týsdagur 19. november 2019síða 31

7 Mikudagur 20. november 2019 Sosialurin Bókajól Rit & Rák í SMS . Tlf. 603030 . ritograk@ritograk.fo . www.ritograk.fo WWW.RITOGRAK.FO Bílegg føroyskar bøkur á netinum. Tað er skjótt og ómakaleyst. HJÁLPIR TEIMUM, SUM ERU RINGAST FYRI B ókin “Njál – ljós í skugga” er ein ser­lig lívssøga. Njál var føddur sum “eingilsk­ manna­barn” í 1941. Hann hevði ætlað sær eina fram­tíð á Gjaldstovuni. Men tá fekk Pet­ur Há­berg úr Brøðrasamkomuni eyga fyri hans­ara serligu evnum innan andaliga økið. Hann eggjaði Njál at fara tann vegin, og úrs­ litið var, at hann saman við konuni, Ernu, í 1961 fór til Noregs í offisersskúla hjá Frels­un­ ar­herinum. Aftaná at hava virkað í ymsum plássum í Noregi, og eisini í Íslandi, gjørdist Njál í 1985 leiðari á Fyrlyset í Oslo. Hetta er tann stovnur hjá Frelsunarherinum, sum tekur sær av teimum allarveikastu í samfelagnum, sum annars ongan góðan hava. Serliga er her talan um fólk, sum eru heft at rúsdrekka og rúsevnum. Fyrst og fremst var uppgávan at geva hes­um fólkum grundleggjandi umsorgan við mati, reinføri og andaligum stuðli. Njál hev­ur tann eginleika, at hann ger ikki mun á fólki. Eisini tey, sum liggja lægst, hava síni virði, sum fjálgast skal um. Næsta stigið er so at fáa hesi fólk á føtur aftur. Sum fótbóltsfjeppari veit Njál, at er tað nakað, sum kann fáa eldhuga í fólk, so er tað fótbóltur. Tískil byrjaði hann í 1995 eitt fót­ bólts­lið av fólki, sum búðu á gøtuni. Hetta var byrjanin til tann “gatefotball”, sum hevur breitt seg so nógv, at í dag eru HM í hesum fótbólti, har Njál framvegis er virk­in. Tey eru nógv, sum takkað verið hesum fót­ bólti eru komnir á rættkjøl aftur. Eitt annað stig er at fáa fólk í arbeiði. Njál byrjaði í síni tíð eina skipan, har menn fingu eitt sindur av løn fyri at rudda gøtur og líknandi arbeiði . Hann fekk eina skipan við fakfeløgini, har hetta lat seg gera. Hetta var byrjanin til Jobben, sum er ein starvsvenjing, sum fyri kortum fekk vitjan og harvið viðurkenning frá sjálvari Sonju drotning. Uttan konuna, Ernu, hevði Njál ikki kunnað framt síni avrik. Hon var tann dyggi stuð­ulin, sum gjørdi alt hetta møguligt. Tí er bókin ognað minninum um Ernu, sum and­ aðist í 2016. Tey bæði vóru fyrstu hjún í Noregi, har bæði fingu “kongsins gull”. Tað er sjálvsagt nógv meira at lesa um hetta virksemi í bókini. Høvundurin hevur hitt fleiri, sum takka Njál fyri, at tey eru í lívi. Í bókini eru nógvar frásagnir frá hesum arbeiði. Eisini verður greitt frá hjálparum, sum Njál hevur fingið afturat sær, har fleiri eru menn á ovastu rók í norska samfelagnum. Tað er kristintrúgvin, sum er drívmegin í hesum virksemi. Tað kann sigast at Njál og Frelsunarherurin umboða eina rúmliga kristnitrúgv, har fremsta endamálið er at hjálpa medmenniskjum í trongstøðu. Bókin er 215 síður við nógvum góðum myndum, sum lýsa meira enn orð virksemið hjá Ernu og Njál. Hon kostar kr. 240 í bók­ handlunum. BÓKIN UM NJÁL: Erna og Njál við “riddarakrossinum”. Flokkurin hjá Njál í kommunuskúlanum í Havn í 1951. Í bókini eru nøkur nøvn komin skeivt fyri. Tað er rættað her. Aftasta rað vinstrumegin frá: Magnus Pauli Magnussen, Jóhannes Norðbø, Regin Nolsøe, Poul Johannesen, Dánjal Martin Mortensen, Argir, Njál Djurhuus, Hans Tejsen, dani, Johan Isholm, Jens Petur Mikkelsen Miðraðið: Birgit Restorff, Anita Joensen, Margit Mortensen, Argir, Beinta Háberg, Margit Weihe, Argir, Frú Beyer, lærari, Ása á Dul, Ruth Andrésen, Hanna Sundstein, Anna Maria Sivertsen. Fremsta rað: Brynjálvur Mikkelsen, John Joensen, Argir, Anfinn Rubek Nielsen, Sólbjørg Mortensen, Argir, Turid Simonsen, Johanna Clementsen, Heini Davidsen, Erling Strubel ,dani, Mortan Dalsgarð, Argir.