týsdagur 29. oktober 2019síða 38

Mikudagur 30. oktober 2019 · Nr. 125 38 Sosialurin Hugskot og viðmerkingar – send sms til 225000 Tróndur Arge Hósdagin 31. oktober verð­ ur Fótbóltsgalla 2019, sum Miðlahúsið og FM1 skipa fyri í samstarvi við Fót­bólts­ sam­band Føroya. Talan er um eitt tiltak, har tey bestu í farna kapingarárinum verða heiðraði fyri síni avrik. Aftur­ meldingarnar hava verið góðar, tí fleiri framstig eru gjørd seinnu árini. Millum annað verða allar atkvøðurnar – uttan tær um ársins dómara – kunngjørdar í Sosialinum mánadagin. Í nógvar mátar verður fylgt manna­gongd­ un­um, sum FIFA Ballon d’Or brúkti, áðrenn FIFA og France Foot­ball aftur fóru hvør til sítt. Tað hevur til tíðir víst seg at verið torført, at fáa øll tey tilnevndu at møta upp, meðan tað í øðrum førum ikki hevur verið pláss fyri øllum. Aftur í ár er vónin, at fáa øll tey tilnevndu at møta og samstundis tryggja, at talan verður um eitt stórt kvøld fyri øll. Í ár verður sjálvt tiltakið, sum eisini er ein sending á FM1, á Parnassinum á Hotel Hafnia. Heiðarnir til felagsfótbólt er tað sama Eins og hini árini, so verður talan um 20 heiðurslønir, har tíggju eru til menninar, og tíggju til kvinnurnar. Fyrst og fremst, so skulu ársins spælarar finnast. Umframt tað, so verður ársins málverji, ársins verjuspælari, ársins mið­ vall­ari, ársins áleypari, ársins ungi spælari, ársins dómari og eisini ársins venjari kosin. Aftur­at hesum, so skal ársins lið eisini setast. Í bólkinum ársins ungi spælari er ein broyting. Hjá kvinn­unum verður ársins ungi spælari ein spælari, sum hevur U19-aldur. Í ár skal eisini veljast árins landsliðsspælari hjá monnum. Tað verður valt annaðhvørt ár til menn og kvinnur, tí tað passar við undankappingarnar. Í hesum førinum skal veljast ársins landsliðsspælari fyri Nations League og EM- undankappingina. Ársins lið í 4-4-2 uppstilling Tað er mangan torført at greiða allar fløkjurnar í samband við ársins lið. Atkvøðurnar, sum verða lætnar til ársins spælarar, eru eisini við til at mynda ársins lið. Tað verða ítróttarskrivararnir hjá Miðla­ húsinum, sum seta liðið. Hetta verður gjørt við stórum atliti til, hvussu atkvøtt hevur verið um ársins spælarar. Í 2013 varð liðið stillað upp í 4­3­3 uppstilling. Her vístu fleiri fót­bóltsáhugað á, at rættari og lættari hevði verið at sett liðið upp í 4­4­2. Hetta gevur millum annað greiðan skilna millum miðvallarar, vengir og áleyparar. Hesum leistinum halda vit fram við. Áleypari ella miðvallari? Ein avbjóðing er at skilja mill­ um hvør er miðvallari og hvør er áleypari. Hetta gjørdi seg millum annað galdandi fyri Lukasz Cieslewicz í 2014. Tá spurdu vit táverandi venjaran hjá honum, fyri at fáa greiðu á tí. Kemur hetta fyri tá atkvøtt verður, verður tað loyst so hvørt ein spælari fær atkvøður í tveimum bólkum. Sum útgangsstøðið, so telja veng­ir sum miðvallarar. Tað vil siga, at spælarar sum Jóannes Bjarta­líð, Adrian Justinussen, Árni Frederiksberg, Simen Sand­mæl, Stefan Radosavljevic og Petur Knudsen allir verða bólk­aðir sum miðvallarar. Hinvegin eru spælarar sum Patrik Johannesen og Michal Przybylski bólkaðir sum áleyp­ arar, sjálvt um teir hava spælt nakrar dystir á miðjuni og á vonginum. Kunngera atkvøðurnar Fyri at skapa mest møguligt gjøgn­um­skygni, so tók Miðla­ húsið stig til, at allar at­ kvøðurnar blivu almanna­ kunn­gjørdar mánadagin eftir til­takið. Hetta bleiv gjørt fyri at skapa mest møguligt gjøgn­um­ skygni. Hetta er púra vanligt, tá FIFA Best Player og Ballon d’Or verður handað til besta spælara í heiminum. Tó verða atkvøðurnar til ársins dómara ikki kunn­ gjørd­ar. Hetta er eftir ynski frá spælarum og venjarum, fyri ikki at skapa óneyðugt kjak um dómarar, sum til tíðir kann blíva býttisligt og primi­ tivt. Atkvøðurnar verða kunn­ gjørdar í Sosialinum, sum kemur út mánadagin 4. nov­ em­ber. Velja 1, 2 og 3 Eins og í fjør, verða stig givin fyri hvørja atkvøðu. Nummar eitt fær 5 stig, nummar tvey fær 3, meðan nummar trý fær 1 stig. Síðani verða stigini tald sam­an. Venjarar og spælarar kun­nu ikki at­ kvøða fyri teirra egna liði. Finnast skal: Ársins spælari Ársins ungi spælari Ársins málverji Ársins verjuspælari Ársins miðvallari Ársins áleypari Ársins landsliðsspælari hjá monnum Ársins venjari Ársins dómari Ársins lið Fótbóltsgalla 2019: Landskappingini er um at koma at enda, og nú skulu ársins spælarar veljast. Hetta verður gjørt á Fótbóltsgalla, sum í ár verður á Parnassinum á Hotel Hafni í Havn. Tiltakið verður hósdagin 31. oktober klokkan 19.30 ÁRSINS SPÆLARAR SKULU VELJAST