týsdagur 14. desember 2004síða 16

16 Nr. 239 - 14. desember 2004 Kyndil-KÍF 28-18 (9-9): Klassi í løtum Kyndil setti ferðina upp eftir steðgin, og so høvdu kollfirðing- arnir ikki stórvegis at siga HONDBÓLTUR Jákup Mørk Fyrsta umfarið í landskapp- ingini hjá monnum hevði ein lítlan skelk við sær, tá KÍF vann ein sannførandi sigur á Kyndli. Eftirfylgj- andi hava meistararnir tó prógvað, at hetta úrslitið ikki var heilt sigandi, men hinvegin kanska eitt dømi um, hvat kann henda, tá fav- orittarnir ikki taka uppgávu sína í nóg stórum álvara. Tí vóru teir hjá Kyndli ávaraðir undan seinna dyst- inum móti KÍF, men fyrsti hálvi tímin sunnudagin bendi tó ikki tann vegin. Leikferðin var lág, spælið illa skipað, og yvir høvur tóktust báðir partar hava sera trupult við at seta seg á dystin. Hetta broyttist tó eftir steðgin. Kyndil leyp nú alt fyri eitt avstað, og hóast KÍF royndi, so fingu teir als ikki svarað aftur. Fyrstu 20 minuttirnar eftir steðgin hevði KÍF bert skotið tvey mál, og tá Kyndli sam- stundis hevði funnið mesk- arnar tíggju ferðir, so var ikki stórvegis at tosa um. At heimaliðið so aftur kundi taka sær av løttum seinastu løtuna, broytti ikki fatanina av, at talan veru- liga var um klassamun. Eis- ini hóast hesin bert var sjónligur í 20 minuttir. Besta liðið Saman við javnleikinum hjá VÍF í Hoyvíkarhøllini, so merkti úrslitið, at Kyndil er ovasta liðið í grundspæl- inum. Og skal rætt vera rætt, so er hetta eisini fult og heilt uppiborið. Sæð burtur frá teimum báðum kiksarunum í Hoyvíkarhøllini, so hevur Kyndil fyri tað nógva verið sera sannførandi í sínum avrikum. Ikki minst teir báðir dystirnir móti VÍF hava prógvað, at meistarar- nir helst aftur í ár eiga sterkasta liðið. Hinvegin er ikki nóg mikið, at hetta bert verður víst í løtum. Meistarar verða teir, sum hava fingið størstu úrtøkuna gjøgnum heilt kappingarár, og tá eru ikki altíð ráð til at taka nak- að lætt upp á uppgávurnar. Tað sluppu teir í Kyndli so væl frá hesaferð, men tað fara heilt víst at koma dyst- ir, har mótstøðan í størri mun er til reiðar at revsa slík mistøk. Hjá KÍF hevur kapping- arárið higartil verið eitt sindur merkisvert. Fleiri ferðir hevur liðið mest sum verið avhølvað, men hin- vegin hava teir ofta víst, at tá møguleikin er til staðar, so verður tikið av. Soleiðis er tað bara VÍF, sum hevur fingið fulla úrtøku móti KÍF, og verandi fjórða plássið er ein hin besta støðan hjá liðnum í fleiri ár. Hvørt teir so megna at halda fast um hesa, fara komandi tíggju dystirnir at vísa. Men tað er púra vist, at megnar liðið at halda fast um stríðsviljan, sum hevur eyðkent avrikini higartil, so kann væl vera, at fleiri óvæntaði úrslit fara at koma í vár. Við einum sera sann- førandi fyrra hálv- leiki staðfesti VB, at gullið verður eitt mál, sum tær – og bara tær – fara at stríðast við Stjørnuna um HONDBÓLTUR Terji Nielsen terji@sosialurin.fo Tað var lagt upp til eitt ord- ans hondbóltsbrak í ítróttar- høllini á Hálsi leygardagin. Afturat VB og Stjørnuni hevur Neistin í ár givið ábendingar um, at tær eisini vilja spæla í oddinum, og tí var talan um eina veruliga styrkisroynd, tá tær nú skuldu taka ímóti VB. Mansverjur