týsdagur 12. november 2019síða 38

Mikudagur 13. november 2019 · Nr. 131 38 Sosialurin Hugskot og viðmerkingar – send sms til 225000 Tróndur Arge – Keypmannahavn Føroyska landsliðið fyrireikar seg í løtuni í Danmark, har liðið venur á Sundby Idræts­park í Keypmannahavn. Før­oy­ar spæla fríggjakvøldið á Ulle­vaal leikvøllinum í Olso, og mána­ kvøldið móti Svøríki á Friends Arena í Stokkhólmi. Undan hvørjum lands­liðs­ um­fari gera vit eina støðu­ meting av føroyska lands­lið­ num. Tað tykist eitt sindur misjavnt hvussu før­oysku spælararnir eru fyri. Spælar­ arnir í íslendsku kappingini hava ikki spælt í eina tíð, tí ís­lendska kappingini endaði 28. september. Føroyska kapp­ ingin endaði 26. oktober, meðan restin av útisetunum eru í kapp­ing enn. Ikki allar fáa spælitíð í løtuni, men fyri eitt nú Jóan Símun Edmundsson kunnu vit vóna, at er ein fyrimunur fyri lands­liðið. Seinast sat hann uttan­fyri móti Rumenia, tí knæið argar hann eitt sindur. Hetta eru seinastu dystirnir hjá Lars Olsen, men úttøkan boðar ikki frá nøkrum óvæntað. Hann hevur ikki ungar spælarar sum Adrian Justinus­sen (HB) og Jákup B. Andreasen (KÍ) við, sum hann kundi givið debut, sum ein farvæl-gávu. Tí gongur met­ ingin av spæltíð til spælarar útfrá, at einki óvanligt verður at síggja á vøllinum, hóast hetta er seinastu dystirnir hjá Lars Olsen. Her ein støðumeting av før­ oyska landsliðnum undan EM- lands­dystunum móti Norra og Svøríki. Gunnar Nielsen Landsdystir/mál: 55/0 Felag: FH (Ísland) Føroyski landsliðsmálverjin hevur sitið uttanfyri hjá FH, eftir at hann breyt eitt bein í hondini í mai mánaði. Hann sat yvir dystirnar í juni móti Spania og Norra, men var aftur í málinum til dystirnir móti Svøríki og Spania í september, og móti Rumen­ia og Malta í oktober. Støðan er óbroytt síðani teir dystirnir, so væntandi hevur landsliðsvenjarin Gunn­ar sum fyrstaval, men hann er í harðari kapping við Krist­ian Joensen og Teit M. Gests­son. Lands­ liðsvenjarin hevur fleiri ferð­ir sagt, at lands­liðs­venj­ing­ar­nar eru avgerandi. Kristian Joensen Landsdystir/mál: 0/0 Felag: KÍ Hevur havt eitt framúr gott kappingarár í málinum hjá KÍ, og bleiv valdur til ársins málverja í føroyskum fótbólti 2019. Fleiri tykjast halda, at hann hevur uppiborið ein kjans á landsliðnum. Tað er serliga av­rikið í Luzern í Sveis, tá KÍ í evstu løtu tapti 1-0 í Europa League, sum fólk hava heft seg við. Hann prógvaði tá, at hann kann spæla á altjóða pallinum. Tað tykist tó ikki sum at Lars Olsen ætlar at blanda kort­ini øðrvísi hesaferð, og tí er líkt til at ársins málverji verður á bonkinum. Teitur Matras Gestsson, HB Landsdystir/mál: 5/0 Felag: HB Gav føroyska liðnum eitt eyka vápn við sínum framúr sparki­ teknikki, tá hann fekk kjansin móti Spania og Norra. Hetta ger, at føroyska liðið kemur í fleiri framrættaðar støður, har mót­støðuliðið einki kann gera fyri at steðga tí. Hevur saman við HB havt eitt heldur minni gott kappingarár, men hevur nakað, sum hinir báðir ikki hava. Hartil hevur hann spælt tveir landsdystir í seinastuni. Eins og við Kristiani Joen­ sen, so bendir lítið á, at hann fær nakrar minuttir, um ikki Gunn­ar Nielsen blívur skaddur. Atli Gregersen Landsdystir/mál: 57/0 Felag: Víkingur Eftir 57 landsdystir takkar 37 ára gamli Atli Gregersen fyri á landsliðnum. Hann hevur tænt landsliðnum væl og er við tíðini blivin ein ímynd av ein­um tíðarskeiði, har tað gekk føroyskum landsliðsfótbólti av­ bera væl. Kappingarárið í Vík­ ingi hevur ikki verið tað besta, men tað er einki at ivast í, at hann verður at síggja á vølli­num til sínar seinastu lands­dystir. Tað sær út til, at før­oyska landsliðið skal spæla við trimum í verjuni, og tá er Atli sjálvskrivaður. Odmar Færø Landsdystir/mál: 28/0 Felag: Hamarkameratene (Norra) So er odmar Færø aftur á lands­ lið­num, eftir at hava sitið uttan­ fyri við skaða seinastu tvey landsliðsumførini. Hann hev­ur fingið nakað av spæltíð í Ham­ Kam, sjálvt um hann hevur gjørt sáttmála við KÍ frá 2020. Lars Olsen plagar at hava álit á Odmari og spælir hann við trimum í miðverjuni, so er upp­lagt við Odmari á høgra mið­verja. Hann spælir óiva ein leiklut í báðum dystunum, sjálvt um verjan hevur verið á góðari leið seinastu tveir dyst­ ir­nar. Ein orsøk er eisini, at Rógvi Baldvinsson helst verður flutt­ur fram á miðvøllin, tí Hallur Hansson ikki er við. Andrias Høgnason Eriksen Landsdystir/mál: 2/0 Felag: B36 Varaliðskiparin hjá B36 er vara­ maður í verjuni, har hann tvær ferðir er komin inn at avloysa. Í Spania stóð hann seg væl, og tað gjørdi hann partvís eisini móti Rumenia, men var íbland­ aður, tá rumenar fingið hol á eitt korter fyri tíð. Lars Olsen letur væl at mið­ verjanum hjá B36, sum eisini hevur víst álit við at skifta inn í verjuna undir trupl­um um­ støð­um. Tað er ikki óhugs­andi, at Andrias fær ein kjans hesa ferð, men spurn­ing­urin er um tað verður frá byrjan, tá Odmar Færø er tøkur aftur. Heini Vatnsdal Landsdystir/mál: 16/0 Felag: Fremad Amager (Danmark) Stóri og sterki vágbingurin veks­ur við uppgávuni hvørja ferð hann spælir ein landsdyst. Hann er krútsterkur í nær­dyst­ un­um og hevur ein eginleika at dribbla seg úr trongu støðun­ um, tá onkur áleypari roynir at leggja trýst á. Hann hevur spælt alt ov fáar landsdystir í mun aldur og eginleikar, men endiliga sær út til, at hann hevur fingið tamar­ hald á skaðum og øðrum, sum hava gjørt at hann ikki hevur verið við fleiri ferðir. Tað er boð eftir honum bæði í miðverjuni og á verjukenda mið­vøllinum, so tað sannlíkt Støðumeting: Tað er eitt landslið við misjøvnum avrikum hjá útisetunum, sum skal siga farvæl við Atla Gregersen og Lars Olsen. Bæði Norra og serliga Svøríki spæla fyri at koma víðari til EM endaspælið, tí kunnu vit ikki vænta nakra gávu frá grannatjóðunum FÓTBÓLTUR FLEIRI ÚTISETAR Í AVBJÓÐANDI STØÐUM