týsdagur 12. november 2019síða 39

39 Sosialurin Hugskot og viðmerkingar – send sms til 225000 Mikudagur 13. november 2019 · Nr. 131 FÓTBÓLTUR at hann spælir frá byrjan báðar dystir­nar. Viljormur Davidsen Landsdystir/mál: 36/0 Felag: Vejle BK (Danmark) Spældi allan dystin móti Rumenia og 85 minuttir móti Malta. Hann fær ikki nógv av spælitíð í Vejle í løtuni, men hevur royndirnar at spæla lands­dystir. Fyri kortum spældi hann fast í Superliguni, men nú situr hann á bonkinum í næst­ bestu deildini. Vónandi vendir tað skjótt. Ári M. Jónsson er aftur á landsliðnum hesa ferð og tí er kapp­ing um plássið, umframt at Magnus Egilsson er komin inn tvær ferðir seinastu dyst­ ir­nar. Viljormur spælir, men spurn­ingurin er um hann spælir báðar. Ári Mohr Jónsson Landsdystir/mál: 3/0 Felag: Sandnes ULF (Norra) Vinstri bakkurin er av álvara komin fyri seg, eftir ein lang­ tíðar­skaða. Hann spælir fast á vinsta bakkinum hjá Sandnes Ulf í næstbestu deildini í Norra, har liðið liggur miðskeiðis í deildini. Okkurt bendir á, at Lars Olsen ætlar at brúka vinstra bakkin, men spurningurin er í hvønn mun. Sum avloysara eina løtu í onkrum av dystinum, ella hann og Viljormur fáa hvør sín dyst? Tað verður helst eisini av­ gerandi hvør fær plássið í fyrra dystinum, og hvussu tað gongur. Magnus Egilsson Landsdystir/mál: 2/0 Felag: HB Fekk sínar fyrstu lands­liðs­ minuttir í Spania, tá hann kom á vøllin seinastu minuttirnar í 4-0 ósigrinum. Kom eisini inn í yvirtíðini í sigrinum móti Malta. Hann er helst triðjaval á vinstra bakki, men tað eru aðr­ ar samansetingar, sum kunnu geva pláss fyri Magnusi. Eitt nú um spælt verður við trimum í miðverjuni. Tó bendir nógv á, at Magnus enn má finna seg í at vera varamaður. Gilli Rólantsson Sørensen, Landsdystir/mál: 33/1 Felag: Brann SK (Norra) Hetta hevur verið ein óheppin EM-undankapping fyri Gilla. Hann hevur verið skaddur eitt landsliðsumfari, og seinast sat hann uttanfyri móti Malta við leikbanni. Hann fekk eitt heldur ivasamt gult kort fyri drál móti Rumenia, sum Gunnar Nielsen nokk heldur átti. Gilli spælir ikki fast hjá Brann, men er javna á vøllinum. Hann er týpan, sum gjarna vil gera tað gott móti Norra, har hann spælir til dagligt. Er fyrsta­val á høgra bakkinum og vong­bakkinum, men kann eisini flytast longur fram, um tað er brúk fyri tí. Jóannes Kalsø Danielsen Landsdystir/mál: 1/0 Felag: KÍ Spældi ein branddyst móti Malta seinast og bleiv valdur til dagsins spælara. Fekk kjans­in, tí Gilli Rólantsson fekk leikbann. Nú er Gilli við aftur og helst fyrstaval á høgra bakki­num ella vongbakkinum, alt ann upp á hvussu føroyska liðið spælir. Jóannes bleiv kosin til ársins verjuspælara á Fótbóltsgalla, og hevur havt eitt framúr gott kappingarár. Umframt at spæla væl í landsdystinum móti Malta, so var hann eisini stinn­ur í FM-finaluni móti B36. Eitt tekin um, at hann trívist undir trýsti. Hevur nokk uppiborið betri, men verður helst varamaður hjá Gilla. Rógvi Baldvinsson Landsdystir/mál: 42/4 Felag: Bryne BK (Norra) Tað er pláss fyri Rógva bæði í miðverjuni og á verjukenda mið­vøllinum, nú Hallur Hans­ son ikki er við. Rógvi Bald­vins­ s­on hevur verið ein part­ur av landsliðnum í fleiri ár, men leikluturin hevur verið ymisk­ ur. Hann bleiv dystar­av­ger­andi móti Malta við sínum máli, og tí er hann avgjørt í spæl til dystirnar hesaferð, sjálvt um Odmar Færø er eitt gott boð at koma í miðverjuna. Landsliðsvenjararnir hava leingi havt eitt gott eyga á Rógva, sjálvt um hann spælir í triðj­bestu deildini í Norra. Helst spælir hann frá byrjan í báðum dystun­um, men hevur havt trupul­leikar við lærkrikanum og er útskiftur nakrar ferðir í seinastu landsdystunum. Sølvi Vatnhamar Landsdystir/mál: 35/1 Felag: Víkingur Er ein av álitismonnunum hjá Lars Olsen og soleiðis verð­ur helst eisini hesaferð. Spældi ein branddyst móti Malta, har hann rann sólina svarta, hóast hann fáar dagar framman­und­ an spældi allan dystin móti