hósdagur 14. november 2019síða 30

FRÍGGJADAGUR 15. NOVEMBER 2019 SOSIALURIN 132 30 VILMUND JACOBSEN Í summar og í heyst hevur nógv verið frammi um, at útróðrarfiskur og tá serliga toskur og hýsa hava verið rak og meira rak enn vanligt. Tað er serliga toskurin, sum hevur verið óvanliga rak, men teir, sum fiska hýsu, hava eisini lagt til merkis, at hýsan hevur verið meira rak enn vanligt í mun til árstíðina. Serlig fyribrigdi hava eisini verið, har bátar hava fingið nógvan tosk inni á firðum, og at síggja til hevur toskurin ligið eftir tí, sum kemur frá virkjum. Hetta ófrættakenda fyribrigdi hevur eitt nú verið at sæð inni á Vest­manna, Fuglafirði og Kolla­ firði, har bátar hava ligið og fisk­ að heilt inni móti bryggjuni og hava fingið nógvan tosk. Tó hevur ikki allur hesin fisk­ ur verið líka rak, men tað kemst neyvan uttan um, at fiskurin - og tá serliga toskurin - leitar eftir føði. Sindur frægari Høgni Hansen, stjóri á Fiska­ mark­naði Føroya, sigur, at tosk­ urin, sum útróðrarbátar og línu­ bátar fáa, framvegis er rak í mun til árstíðina. - Nú hugsi eg mest um toskin, men teir, ið fiska hýsu, hava eisini hildið, at hon átti at verið feitari, nú vit eru komin so langt út á heystið. Hann sigur, at útróðrarmenn lata heldur frægari at nú, enn tá fisk­urin fyrr í heyst at síggja til var ringast fyri. - Hetta átti at verið besta tíð hjá fiskinum til dygdar, og tað er kanska serliga hetta, sum órógv­ ar, heldur Høgni Hansen. Stjórin á Fiskamarknaði Før­oya sigur hinvegin, at einki hevur verið at hoyrt um, at eitt nú longa, brosma ella svartkalvi hava verið rak. - Nú síggja vit ikki so nógvan upsa, so her dugi eg ikki at siga, hvussu tann fiskurin er fyri, men í øllum førum hava par­ trolar­ar­nir frægari fiskiskap nú, enn teir hava havt. Høgni Hansen sigur, at fiski­ skap­urin eftir upsa annars fyri tað mesta hevur verið slakur í mun til fiskiskapin eftir eitt nú toski og hýsu. - Men, eg skilji, at partrolarar, sum vanliga landa til Faroe Ori­ gin í Runavík, í løtuni sigla fullir und­ir lúkurnar aftur til lands, leggur hann aftrat. Góður á ytri leið Høgni Hansen vísir á, at fleiri av línuskipunum plaga at royna vestan fyri, og tað hevur altíð verið sagt, at fiskurin – og tá serliga toskurin – er meira rak vestan fyri enn eystanfyri. Hin­ vegin eru línuleiðirnar vestan fyri góðar, og har er gjarna væl meira fiskur at fáa. - Men, tá skipini fara long­ur vestur, eitt nú vestur á Íslands­ ryggin, er toskurin har ordi­liga væl fyri í mun til inni á grunni­ num. Stjórin á Fiskamarknaði Før­oya sigur, at toskurin, sum skip­ini fáa á Íslandsrygginum, í løtuni gevur eini átta prosent størri úrtøku enn toskurin inni á landgrunninum. - Á Íslandsrygginum fæst næstan bara toskur og eitt sløð av svartkalva og blálongu, men næstan eingin hýsa. Høgni Hansen sigur, at smærru trolbátarnir í seinastuni hava verið á Skeivabanka, har teir hava roynt eftir havtasku, men har hevur fiskiskapurin verið smáligur. Trolfiskurin feitari Høgni Hansen vísir á, at uttan at taka dagar ímillum, hvat fer betur við fiskinum, húkur ella trol, er tað ein sannroynd, at í øllum førum toskurin, sum trolararnir fáa, sum heild er feitari enn toskurin, sum út­róðr­ ar-og línubátarnir fáa. Spurdur, hvussu fiskaprísurin hevur verið í seinastuni, sigur stjór­in á Fiskamarknaði Føroya, at toskaprísurin hevur verið rími­liga góður og støðugur – í øllum førum prísurin á toski­ num, sum hevur verið at fingið við troli. - Tað er greitt, at tá fiskurin er rak, kann tað ganga út yvir prísin, tí úrtøkan úr fiskinum verður sjálvsagt minni, men eg haldi, at prísurin á toski sum heild hevur verið rímiliga góður í heyst. Høgni Hansen leggur aftrat, at prísirnir á hýsu eru nógv tengd­ir at marknaðarprísinum uttan­lands, men tað eru eisini virk­ir í Føroyum, sum liggja fram við at keypa hýsu, tá hon er á marknaðinum. FISKURIN ER FRAMVEGIS FISKURIN ER FRAMVEGIS RAK RAK Í MUN TIL ÁRSTÍÐINA Í MUN TIL ÁRSTÍÐINA - Menn lata heldur frægari at toskinum á landgrunninum nú, men eg haldi, at toskurin í mun til árstíðina átti at verið feitari, enn hann er, sigur Høgni Hansen, stjóri á Fiskamarknaði Føroya Váðasteinur hevur gjørt roktúr Línuskipið Váðasteinur hevur henda túrin verið á Íslandsrygginum. At kalla øll veiðan er góður toskur, og hetta er ein roktúrur VILMUND JACOBSEN T að hevur nógv at fing­ið við línu í longri tíð, og soleiðis hevur heyst­ ið higartil ikki verið nakað undantak. Bæði útróðrar­ bátar og línuskip hava fingið nógvan fisk, og einki bendir á, at góði fiskiskapurin fer at helma í fyribils. Høgni Hansen á Fiska­mark­ naði Føroya veit at siga, at línu­ báturin, Váðasteinur, sum er heima­hoyrandi á Toftum, var á søluni í gjár, hósdagin. - Teir hava gjørt ein roktúr og hava einar 1300 kassar, sum svar­ ar til eini 150.000 pund á 12 setum. Høgni Hansen veit eisini at siga, at Váðasteinur byrjaði fiski­skap hin 3. november, og skip­ið landar á Toftum í dag, 15. novem­ber. - Váðasteinur hevur henda túrin verið á Íslandsrygginum. At kalla øll veiðan er góður toskur, leggur stjórin á Fiskamarknaði Føroya aftrat. Í dag kemur Váðasteinur aftur av roktúri á Íslandsrygginum