týsdagur 14. desember 2004síða 5

Nr. 239 - 14. desember 2004 5 Song- stjørnur hittast TÓNLEIKUR Eyðun Klakstein eydun@sosialurin.fo Tað verður ein øðvísi jólakonsert á skránni í Fuglafirði leygarkvøldið. Tá fara Eivør Pálsdóttir, Guðrun Sólja Jacobsen, Lena Anderssen og Kristel Lisberg at syngja á somu konsert, og tað er ikki komið fyri áður. Hetta eru kvinnur, sum seinnu árini hava gingið undan í føroyskum tón- leiki. Eivør Pálsdóttir eru vorðið eitt kent navn utt- anlands, og serliga í Ís- landi hevur hon havt vind í seglunum seinastu tvey árini. Í fjør vann hon tvær tónleikavirðislønir har, og hon er aftur í ár í upp- skoti til tvær slíkar. Lena Anderssen hevur eisini verið uttanlands og roynt seg við tónleiki, og harafturat hevur hon eis- ini givið tónleik út í Før- oyum. Seinast útgávan hjá henni er besta før- oyska poppfløgan í nógv ár. Guðrun Sólja Jacobsen skal fyrst í næsta ári geva sína næstu fløgu út í Danmark, og hon verður eisini við í seinastu kapp- ingini um at gerast tann endaliga Stjørnan í eitt kvøld. Kristel Lisberg er ein ung songkvinna, sum longur hevur gjørt vart við seg við góðum kon- sertframførslum og eini stakfløgu, sum hevur verið nógv spæld. Konsertin við teimum fýra verður í Mentanar- húsinum í Fuglafirði leygarkvøldið kl. 20.00 Konsertin er ein siti- konsert, og atgongu- merkini fáast í forsølu. Torbjørn Jacobsen heldur, at tíðin er komin at gera enda á stríðnum í Tjóð- veldisflokkinum, so at flokkurin aftur fæst at virka. Men Tobbi heldur, at tað skortar við viljanum hjá mót- partinum at koma víðari. Tað er ikki líkt, at vápnahvíldin endar við nakrari varðandi friðaravtalu millum stríðandi partarnar POLITIKKUR Eyðun Klakstein eydun@sosialurin.fo Tann formliga útblakingin av Torbjørn Jacobsen úr Tjóðveldisflokkinum verð- ur av ongum, men tann lív- ligi løgtingsmaðurin av Glyvrum er framvegis úti í kuldanum í flokkinum. Torbjørn Jacobsen verður ikki mettur sum partur av tingbólkinum hjá flokkin- um, hann fær ikki boð til fundir har, og hann er ikki framsøgumaður í nøkrum máli longur. – Eg helt, at tekin vóru um, at málið fór at verða loyst, nú uppskotið um at tveita meg út varð tikið aftur, og eitt uppskot enntá kom um at velja meg aftur til næstformann, men tað tykist ikki, sum formaðurin í flokkinum er sinnaður at fáa flokkin at virka aftur, sigur Torbjørn Jacobsen. – Høgni Hoydal sigur nú, at eg eri koyrdur úr ting- bólkinum, og tað kann gera tað sama, hvat eykafloks- tingið sigur. Tað er at blanda tingini enn meira saman, so eg standi eitt sindur spyrjandi nú, sigur hann. Útblakingin strandaði Eftir at Torbjørn Jacobsen í lesarabrøvum fanst harð- liga at formanninum í Tjóð- veldisflokkinum, fall hann í ónáðir hjá leiðsluni í flokk- inum, og ætlanin var, at tingmaðurin skuldi tveitast úr flokkinum á einum eyka- flokstingi. Stavsnevndin í flokkin- um tók stig til at broyta lógirnar fyri flokkin, so at tað var loyvt at koyra ein lim úr flokkinum, og sam- stundis komu uppskot frá lokalfeløgunum í Eystur- oynni og Suðurstreymoy um at koyra Tobba úr flokk- inum. Alt skuldi avgreiðast formliga á einum eyka- flokstingi, men hetta verður nú av ongum, tí løgfrøðislig ivamál hava tikið seg upp. Spurningurin er, um tað ber til at revsa Torbjørn Jacob- sen fyri nakað, sum er hent, áðrenn tað var lógligt at koyra ein lim úr flokkinum. Framvegis kalt Hetta fekk lokalfeløgini hjá Tjóðveldisflokkinum í Eysturoynni og í Suður- streymoy at taka síni uppskot um at koyra Tor- bjørn Jacobsen úr flokkin- um aftur. – At vit hava tikið okkara uppskot um at koyra Tor- bjørn Jacobsen úr flokkin- um aftur er eingin yvir- geving frá okkara síðu, og Torbjørn Jacobsen er ikki tikin til náði, segði Klæ- mint Østerø, formaður í Eysturoyar Tjóðveldisfe- lag, við Sosialin fríggja- dagin. Og hetta tykist eisini verða støðan hjá leiðsuni í flokkinum. Høgni Hoydal segði fríggjadagin við Dimmalætting, at Torbjørn Jacobsen var ikki partur av tingbólkinum hjá flokk- inum, og harvið verður tað. Hetta undrar Torbjørn Jacobsen. – Eg haldi, at tíðin er komin at leggja lok á hetta málið og fáa flokkin at virka aftur. Tað manglar ikki vilji frá mínari síðu, men tað tykist, sum at onnur ikki hava nakran vilja til tað, sigur Torbjørn Jacobsen. Tvey uppskot um næstformann Leygardagin hevur Tjóð- veldisflokkurin eykafloks- ting, og á skránni eru bara mál, sum hava tilknýti til stríðið millum Torbjørn Jacobsen og Høgna Hoy- dal. Starvsnevndin mælir til, at tað verður gjørt ein broyting í lógunum hjá felagnum, so at tað skal bera til at koyra útihýsa ein- um limi, um hann arbeiðir ímóti flokkinum. Løgtingskvinnan Heidi Petersen skjýtur upp, at Karsten Hansen verður valdur til nýggjan næstfor- mann í Tjóðveldisflokkin- um. Men hetta er ikki einasta uppskotið um tað. Eisini Vága Tjóðveldisfelag hevur uppskot um næstformann, og tað er Torbjørn Jacob- sen, sum hevur havt hendan leiklut til fyri kortum. Vága Tjóðveldisfelag heldur, at tað er rættast fyri flokkin, at Høgni Hoydal heldur fram sum formaður, og at Torbjørn Jacobsen eisini frameftir verður næstfor- maður. Tobbi vil hava frið í flokkinum – Eg haldi, at tíðin er komin at leggja lok á hetta málið og fáa flokkin at virka aftur. Tað manglar ikki vilji frá mínari síðu, men tað tykist, sum at onnur ikki hava nakran vilja til tað, sigur Torbjørn Jacobsen