hósdagur 21. november 2019síða 6

FRÍGGJADAGUR 22. NOVEMBER 2019 SOSIALURIN 135 6 Eingin føroysk sendistova verður í Ísrael Tað vísir spurngarkanning, sum Sosialurin hevur gjørt millum tingfólk EIRIKUR LINDENSKOV S varið er púra greitt, tá tingfólk verða spurd, um tey fara at atkvøða fyri at stovna eina føroyska sendistovu í Jerusalem: Svarið er nei. Ein meiriluti av Løgtinginum, 17 tingfólk, svara, at tey ikki fara at atkvøða fyri at stovna eina føroyska sendistovu í Jerusalem. Tað var fyri eini viku síðani, at øði kom í grindina, tá Jenis av Rana, uttanríkisráðharri, í samrøðu við danska blaðið Politiken segði, at Føroyar fóru at seta á stovn føroyska sendistovu í Jerusalem og at viðurkenna Jerusaelm sum høvuðsstað Ísraels. Men tíðindini vóru ikki nýggj, fyri tað um tey vóru nýggj í donsk­ um fjølmiðlum. Tá samgonguskjalið varð undirskrivað 14. september, og teir tríggir floksleiðararnir, Jørg­en Niclasen, Bárður Nielsen og Jenis av Rana, greiddu frá sam­gongu­ skjalinum, fekk Jenis av Rana uppgávuna frá Bárði Nielsen at greiða fjølmiðlunum frá, hvat tað merkti, at sendistova skal stovn­ ast í Ísrael: »Í samgonguskjalinum stendur, at vit skulu hava eina sendistovu í ísrael, og tað verður eitt av tí fyrsta, sum vit fara at arbeiða við«, segði hann. Spurdur hvat danir siga til tað, svar­aði Jenis av Rana: »Ísrael er eitt framkomið land. Innan tøkni til dømis. Mín dreym­ur er sum lækni at vit fara at útveksla læknar millum lond. Fingið nakrar garvaðar fram­stand­ andi læknar úr Ísrael at komið til Føroyar og umvent. Kanska onkur medisinalfyritøka hevði havt hug at komið til Føroyar at opnað eina fabrikk«. Spurdur beinleiðis, um sendi­ stovan skal vera í Tel Aviv ella í Jerusalem, svarar Jenis av Rana: »Ja, tað stendur Ísrael, men verður tað gjørt, so verður tað í Jersusalem, sjálvandi!« Føroyski fjølmiðlar hava ikki gjørt so nógv burtur úr hesum, utt­an at staðfest, at tað helst ikki verður so, sum Jenis av Rana greiddi frá. Kringvarpið spurdi Mette Fred­eriksen, forsætisráðfrú, tá hon viðjaði fyrr í mánaðinum um málið, og hon vísti hesum greitt aftur, at tað fer ikki at bera til at Føroyar stovna sendistovu í Jerusalem. Tá boðaskapurin aftur verður borin í Politiken fyri viku síðani, kom eldur í, og løgmaður var skjót­ ur at vísa hesum aftur við teirri grund­geving, at »málið er ikki við­ gjørt í samgonguni enn«. Johan Dahl, løgtingsmaður Sam­bandsflokins og Edmund Joen­sen, fólkatingsmaður Sam­ bands­flokins, hava víst hesum aftur og sagt, at vit als ikki skulu hava nakra sendistovu í Ísrael yvir­høvur. Tá vit spurdu tingfólk, um tey halda, at føroysk sendistova skal setast á stovn í Ísrael, eru bara 11, sum svara »ja«. Av teim­ um eru 4 úr Fólkaflokkinum, 2 úr Miðflokkinum, 3 úr Sam­bands­ flokk­inum, 1 úr Sjálvstýrinum og 1 úr Tjóðveldi. Av teimum sum svara »nei« er 1 úr Fólkaflokkinum, 2 úr Framsókn, 7 úr Javnaðarflokkinum, 1 úr Sam­ bands­flokkinum og 2 úr Tjóðveldi. Tá vit spurdu, um