á muni Fyrstu lítlu løtuna av dyst- inum sá eisini út til, at Neistin skuldi skapa veru- ligan spenning um úrslitið, men spakuliga fór VB at draga meira frá. Og orsøkin var heilt eyð- sýnt, at gestirnir høvdu fleiri streingir at spæla uppá. Heilt skjótt stóð greitt, hvussu stóra virðing partarnir høvdu fyri hvørj- um øðrum. VB legði seg mest sum alt fyri eitt út á Simonu Petersen, so henn- ara leiklutur varð avmark- aður, og Neistin svaraði skjótt aftur við at seta Daivu Toumaite út av spælinum. Men meðan hetta í løtum mest sum tóktist steðga Neista-spælinum fullkomu- liga, so hevði VB eisini aðrar streingir at spæla uppá. Tað gjørdi eisini góð- an mun, at Gurið Morten- sen nú er heima í jólafrí, og í øllum førum gav hetta eina eyka breidd í spælið, soleiðis at leikferðin kundi haldast á einum støðugt hægri støði enn tað, sum mótstøðan maktaði. Tær bláu royndu eisini at halda ferðini uppi, men hetta viðførdi eisini fleiri mistøk, sum VB fyri tað mesta takkaði fyri við at økja enn meira um munin. Og so var dysturin í roynd og veru avgjørdur longu í steðginum. Fyrstu løtuna av seinna hálvleiki royndi Neistin annars at gera eitt sprell, og fleiri ferðir tóktist tað eisini, sum skuldi tær skapa nakað av spenningi, men heilt tætt gjørdist tað ongantíð. VB hevði fult tamarhald á støð- uni, og so kundu tær stað- festa, at tað verða tær, sum fara at taka dystin upp við Stjørnuna. Toppurin knekkaði Seinna uppgerðin millum tey bæði oddaliðini verður tó ikki fyrr enn í januar mánaði, og fram til tá mugu tær í VB so helst smyrja seg við, at tær eru næstbestar. Men tað eru tær so í øllum førum væl og virðiliga, hó- ast tær ivaleyst hava eina vón um, at tær bláu fara at verða nakað betri upplagd- ar, tá tær um góðan mánað fara at royna seg á heima- vølli móti Stjørnuni. Í størri mun munnu tær í Neistanum tó nú fara at hugsa um, at halda seg omanfyri Søljuna. Tann spurningurin tykist í øllum førum meira nærliggjandi. Og svarið til hetta fæst eis- ini fyri ein part longu kom- andi vikuskifti, tá Neistin skal vitja á Giljanesi. Neistin-VB 20-24 (8-15): VB køvdi Neistan Tá Kyndil eftir steðgin setti ferðina upp, megnaðu kollfirðingarnir als ikki at fylgja við mynd: Álvur Haraldsen Kyndil-KÍF 27-18 (9-9) Málskjúttar Kyndil: Josef Abrahamsen 7, Jakob Jónsson 6(1), Rókur Akralíð 3, Finnur Hansson 3, Ragnar Stakksund 2, Janus Einar Sørensen 2, Høgni Klein 2, Hans Arni Thomsen 1, Hans Áki Dal Christiansen 1 KÍF: Regin Petersen 6, Eddie H. Joensen 3, Rógvi Hansen 2, Petur Martin Poulsen 2, Teitur Joensen 2, Jóan Pauli Olsen 2(1), Gert Hansen 1 Brotskøst: Kyndil 3, KÍF 3 Útvísingar: Kyndil 6, KÍF 6 Dómarar: Kristian Johansen & Sámal Hansen FAKTA UM DYSTIN Neistin-VB 20-24 (8-15) Málskjúttar Neistin: Ása Dam á Neystabø 7, Simona Petersen 4(1), Annika Thomsen 3, Marjun Tróndarson 2, Unn Kragesteen 2, Jórun Ludvík 1, Kára á Dunga 1 VB: Rannvá Augustinussen 6, Daiva Toumaite 5, Aukse Vysniaskaite 3(1), Gurið Mortensen 3, Sólr- un Krosslá 2, Margreth Augustinussen 2, Christina Holm 2, Laila Jespersen 1 Brotskøst: Neistin 4, VB 2 Útvísingar: Neistin 1 Dómarar: Eyðun Samuelsen & Andreas F. Hansen FAKTA UM DYSTIN