mánadagur 11. november 2019síða 8

8 Sosialurin Hugskot og viðmerkingar – send sms til 225000 Mánadagur 11. november · Nr. 130 TÍÐINDI Arbeiðsskaði á sjónum - má velja millum hús ella bil Málsviðgerðin hjá Føroya vanlukkutrygging er ov lang, og kunningin er alt ov vánalig. Tað sigur ungur sjómaður, sum er 60.000 krónur í afturhond við rokningum, eftir at hann í fjør fekk álvarsaman skaða umborð á línubáti. Maðurin má nú velja, um hann skal sleppa sær av við bilin ella húsini Steinar Patursson Tað er ikki bara sum at siga tað at fáa endarnar at hanga sam­ an, tá tú hevur verið úti fyri ar­beiðsskaða og noyðist at dúva upp á almennar veitingar. Ein ungur maður kærdi í farnu viku sína neyð fyri Sosial­inum, har hann gjørdi vart við fíggjarligu støðuna, ið hann var komin í, meðan hann bíðaði eftir avgerð frá Føroya vanlukkutrygging. Av tí at málið hjá manninum enn ikki er endaliga viðgjørt, vil hann vera dulnevndur. Hann sigur, at málið hjá sær má ganga ta leið, sum tað nú eina­ferð fer at ganga, men at hann vil gera vart við seg, so onn­ur, ið koma í somu støðu, vita, hvat er í væntu. Fekk skaða umborð á línubáti Maðurin hevur í nógv ár ar­ beitt sum kokkur umborð á línu­báti, men ein túr í 2018 var hann umborð sum dekkari. Ein dagin hann stóð í skúrinum, var rættiliga ringt veður, og brádliga fekk báturin ein sjógv. Maðurin, sum stóð við knívi í hondini, fekk ikki fótað sær og datt. Hann var so mikið óheppin, at knívurin fór gjøgnum armin og skar puls­ æðr og nervar yvir. - Eg var rættiliga óheppin, tá eg datt, og hetta mundi fakt­ iskt gjørt enda á mær. Eg fekk knívin gjøgnum armin og skar pulsæðrina yvir, og blóðið sprændi úr arminum. Tíbetur stóð skiparin hjá, og hann var skjótur yvir at hjálpa honum. Sárið var so mikið ógvis­ligt, at heili tvey kom­ press­bind máttu leggjast um arm­in, og maðurin varð í skundi fluttur til Danmarkar, har hann slapp undir lækna­hond. Eftirspælið ikki nóg gott Í tíðini eftir skaðan livdi mað­ ur­in av dagpeningi, meðan hann bíðaði eftir avgerðini hjá Før­oya vanlukku­trygg­ingar­ ráð. Dagpeningurin var ikki nógv­ur, um 8.000 kr. um mán­ að­in eftir skatt, og hetta var ikki nokk til at fáa endarnar at røkka saman. Onkran mánaða varð útgjaldið uppaftur minni, tí vanligir feriudagar og annað varð mótroknað, sigur sigur hann. Maðurin hevur fýra børn, av teimum tveir dreingir við aut­ismu. Eisini hevur hann hús og bil, men spurningurin er, hvussu leingi bilurin fer at standa í túninum, tí nógvar rokn­ingar liggja eftir frá tíðini, har hann bert fekk dagpening, teirra millum fleiri gjald til bilin. - Eg vænti, at eg missi bilin einaferð í næstu viku. Eg standi eftir nógvum rokn­ing­ um, sum eg ikki kláraði at gjalda við dagpeninginum, og so má eg prioritera. Eg eri um 60.000 krónur afturút. Eg havi fýra børn, so eg vil tryggja mær umstøðurnar, og húsini eru tað mest umráðandi, sigur mað­urin. Málsviðgerðin tekur ov leingi Eitt, ið maðurin fýlist nógv á, er at viðgerðartíðin hjá Føroya Vanlukkutrygging er so lang. Tað var ikki fyrr enn í august í ár at vanlukkutryggingin kundi staðfesta, at maðurin hev­ur 65% niðursettan ar­beiðs­før­ leika. Og hetta er eis­ini bert ein fyribils niðurstøða. Um­ fangið og avleiðingarnar av skað­anum kunnu broytast, og før­leikararnir kunnu antin batna ella versna, og tí kann tað taka heilt upp í fimm ár, áðr­enn endaliga avgerðin fyri­ liggur, sigur hann. Tá Sosialurin tosaði við mann­in fyrstu ferð, visti hann ikki, um hann hevði loyvi at arbeiða fyri at fáa meira pen­ ing at liva fyri um mánaðin, tí kunn­ingin gekk so seint fyri seg. Hann hevur nú fingið váttað, at hann kann arbeiða fyri 35 prosent av einari ar­ beiðs­mannaløn, áðrenn tað verð­ur mótroknað í útgjald­in­ um. Tað er tó ikki aktuelt í løt­ uni, tí maðurin er framvegis sjúkra­meldaður. - Tað er ikki bara sum at siga tað at finna kunning um hesi viðurskiftini. Fiskimannafelagið var ikki til nakra hjálp, har vóru boðini bara, at eg mátti bíða eftir vanlukkutryggingini. Og tað ber ikki til at fáa fatur á teim­ um í vanlukkutryggingar­ráðn­ um ella nøkrum øðrum. Tú kanst senda eini boð oman til sor­in­skrivaran, sum so verða lat­in víðari, og har er svartíðin eisini upp til seks vikur. Samband við vanlukku­trygg­ ingarráðið er umvegis skriv­ stovuna hjá sorin­skriv­ar­an­um, men skrivstovan virkar bert sum millumliður og fær ikki givið nakra kunning um ein­ støku málini. Tað er heldur ikki so einfalt at seta seg inn í viðurskiftini kring vanlukkutryggingina sjálv­ ur, tí teigarnir á heima­síð­uni hjá sorinskrivaranum eru í fleiri førum ófullfíggjaðar og hava nógvar brotnar leinkjur, so tað ber ikki til at klikka seg víð­ari til aðra viðkomandi kunn­ing. Meðan maðurin hevur fingið játtað endurgjald fyri mistan vinnuførleika, sum er ein mán­ aðarlig upphædd á 17.000 krón­ ur áðrenn skatt, so hevur hann framvegis ikki fingið játtað tað, sum eitur skaðabót fyri var­andi mein. Skaðabótin er eitt útgjald í einum, og mað­ur­ in sigur, at tað hevði hjálpt nógv at fingið skaðabótina upp á pláss sum skjótast, so­ leið­is at hann kundi goldið tað, sum hann er komin afturúr, með­an hann hevur fingið dag­ pengar.