týsdagur 19. november 2019síða 22

Mikudagur 20. november 2019 · Nr. 134 22 Sosialurin Hugskot og viðmerkingar – send sms til 225000 Tróndur Arge – Friends Arena, Solna -Tað stóðu seks mans og bíðaðu eftir mær, tá vi fóru til hálvleiks. Eg bleiv eitt sindur kløkkur. Teir eru óðir um at støðu í fyrra hálvleiki, har ein av teirra sparkar út eftir mær, og renni eftir honum einar tvær ferðir og takli hann. Tað vóru teir ikki blíðir um, sigur Brandur Hendriksson. Brandur er ein stórur fótbóltsspælari, men tað er nokk ikki neyðugt við heili seks svenskum landsliðsspælarum, fyri at fáa ein boðskap til skálvíkingin. Janne Anderson, svenski landsliðsvenjarin, og vanligi liðskiparin, Andreas Granqvist, koma í millum. - Granqvist kom í millum. Hann hevur roynt hetta fyrr, men har vóru seks mans, sum vóru svakir. Landsliðsvenjarin kom eisini í millum og segði “This is football” (Hetta er fótbóltur). Soleiðis er fótbóltur, tú fer í taklingar vil gera alt fyri at vinna. Tað var einki ónt í nøkrum, sigur Brandur Hendriksson, sum eisini endaði í svenskum miðlum fyri hendingina. Tað áhugaverda við hendingin er, at hon vísur at føroyska liðið megnaði at traðka á tærnar á svenska liðnum. Bæði í fótbóltstýdningi og helst eisini bókstaviliga. Endiliga Sølvi á miðjuni Lars Olsen gjørdi tvær broytingar til seinasta dystin hjá honum. Tað stendur eisini í mat við nógv av hinum landsliðsumførunum, har hann næstan hvørja ferð hevur gjørt millum tvey ella tríggjar broytingar. Odmar Færø bleiv skaddur í dystinum móti Norra. Inn kom Klæmint A. Olsen og síðani bleiv flutt runt, soleiðis at Rógvi Baldvinsson endaði í miðverjuni og Sølvi Vatnhamar loksins kom inn á sentrala miðvøllin. Jóan Símun Edmundsson bleiv fluttur á høgra vong og Klæmint A. Olsen byrjaði sum áleypari. Svenski landsliðsvenjarin boðaði frá seks til 11 broytingum frá liðnum, sum vann Svøríki til EM við 2-0 sigri á Rumenia. Tað endaði við, at hann gjørdi heilar tíggju boytingar. Gókend byrjan Tað merkist væl á Freinds Arena, at Svøríki longu hevur vunnið seg víðari. Teir leggja ikki so nógv fyri fyrstu minuttirnar, men hava tó bóltin meginpartin av tíðini. Vit hava ringt við at koma til álopsstøður, men tað er glottar at síggja í spælinum. Tað sæst eisini frá byrjan, at okkara hava røttu tendringina. Millum annað liggur Sebastian Andrsson eftirá, eftir samanstoyt við Viljorm Davidsen. Jóan Símun Edmundsson, sum er eitt sindur umstríddur eftir kritikkin av fyrireikingunum, meldaði eisini í tvídystunum. Størsta kjansin í dystinum fær føroyska liðið miðskeiðis í fyrra hálvleiki, tá Brandur Hendriksson leggur eitt framúr innlegg til Viljorm Davidsen, ið kemur rennandi við fullari ferð. Hann fær fótin á boltin tætt undir málinum, men málverjin bjargar. Fáar minuttir seinni kemur revsingin. Eftir at hava ruddað væl vekk í fleiri førum í verjustøðu, so enda vit við at standa á hælinum, tá høgri bakkurin, Marcus Danielson, leggur innfyri. Sebastian Andersson rennur framum Rógva Baldvinsson og stútar bóltin í málið. Síðani byrjar rokið millum Brand og Mattias Svanberg, sum úrslitar í gulum korti til svenskaran. Tá farið verður til hálvleiks er avrikið góðkent, og tað staðfestur øði hjá svensku spælarunum eisini. Vit taka ikki av Í seinna hálvleiki fáa vit aftur ein gyltan møguleika at koma á máltalvuna, tá Gilli Rólantsson kemur ímillum eina afturlegging til málverjan. Tvøramaðurin fær prikað bóltin, áðrenn málverjin fær fatur á honum, men inni í brotsteiginum tveitur ein svenskur verjuspælari seg og fær takla. Annar stóri møguleikin í dystinum, men vit taka ikki av. At marginalar og tilvildin ikki er á okkara síðu í løtuni, sæst í 2-0 málinum. Fyrr umtalaði Mattias Svanberg seg við at síggja til vandaleysum skoti, men bólturin rakar Rógva Baldvinsson og snýtur Gunnar Nielsen í málinum. Løtu seinni skorar innskifti John Guidetti, tá hann rennur millum Atla Gregersen og Sølva Vatnhamar, og stútar eitt framúr hornaspark í málið. 3-0 og vit kenna søguna aftur. Í mun til dystin í Norra, kunnu vit í minsta lagi kalla avrikið fyri heiðurligt. Brandur dagsins spælari Tær nýtist ikki nógv fótbóltsskil, fyri at síggja at Brandur Hendriksson spældi ein góðan dyst. Hann kom eisini til eina góða skotstøðu, men málverjin bjargaði. Hann heldur eisini, at tað kendist væl at spæla hendan dystin. -Eg havi verið á rættari kós í eina tíð nú og føli at eg havi yvirskot. Tað fyllir bara ikki so nógv hjá mær nú, tí vit hava tapt 3-0, men tað er gott at fáa kredit fyri tað tú ger. Tí eg havi arbeitt ótrúliga hart fyri at koma afturíaftur, eftir ein trupult tíðarskeið við skaðum, sigur Brandur Hendriksson. Hann hevur tvey ár eftir av sáttmálanum við íslendska FH, men felagið er í fíggjarligum trupulleikum. Hartil hevur Brandur eina vón um at spæla á hægri stigi. - Eg kann siga, at tað verður arbeitt við eini loysn. Eg vil fegin royna okkurt annað, tí eg haldi at eg havi okkurt at bjóða úti í verðini. Eg fór til Íslands fyri at fáa nakrar dystir í beinini. Nú havi eg spælt næstan 60 dystir og eri klárur til at taka næsta stigið, sigur Brandur Hendriksson. trondur@sosialurin.fo Fótbóltur Dysturin hesa vikuna... Svøríki-Føroyar 3-0: ATLI GREGERSEN: BITTURT Tað er bitturt at standa eftir við 0-3, tí avrikið er nógv betri enn seinast. Málini vit geva burtur eru mál, sum eitt føroyskt landslið ikki má geva. Skora vit upp á kjansin hjá Viljormi, so verður tað ein heilt annar dystur. Avrikið var í ordan, men úrslitið var ikki ókey, sigur Atli Gregersen, sum gevst eftir 59 landsdystir. Brandur Hendriksson Olsen var millum bestu spælararnar á vøllinum, tá Lars Olsen og Atli Gregersen takkaðu fyri seg á føroyska landsliðnum. Svøríki vann 3-0 við B-liðnum, men tað kundi verið øðrvísi BRANDUR UNDIRHELT Á BRANDUR UNDIRHELT Á FRIENDS ARENA FRIENDS ARENA – MUNDI – MUNDI FINGIÐ BANK Í HÁLVLEIKINUM FINGIÐ BANK Í HÁLVLEIKINUM