týsdagur 12. november 2019síða 37

37 Sosialurin Hugskot og viðmerkingar – send sms til 225000 Mikudagur 13. november 2019 · Nr. 131 Tróndur Arge – Sundby Idrætspark, Keypmannahavn Føroyska A-landsliðið fyri­ reikar seg í hesum døgum til EM-undankappingardystirnir móti Norra og Svøríki, sum verða ávikavist fríggjadagin og mánadagin. Landsliðið býr í løtuni í danska høvðus­stað­ num, har teir venja á Sund­by Idrætspark, sum er heima­ vøllurin hjá Fremad Amager og Heina Vatnsdal. Sum skilst úr Fótbólts­sam­ bandinum er tað meiri fíggjar­ liga skynsamt at fyrireika seg í Danmark, heldur enn Norra. Ferða­lagið fer síðani til Oslo hós­morgunin og dysturin verður fríggjadagin á Ullevaal leik­vøllinum. Fyrstu ábendingarnar eru, at Ári Mohr Jónsson og Odmar Færø koma á liðið fyri skadda Hall Hansson, og Viljorm David­sen, ið er endaður á bonki­num hjá Vejle. Lars gevur ongar gávur Lars Olsen hevur ikki verið partur av vetrarvenjingunum í Føroyum, tí hann nú er høvðus­ venjari hjá Esbjerg í donsku Superliguni. Fyrispurningurin frá Esbjerg kom millum lands­ dystirnar móti Rumenia og Malta, sum vóru á Tórsvølli í farna mánaði. -Eg fekk ein fyrispurning frá teim­um og so gekk tað skjótt, sigur Lars Olsen í kuldanum á Sundby Idrætspark. Hann fekk loyvi frá Fótbólts­sam­bandinum at taka við starvinum, sjálvt um hann manglaði at standa á odda fyri tveimum dystum hjá Føroyum. -Eg kenni væl spælararnir og Jóannes Jakobsen, hjálpar­ venjari, hevur staðið fyri venj­ ing­unum í Føroyum. Har vóru bara 15 til venjing og onkur hevur givið avboð, tí hevur talan ikki verið um tað stóru út­tøkuna, sigur lands­liðs­ venjarin. Millum annað er Eli F. Nielsen úr B36 ikki við. Hann byrjar upp á sveinastykkið í hesi vikuni. Tað bleiv heldur ikki pláss fyri Jákupi B. Andrea­ sen, liðskipara hjá KÍ. -Hann hevur havt eitt gott kappingarár, men so leingi hann ikki byrjar inni á A-landsliðnum og kann spæla á U21-landsliðnum, so ger hann tað, sigur Lars Olsen. Hetta kundi annars verið ein gyltur møguleiki at givið onkrum spælarum ein møgu­ leiki, ella roynt okkurt, sum hann ikki hevur royn áður. -Eg havi sagt tað fyrr, men eg gevi ongar gávur bara tí hetta eru mínir seinastu dystir. Vit spæla hesar dystirnar akkur­át sum allar aðrar, sigur lands­liðs­ venjarin. Ári og Odmar inn Venjingin fyrrapartin týsdagin gav ábendingar um, at Ári Mohr Olsen og Odmar Færø kom inn, meðan Hallur Hansson og Vilj­ormur Davidsen detta út. Hallur Hansson hevur brotið hond­ina og er ikki tøkur, meðan Viljormur Davidsen er end­aður á bonkinum hjá Vejle. -Eg kann siga so mikið sum, at vit spæla við trimum í miðverjuni. Vit bíðaðu fyri at vita um Odmar Færø bleiv tøk­ur og tað er hann. Ári Mohr Jónsson spælir hvørja ferð fyri Sand­nes, meðan Viljormur tí­ verri er endaður í skugganum hjá Vejle, sigur Lars Olsen. Hann vil ikki avdúka liðið, men nógv bendir á at tað verður við hasum báðum broyt­ing­unum at føroyska liðið skal spæla móti Norra. Vit gita at Gunnar Nielsen stendur í mál. Verjan verður Gilli Rólantsson, Heini Vatns­ dal, Atli Gregersen, Odmar Færø, Ári M. Jónsson. Á miðjuni verða Sølvi Vatnhamar, Rógvi Baldvinsson, Brandur Hendriks­son og Jóannes Bjarta­líð, meðan Jóan Símun Edmunds­son verður á topp. Fleiri orsøkir Jóan Símun Edmundsson hevur sitið uttanfyri seinastu tríggj­ar dystirnar, eftir at hann bleiv útskiftur móti Hamburg SV fyri Arminia Bielefeld. -Tað var ein toppdystur og eg spældi illa, men tað er ikki bara tí eg havi sitið uttanfyri. Tað hevur eisini verið ein harður mán­aði fyri meg, sigur Jóan Símun Edmundsson, ið ikki vil koma nærri inn á orsøkirnar. -Tit nýtast ikki at vita alt, ha? Spyr Jóan Símun við einum lítl­um brosi. Toftamaðurin gleðir seg til dystirnar og vónar at Atli ­Gregersen fær tvey góð úrslit í sein­astu dystunum. -Atli er ein góður leiðari á vøllin, men eg haldi eisini at hann hevur nakrar dygdir á vølli­num, sum øll ikki altíð leggja merki til. Hann er róligur á bóltinum og dugur væl at spæla fram í vøllin. Vit fara at sakna Atla tá hann gevst, men vit sakna hann ikki enn, tí hann fyllur so nógv, sigur Jóan Símun og flennur. trondur@sosialurin.fo FÓTBÓLTUR Upptakt Norra-Føroyar: ÁRI FÆR KJANSIN OG ODMAR VERÐUR NÝGGJUR Í VERJUNI Lars Olsen heldur fast í trimum miðverjum og ger helst tvær broytingar. Hann iðrar seg um, at Hallur Hansson ikki er tøkur, men vónar at halda norðmonnum frá málinum VIT GITA: FØROYAR (3-4-3) GUNNAR NIELSEN – HEINI VATNSDAL, ATLI GREGERSEN, ODMAR FÆRØ – GILLI RÓLANTSSON, RÓGVI BALDVINSSON, BRANDUR HENDRIKSSON, ÁRI M. JÓNSSON – SØLVI VATNHAMAR, JÓANNES BJARTALÍÐ, JÓAN SÍMUN EDMUNDSSON