føroysk sendi­stova skal setast á stovn í Jerusalem er svarið enn greiðari: »Ja« svara 1 úr Fólkaflokkin, 1 úr Sjálvstýrisflokkinum og 2 úr Mið­flokkinum. »Nei« svara 1 úr Fólka­flokk­ inum, 2 úr Framsókn, 7 úr Javn­ aðarflokkinum, 2 úr Sambands­ flokkinum og 5 úr Tjóðveldi. Út frá hesum kann staðfestast, at føroysk sendistova hvørki verð­ ur sett á stovn í Jerusalem ella aðra­staðni í Ísrael – hóast tað stend­ur í samgonguskjalinum. Fólkaflokkurin hevur viðurkent Jerusalem sum høvuðsstað Hóskvøldið 7. desember í 2017 boðaði Fólkaflokkurin alment frá, at flokkurin tekur undir við, at Jerusalem verður viðurkendur høvuðsstaður í Jerusalem. Tá sendi flokkurin út soljóðandi tíðindaskriv: »Viðurkennið Jerusalem sum høvuðsstað Fólkaflokkurin boðar við hesum alment frá, at vit fegnast um og taka undir við, at Jerusalem verður viðurkendur sum høvuðsstaður Ísraels. Jerusalem verður nevndur 6-700 ferðir í gamla og nýggja testamenti, hevur verið heilagi stað­urin hja Ísraels fólki síðan ísraelski staturin varð stovnaður og viðurkendur av ST í 1948, hjá jødum allar tíðir og hjá kristnum fólki kring allan heim í 2.000 ár. Býurin verður als ikki nevndur í Koranini og er tí ikki søgulig ogn hjá palestinum, so sum muslimar halda uppá. Í ár eru 50 ár, síðan Jerusalem aftur gjørdist hart vunna ogn hjá statinum Ísrael og ísraels fólki í 6-daga krígnum 1967. Fólkaflokkurin vónar, at ikki bert USA, men eisini onnur av heimsins londum viðurkenna Jerusalem sum høvuðsstað Ísraels og vinda síni tjóðarfløgg í húnar hátt yvir sínum sendistovum í Jerusalem, søguliga og tískil náttúrliga høvuðsstaði Ísraels Fólkaflokkurin« Hatta merkir at Føroya loysa frá Danmark – Um landsstýrið meinar hatta í álvara, so merkir tað avtøku av ríkisfelagsskapinum, sigur Hans Engell, politiskur viðmerkjari í Danmark EIRIKUR LINDENSKOV – Hatta málið hevur ikki fylt so nógv í donskum miðlum, og politiskt hevur tað ikki fingið so nógvar viðmerkingar. Okkara uttanríkisráðharrri, Jeppe Koefod, hevur víst til komandi samrøður við før­ oyska landsstýrið, men annars ikki gjørt so nógv burtur úr málinum, sigur Hans Eng­ell, sum er fyrrverandi fólka­tings­ maður, ráðharri og formaður í Konservativa Fólkaflokkinum. Nú er hann ein av fremstu pol­ itisku viðmerkjarunum í Dan­ mark. – Fyri at siga tað akkurát sum tað er, so haldi eg, at hvørki danskir politikarar ella tíð­ndafólk hava tikið hendan boð­skapin frá lands­stýris­ mann­inum í álvara, sigur Hans Eng­ell. Hann vísir víðari á, at ein slík avgerð, sum at seta á stovn eina føroyska sendistovu í Jer­usal­ em er í stríð við fleiri ST-sam­ tyktir og í stríð við reglarnar fyri ríkisfelagsskapin. – So um føroyska landsstýrið meinti hetta í álvara, so hevði tað ført til avtøku av ríkis­ felags­skapinum – og tað vildi í tí føri verið ein føroysk avgerð, sig­ur Hans Engell Viðurkennið Jerusalem sum høvuðsstað Fólkaflokkurin boðar við hesum alment frá, at vit fegnast um og taka undir J l ð ið k d h ð t ð Í l