mánadagur 18. november 2019síða 18

Mánadagur 18. november 2019 · Nr. 133 18 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Ullevaal, Oslo -Tað er til tíðir pínligt at vera á vøllinum í dag. Vit hvørki dugdu ella tordu at spæla bólt, og tað var simpulthen pínligt. Hetta er ikki gott nokk, sigur Jóan Símun Edmundsson við Portal.fo í samrøðu eftir dystin. Fyrstu spælararnir eru komnir úr skiftirúminum. Tað eru nakrir vónbrotnir spæl­ar­ ar og ein vónbrotin lands­liðs­ venjari, ið tosar við fjøl­miðlar­ nar. Lars Olsen er ein royndur maður í fakinum. Hann veit væl, at liðið hevur spælt illa og at avrikið er vánaligt, men hann dugur at orða seg, soleiðis at ongin fær mein av hansara út­søgnum. Hann vísur á avbjóðingarnar við at fleiri spælarar ikki eru í dystarvenjing, at menn síggja troyttir út longu tíðliga í seinna hálv­leiki og at føroyska liðið skap­ar ov fáar møguleikar, men heldur eisini at talan er um stórar persónligar villur, ið føra til málini hjá Norra. Jóan Símun Edmundsson leggur tó ikki fingarnar í millum. -Fyrireikingarnar hava ver­ ið elendigar. Vit kunnu ikki vænta, við at venja tríggjar ferðir um vikuna í eina mánað, at vit kunnu spæla upp í móti hesum. Og so venja á einum vána­lig­um graslíkisvølli í tríggjar dagar, og vænta at vit kunnu hava eina venjing á grasi her og spæla móti hesum her. Vit skulu ikki brúka tað sum umberingar og vit eru betri, men hetta kann ongin vera be­ kentur, sigur Jóan Símun Ed­ mundsson við Portal.fo. Lars Olsen viðgongur avbjóðingar - Fyrireikingarnar hava ikki verið tær bestu, og tað vita vit um hetta mundið á árinum. Tað eru fleiri orsøkir. Spælararnir hjá okkum í Íslandi hava ikki spælt í eina mánað, meðan før­ oyska kappingin endaði síðst í oktober. Tá vit so skulu spæla ein dyst mitt í november, har spælararnir ikki eru vanir við at renna runt við einum pulsi upp á tvey hundrað, so kann tað hava eina ávirkan, sigur Lars Olsen og leggur afturat: - Vit hava verið úti fyri hes­um fleiri ferðir. Hesa ferð spæla við í norðurlondum, har gras­vøllirnir ikki eru góður um hetta mundið á árinum. Tað legst so afturat støðuni við vantandi dystarvenjing. Fleiri spælarar hava ikki spælt, meðan aðrir ikki fáa fasta spæli­tíð í feløgunum, sigur før­ oyski landsliðsvenjarin. Tað hevur eisini verið funnist at venjingarumstøðunum í Keyp­mannahavn, har vant bleiv á Sundby Idrætspark. Ser­ liga annar vøllurin var vána­lig­ ur. -Og so eru tað vøllirnir. Er tað betri at venja á einum ósløttum grasvølli ella einum sløttum, men vánaligum graslíkisvølli? Bæði í Danmark og Svøríki, og helst eisini í Norra, sleppur tú heldur ikki á grasvøllirnar eftir 1. november, sigur Lars Olsen, sum ikki góðtekur hetta sum eina umbering. -Tað er avrikið á vøllinum, sum er avgerandi fyri at vit tapa dyst­in 4-0. Fyrireikingarnar eiga sjálvandi ein lítlan part av orsøkini, men vit skulu ikki billa okkum inn, at tað eru nakr­ar venjingar á graslíki ella at onkrar kappingar eru endaðar, at vit tapa. Orsøkin er eitt ov vánaligt avrik frá okkum øllum, sum ger at vit tapa. Um tú hyggur eftir dysti­ num umaftur, so sært tú eisini at vit gera nakrar villur, sum vit hava gjørt gjøgnum alla undan­kappingina. Hetta er væl fjórði ella fimti ferð, at vit lata fýra mál ígjøgnum, sigur Lars Olsen. Lars irriteraður av málunum Landsliðsvenjarin viðgongur at ætlan­in ikki helt hesaferð. -Tað er ringt at siga, um vit skuldu havt spælt upp á ein annan máta. Valið av spælarum kanst tú altíð kjakast um, tá tú tapur 4-0, tí tá hava spælararnir ikki avrikað tað vit hava vónað og væntað av teimum. Tað kann eisini verða eg og Jóannes Jakob­sen, sum ikki hava givið røttu vegleiðingarnar. Tað kun­nu vera fleiri orsøkir. Tað irriter­ar meg, at vit lata hasi fýra mál­ini inn og tað irriterar meg eisini, at vit ikki fáa skapt ein mál­møguleika, sigur Lars Olsen og leggur afturat: -Har kunnu vit í dag hyggja afturá og siga, at vit skuldu helst havt spælt við nøkrum fleiri sendingum og skumpa fram. Men eg veit ikki um tað hevði hjálpt, tí Norra hevur tveir miðverjar, sum eru tveir metr­ar til hæddar. Helst høvdu teir vunnið teir flestu av bólt­un­um. Vit gjørdu tað, sum vit hildi var best á degnum, men tað vísti seg at verða ein vána­ligt hugskot, sigur Lars Olsen at enda. trondur@sosialurin.fo Fótbóltur Dysturin hesa vikuna... Norra-Føroyar 4-0: KURT MØRKØRE LETUR ILLA AT NORSKUM MIÐLUM Fyrrverandi føroyski landsliðsspælarin, Kurt Mørkøre, sum er búðsitandi í Norra, er ikki nøgdur við dekningin hjá norskum fjølmiðlum av føroyska liðnum. – Eitt tað løgnasta eg havi hoyrt frá NRK Radio. Spyrja hví Føroyar tíma at spæla, tá teir altíð tapa? Hvat hevur Norra vunnið seinastu fimm árini, spyr Kurt Mørkøre á Facebook. Síðani vísur hann á munin á íbúgvarum millum Føroyar og Norra. Øll eru á einum máli um, at avrikið móti Norra er undir alt lágmark. Jóan Símun Edmundsson brúkar orð sum pínligt og finst at fyrireikingunum, meðan Lars Olsen heldur at tað eru bara umberingar, ið taka ábyrgdina frá avrikinum, sum er tað týdningarmesta VÁNALIGAR FYRIREIKINGAR VÁNALIGAR FYRIREIKINGAR OG MANGLANDI ORKA OG MANGLANDI ORKA – – ELLA BARA UMBERINGAR? ELLA BARA UMBERINGAR?