Rumenia. Hevur saman við lið­num mist eitt sindur av stjørnu­ støvi­num í álops­spælinum, men heldur fram at arbeiða ótrú­liga hart í verjustøðu. Tí er hann sjálvskrivaður, men tað er ein spurningur um tað verður 180 minuttir, og hvar hann spælir um vit skifta til 5-4-1. Onkur ábending er um, at hann møgu­liga verður hugsaður sum ein varamaður á miðvøllinum. Kaj Leo í Bartalsstovu Landsdystir/mál: 24/1 Felag: Valur (Ísland) Hevur ikki ordiliga sligið til í Vali í ár, men hevur eyðsýndar egin­leikar í álopsspælinum. Hóast Lars Olsen ikki hevur álit á gøtumanninum, so er hann enn eina ferð úttikin til lands­liðið. Hann hevur fingið spælitíð í trimum av dystunum og allir hava verið útidystir. Spurn­ing­ ur­in er so, um tað merkir at hann hevur størri møguleikar at koma á liðið hesaferð. Um Sølvi Vatnhamar verður brúktur á miðjuni, so eru teir tríggir, ið stríðast um tvey pláss á vengrunum. Tað kann blíva eydnan hjá Kaj Leo. Árni Frederiksberg Landsdystir/mál: 9/0 Felag: B36 Er avgerandi í at kalla hvørjum dysti fyri B36. Hevur nakrar framúr dygdir frammi á vølli­ num. Bleiv kosin sum næstbesti spælarin í føroyskum fótbólti til Fótbóltsgalla 2019. Fekk bara fimm minutt­ ir móti Malta í farna lands­ liðs­um­farinum, men hevur annars verið ein spælari, sum Lars Olsen hevur givið álit. Tað tykist sum Jóannes Bjarta­líð hevur tikið fyrsta kjans, men tað sannlíkt at Árni Frederiksberg spælir onkran leik­lut í hesum lands­liðs­um­ farinum. Spurningurin er bara um tað verður frá byrjan ella frá bonkinum. Brandur Hendriksson Olsen Landsdystir/mál: 30/3 Felag: FH (Ísland) Skálvíkingurin er ordiliga komin fyri seg, eftir lang­tíðar­ skaða. Hann hevur spælt eitt fult kappingarár í Íslandi og gjørt tað somikið væl, at tað eru feløg, ið hava sýnt honum áhuga. Hetta hóast hann hevur tvey ár eftir av sáttmálanum. Brandur kemur uttan iva at spæla báðar dystirnar á miðvøllinum, nú Hallur Hans­ son er burtur. Hann er seinnu dystirnar fluttur í ein meiri verjukenda leiklut á miðjuni, har hann skipar spælið, tá vit hava bóltin. Jóannes Bjartalíð Landsdystir/mál: 4/0 Felag: KÍ Ársins spælari í føroyskum fótbólti í ár, og hevur fingið sítt gjøgnumbrot á landsliðnum seinastu dystirnar. Klaks­vík­ ing­ur­in er í stórformi og tykist hava vunnið sær fast pláss á landsliðnum. Hann er arbeiðs­ samur í verjustøðu og hevur sam­stundis eitt avsett, sum ger at hann kann renna seg í góðar støður í álopsspælinum. Nógv bendir á, at hann kemur at spæla báðar dystir­ nar, men tað er eitt sindur iva­samt um hann fær 180 minuttir. Bjóðar seg eisini fram til deyðbóltar, eftir at hann tryggjaði FM til KÍ við beinleiðis frísparki. Jóan Símun Edmundsson Landsdystir/mál: 55/6 Felag: DSC Arminia Bielefeld (Týskland) Toftamaðurin er endaður í kuldanum í Arminia Biele­ feld seinastu dystirnar, men fekk tjúgu minuttir í sein­asta dysti­num undan lands­liðs­ sam­lingini. Hann er væl fyri og dystarformurin er framvegis góður. Tað kann enntá hugsast, at hann er betri fyri til hesar lands­dystirnar enn seinast, tá hann sat yvir móti Rumenia við einum eymum knæi. Heldur hann til tað, so spælir Jóan Símun 180 minuttir. Klæmint Andrasson Olsen Landsdystir/mál: 25/1 Felag: NSÍ Ársins áleypari í føroyskum fót­bólti setti í ár met við sínum 26 málum í landskappingini. Hevur spælt seg upp á føroyska lands­liðnum og hevur ongantíð verið betri enn júst nú. Spældi væl móti Norra seinast, men á úti­vølli er tað ósannlíkt at tað verður pláss fyri Jóan Símuni og Klæminti á vøllinum í senn. Tí bendir okkurt á, at Klæmint fær tvey innhopp hesaferð, um ikki Lars Olsen ætlar at royna okkurt nýtt. Patrik Johannesen Landsdystir/mál: 5/0 Felag: KÍ Er triðjaval í álopinum, men hevur nakrar ávísar eginleikar, sum gera at hann væl kann gera mun. Hann hevur ikki verið sannførandi frammanfyri málinum í ár og tað er ímóti honum, men spælistílurin við ágrýtum press-spælið ger, at hann kan verða góður at tveita inn móti endanum.