stev í felagnum, stór undirtøka millum stuðlar og áskoðarar, dugnaligur venjari, breiður hópur, framúr ein­stak­ ling­ar og fram um alt liðavrik í verju og álopi hevur borið sjálvs­álit og støðugu avrik við sær og FM heitið, sum er tað fyrsta hjá KÍ í 20 ár. At eitt og sama felag er meistari hjá kvinnum og monn­ um og vinnari av næstbestu deildini er ongantíð komið fyri áður. Ikki so galið at vinna bronsu NSÍ – ÍF 3-1 Tá ið Jóhan Troest Davidsen fimm minuttir eftir steðgin sá gult fyri aðru ferð, og NSÍ tí varð undirmannað, var støðan 2-0. Einar Tróndargjógv átti eftir horna úr høgru innleggið, tá ið Øssur Dalbúð legði NSÍ framum, og eftir fínt og tolið uppspæl og langa sending eftir miðásinum vóru bæði Øssur Dalbúð og Klæmint A. Olsen leysir innanfyri ÍF verjuna, tá ið Klæmint lyfti bóltin upp um nýggja ÍF málverjan, Jákup Nolsøe Olsen, og skoraði fyri 26. ferð. Minuttin eftir reyða kortið minkaði Hans Jákup Lervig við stútara um munin til 2-1, eftir at Karl Løkin legði innfyri úr vinstru. So kundi tað sæð út til, at NSÍ var illa spert við at vera 10 ímóti 11 í 40 minuttir, men tað eydnaðist favorittunum at vinna. Fótbóltsspælið varð betri, tá ið NSÍ var undirmannað, og innskifti Andri Benjaminsen staðfesti sigurin, eftir at Einar Tróndargjógv við frísparki legði innfyri úr vinstru og Øssur Dalbúð tamdi bóltin til Andri Benjaminsen, sum bara var á besta liðnum fyri fimtu ferð í ár, og sum skoraði fyri aðru ferð. Fyrra málið var í Klaks­vík næstsíðsta viku­ skiftið. -Málið var at vinna FM, men tá ið tað lagaði seg, sum tað gjørdi, so kunnu vit liva við bronsukrónunum og við at hava tryggjað okkum luttøku í Europa, har vit hava verið við 14 ár á rað, sigur NSÍ formaðurin Dánial Hansen, ið sigur seg fegnast um stóra arbeiðið, sum íslendski venjarin Guðjón Ꝧórðarson hevur gjørt. Hann og NSÍ eru í sáttmála knýtt at hvør øðrum eitt ár aftrat. -Vit taptu eftir summar­ steðgin tríggjar heimadystir á rað, og tað spældi inn, at Klæ­ mint A. Olsen eftir lands­liðs­ ferðina í Spania var raktur at sjúku og ikki var tøkur og síðani brúkti tíð at koma seg heilt. Vit vunnu U-21 kappingina og við sama fólki endaðu vit á triðja plássi í 1. deild. Vit vóna, at tað fer at bera til at styrkja um liðið, men vit fara ikki av landinum eftir spælarum. sigur NSÍ formaðurin. Fuglfirðingar eru ikki nøgdir við seks stig í úrtøku, men teir fegnast um, at tað eisini í 2020 verður fótbóltur í bestu deildini í Fuglafirði. -Felagið hevur havt skuld at d r a g a s t við, men nú hava vit fótað okkum fíggjarliga, og nú hava vit betri m ø g u l e i k a at tosa við s p æ l a r a r . Talan er fyrst og fremst um teir, sum hava borið liðið, og sum hava ment seg, men vit vóna, at tað fer at bera til at styrkja um liðið, sigur ÍF formaðurin Dan Petersen. Nýggja ítróttarhúsið fer at bera heilt øðrvísi karmar við sær í Fuglafirði, har tað er greitt, at venjararnir, Hans Jørgen Djurhuus, Kári Reyn­ heim og Ólavur Larsen, fara at halda fram. HB skal hava stórskjútta AB – HB 1-2 AB var frammanfyri 1-0 í grannauppgerðini, tá ið tað var hálvleikt. Eftir langa fram­ legging í vinstru frá Bárði Olsen legði Filip í Liða innfyri til Jobin Drangastein, sum var púra blankur, tá ið hann setti bóltin í opna málið. HB javnaði eftir AB kiks í uppspælinum á egnari hálvu. Símun Samuelsen legði innfyri úr høgru, og Ari Mohr Olsen tamdi bóltin fyri føturnar á Sebastian Pingel, sum skoraði. Sjey minuttir undan leikloki skoraði Ari Mohr Olsen sigursmálið við stútara eftir horna úr høgru frá innskifta Adriani Justinussen. In.fo visti i síðstu viku at siga, at HB hevði vitjan av Jens Berthel Askou, sum er 37 ára gamal danskur venjari, ið undan summarsteðginum vandi Vendsyssel FF í bestu donsku deildini. Hann er farin til hús aftur, men keldur í HB siga, at tað er sannlíkt, at hann fer at avloysa Heimir Guðjónsson, sum nú fer aftur til Íslands. HB formaðurin sigur, at felagið nú fer at leita eftir nýggjum álopsspælara: -Spælið hevur verið gott, men tað hevur alt ov ofta verið stong út í staðin fyri stong inn, sum tað var í fjør, tá ið vit vunnu FM. Vit eru fegn­ir um, at tað eydnaðist at vinna steypakappingina, og at vit í 2020 aftur fara at spæla í Europa. Heimir Guðjóns­son leggur nógv eftir seg í felag­ num, sum vit eiga at byggja víðari á, og so eiga vit at verða betri at fáa okkara egnu á besta liðið, sigur Kaj Leo Johannesen. AB formaðurin Doris Ras­ mus­sen er fegin um gongdina eftir summar­frí­tíð­ina: -Vit fóru í summarfrí við fimm stigum, og vit endaðu á sjeynda plássi við 21 stigum. Teir báðir, sum eftir summar­ steðgin løgdust aftrat – mál­ verjin Tobias Larsen og álops­ spælarin Lukas Giessing – gjørdu stóran mun. Nú fara teir til hús og koma ikki aftur, sigur AB formaðurin og leggur aftrat: Talan var bara um favorittsigrar, tá ið punktum varð sett fyri hetta kappingarárið FOKUS ER SETT Á 2020