mánadagur 4. november 2019síða 18

Mánadagur 4. november 2019 · Nr. 127 18 Sosialurin Hugskot og viðmerkingar – send sms til 225000 Jóannes Hansen Fótbóltsárið er liðugt heima á landi. Landsliðið skal um tvær vikur spæla í Norra og Svøríki, og í blaðnum aðrastaðni á ítróttarsíðunum sæst, hvørji eru í uppskoti at vera ársins spælarar samstundis, sum tað verður mint á, hvørji hava verið heiðrað fyri at hava verið tey bestu. Tað plagar at vera soleiðis, at tey feløgini, sum standa seg best, nýta færri spælarar enn hini liðini. Soleiðis var tað eisini í ár. Sum tað sæst í talvuni, so var HB tað liðið, ið hevði fæst spælarar á besta liðnum. 20 spælarar vóru á besta HB liðnum, 22 á besta B36 liðnum og 24 á besta KÍ og NSÍ liðnum og 26 á besta Víkinga liðnum. Hvussu nógvir fáa møguleikan valdast um, hvussu stór kappingin er, og hvussu skaðar og leikbann raka. Eitt nú vóru B36 og EB/ Streymur meint rakt av skaðum í farna kappingarári, og fram ímóti kappingarenda vórðu tveir av stuðulsspælarunum hjá HB langtíðarskaddir. Størsti gjøgnumtrekkurin var í TB, har 32 spælarar royndu seg á besta liðnum, og næststørsti gjøgnumtrekkurin var í ÍF, har 30 spælarar vóru á besta liðnum. Fram ímóti kappingarenda góvu fleiri venjarar trúføstum eykamonnum møguleikan á besta liðnum. Eitt nú vardi Bárður á Reynatrøð málið hjá Víkingi fyri fyrstu ferð, tá ið Víkingur í síðsta umfari var í Trongisvági. Tá varð TB eykamálverjin, Bárður Dimon, skiftur inn fram ímóti dystarenda. Um tað verður hugt eftir, hvussu nógvir spælarar vóru við í 18 dystum ella fleiri, so sæst, at meistararnir í KÍ saman við AB høvdu 11 spælarar, sum vóru so drúgvir, meðan HB hevði 14 spælarar, sum vóru so drúgvir. Talið hjá hinum liðunum – burtursæð frá TB og ÍF – er eisini har á leið. TB og ÍF eiga flestar spælarar, sum vóru á liðnum í 9 ella færri dystum. Tað ber til at hava 14 spælarar á liðnum í hvørjum dysti. Teir 11, sum eru við frá fyrsta bríksli, og so tríggjar aftrat, sum kunnu vera skiftir inn. Tá ið hugt verður eftir, hvørjir teir 14 vóru, sum vóru á vøllinum í flest dystum, fæst ein ábending um, hvussu stórar skiftingar talan verður um undan næsta kappingarári. Skiftingarnar Hjá KÍ er tað bara Simen Sandmæl, sum heilt víst ikki verður við aftur næsta ár. Jesper Brinck var eisini millum 14 teir drúgvastu. Tað er ikki greitt, um hann fer at halda fram í Klaksvík, ella um hann fer aftur til Danmarkar. Hjá B36 er tað greitt, at Jónas Ꝧór Næs gevst. Tað ljóðast, at Hans Jørgensen, sum oftast vardi málið, ikki fer at halda fram, og at Lukasz Cieslewicz, ið ikki hevði sama leiklut, sum hann áður hevur havt, leitar eftir nýggjum felag. Hjá NSÍ er Glenn Ståhl nýggjur venjari. Tað er óvist, um norski miðvallarin Peter Nersveen fer at halda fram. Fleiri aðrir hava ikki enn skrivað undir. Í HB er Jens Berthel Askou nýggjur venjari. Tað er greitt, at miðverjin Lasse Andersen ikki fer at halda fram, og at Heri H. Mohr er aftur í barndómsfelagnum. Heðin Hansen er aftur í HB. Nógvir av hinum hava skrivað undir nýggjan sáttmála. Tveir av teimum eru Hørður H. Askham og Tróndur Jensen, sum ikki vera tøkir undan summarsteðginum, tí teir eru langtíðarskaddir. Óvissa er um fleiri av teimum, ið vóru við í ár, fara at halda fram. Eyðun Klakstein er nýggjur venjari í Víkingi. Har sær tað út til, a t talan verður um fleiri skiftingar. Adeshina Lawal og Heðin Hansen hava skift felag, og Hanus Jacobsen er givin, og Jákup Johansen er nýggjur maður. Tað ljóðar, at Finnur Justinussen er á veg aftur til barndómsfelagið. Á Skála er óvissan størri enn í hinum feløgunum. Formaðurin segði herfyri, at teir fara at spara í lønarútreiðslum og legði aftrat, at allir spælararnir vóru væl komnir at halda fram, men at hann skilti væl, um onkrir valdu at fara aðrar vegir. Í AB sær tað út til, at teir flestu halda fram. Nýggir í Meðan tað mesta tykist vera komið upp á pláss í stóru feløgunum, bíða tað í fleiri av hinum feløgunum stórar avbjóðingar, áðrenn viðurskiftini eru komin í rættlag STÓRU SKIFTINGARNAR VERA Í NIÐARA ENDA FÓTBÓLTUR