týsdagur 14. desember 2004síða 15

Nr. 239 • týsdagur • 14. desember 2004 • 78. árgangur • www.sosialurin.fo Enn einaferð bjargaði Dejan Lacok avger- andi brotskasti, so- leiðis at vestmenn- ingar halda fast um oddastøðuna HONDBÓLTUR Jákup Mørk Dysturin sunnudagin mill- um H71 og VÍF fer helst ikki í søguna sum tann best spældi dysturin á árinum. Men tað, sum dystinum restaði í góðum spæli, var væl og virðiliga uppvigað av dramatikkinum seinastu løtuna. Hoyvíkingar høvdu annars verið við undirlutan at kalla allan dystin, men teir noktaðu at geva skarvin yvir. Eisini hóast yvirmakt- in í løtum tóktist øgilig. Í gloymibókina Fyrri hálvleikur av dystin- um man annars vera ein av teimum, sum fer heilt skjótt í gloymibókina. Liðini bæði kappaðust um at gera mistøk. VÍF kanska eina- mest, tí teir royndu at hava dekan ov nógva ferð á, meðan hoyvíkingarnir hin- vegin als ikki maktaðu at hava ferðina á einum støði, har verjan hjá VÍF kundi opnast. Og máltalvan bendi eisini tann vegin, at her var ikki tað stóra at koma eftir. Eftir tíggju minuttum stóð 1-2 á talvuni, og tað má sigast vera ein heldur óvanlig støða. Málskjótingin fekk tó spakuliga meira ferð á. Serliga tóktust vestmenn- ingarnir ta einu løtuna at hava góðan byrð. Serstak- liga gjørdi Ingi Olsen um seg, og tað var ein sonn fragd at síggja, tá hann í einum tveimum førum sendi alla hoyvíkarverjuna til viks, áðrenn hann lang- aði bóltin í kassan. Reytt kort vendi Tað var einki at ivast í, at skuldi H71 hava nakað burturúr dystinum, so mátti Ingi steðgast, og hetta varð so eisini gjørt frá fyrsta bríksli av seinna hálvleiki. Við eini mansverju, sum var heilt uppi á miðjuni, máttu vestmenningarnir vera sín týdningarmesta leikara fyriuttan, og spaku- liga tóktust vertirnir at fáa betri tak á. Tað var tó alla tíðina, sum restaði seinasta pettið, áðrenn H71 kundi taka VÍF aftur. Tíggju minuttir fyri leiklok eydnaðist at koma upp á javnt, men tá VÍF so enn einaferð økti upp í fýra mál, tóktist alt vera avgjørt. Um hetta mundið skuldi tað tó vísa seg, at ein sera avgerandi hending fór fram. Ingi Olsen var skjóti enn Jens á Skipagøtu at renna eina bólt upp, og ístaðin fyri bóltin, fekk málverjin bert fatur á leik- aranum sjálvum. Brotskast til VÍF og reytt kort til Jens, sum soleiðis mátti fara av vøllinum. Á beinkinum hevði H71 bara hálvskadda Levi Nybo at seta í málið, og so vendi dysturin. Levi fekk ikki gjørt nakað við brotskastið frá Inga, og heldur ikki við eitt mál frá Áka G. Olsen stutt eftir, men so var slutt. Hvussu VÍF so enn royndi, so fekst bólturin ikki fram- við málverjanum. Hoyvík- ingar fingu togað seg aftur í dystin, og við hálvum øðrum minutti eftir, stóð aftur á jøvnum. Liðini bæði høvdu mis- nýtt eitt álop í part, tá VÍF fór undir tað, sum tey flestu roknaðu við fór at verða seinasta álopið í dystinum. Heldur ikki hesaferð fingu teir tó nakað burturúr, og so gjørdu hoyvíkinganir skjótt av. Og tá dómararnir bríksl- aðu við einum sekundi eftir á klokkuni, var brotskast til H71. Tann trumfin megnaðu hoyvíkingarnir tó ikki at gagnnýta. Dejan Lacok hevur í ár havt mest sum ræðandi hagtøl, og hann megnaði so eisini at verja fyri, tá Johnny Durhuus royndi seg. Týðandi javnleikur Og serliga fyri VÍF hevði hendan bjargingin nógv at siga. Hon kastaði nevnliga ein javnleik av sær, og tá hetta var fyrsti javnleikurin hjá liðnum, so merkti hetta ikki tað stóra, nú stigini verða hálverað til enda- spælið. H71 misti sum so heldur ikki nakað stig, og undir øllum umstøðum mundi tað vera gleðiligt hjá teimum, at teir nú aftur fingu nakað burturúr einum hondbólts- dysti. Samstundis merkti einsamalla stigið hesaferð, at teir bert eru trý stig aftan fyri tey bæði oddaliðini, tá farið verður í holt við enda- spælið, og tað er væl ein munur, sum kann vinnast aftur. H71-VÍF 30-30 (11-14): Dejan bjargaði stiginum H71-VÍF 30-30 (11-14) Málskjúttar H71: Halgir Dahl Olesen 9(2), Heini Bendtsen 6, Niels Viggo Niclasen 4, Høgni M. Joensen 3, Johnny Durhuus 3, Piti Negru 3, Christian Eli Zachariasen 2 VÍF: Ingi Olsen 11(3), Áki Olsen 6(1), John Zacha- riasen 5, Áki G. Olsen 3, Harald Bjørgvin 2, Agnar Joensen 2, Karl Johan Djurhuus 1 Brotskøst: H71 6,VÍF 4 Útvísingar: H71 3,VÍF 6 Diskvalifikatión: H71 1 (beinleiðis reytt) Dómarar: Hannis Ward- um & Uni Wardum. Fyri tað nógva, so høvdu vestmenningarnir tak á dystinum, men seinastu løtuna mundu teir prísa sær lukkuliga fyri, at eitt stig fekst til høldar Mynd: Álvur Haraldsen Dysturin í tølum