hósdagur 21. november 2019síða 5

FRÍGGJADAGUR 22. NOVEMBER 2019 SOSIALURIN 135 5 Ynskir sendistovu í Jerusalem men eisini nøgdur við Tel Aviv Landsstýrismaðurin við uttanríkismálum, Jenis av Rana, vil halda seg til samgonguavtaluna ÁRNI GREGERSEN H ansara ynski er, at føroyingar fáaa eina sendistovu ella um­ boðs­stovu í Jerusa­lem, men letur tað seg ikki gera, so er hann eisini nøgdur um hendan um­boðsstovan verður latin upp í Tel Aviv. Í samgonguskjalinum millum Fólkaflokkin, Sambandsflokkin og Miðflokkin stendur, at føroyingar skulu lata eina sendistovu upp í Ísrael. Síðani samgonguskjalið var undirskrivað – og á sjálvum tíð­ inda­fundinum, tá ið hetta hendi – segði landsstýrismðurin við utt­anríkismálum, at sendistovan skuldi latast upp í Jerusalem. Tá ið hetta hendi, fekk tað ikki serliga nógva umrøðu, men støðan broyttist, tá ið Jenis av Rana segði við danska blaðið Politiken, at føroyingar fara at lata sendistovu upp í Jerusalem. Síðani tá hevur hetta málið verið ovast á politisku dagsskránni í Føroyum og partvís eisini í Danmark. Í gjár ásannaði lands­stýris­ maðurin tói, at tað ikki er hann einsamallur, sum sleppur at taka avgerðina um, hvar sendistovan – ella umboðsstovan – skal vera. Biðið um pengar Landsstýrismaðurin sigur, at tað verður arbeitt við málinum og at ein umbøn er farin um pengar til endamálið. Pengarnir skulu setast av á fíggjarlógini fyri 2020. - Eg rokni við, at tá ið vit eru kom­in inn í januar, so verður full ferð sett á arbeiðið, so um­boðs­ stovan kann lata upp í september ella oktober næsta ár, sigur Jenis av Rana. Sjálvt málið er ikki komið nakr­an serligan veg, tí peningur enn ikki er settur av til arbeiðið. Lands­stýrismaðurin sigr, at hetta sjálvandi eisini skal við­ger­ast í samgonguni ella í minsta lagi mill­um teir tríggjar floks­for­menn­ ir­nar. - Tað er enn ikki greitt, hvat slag av sendistovu, tað verður. Tí hava vit ikki tosað við danir um tað enn. Vit kunnu sjálvandi lata eina umboðsstovu upp, men skulu vit lata eina sendistovu upp, so verður tað sjálvandi eftir donsk­um leisti og so verður hon í Tel Aviv, har sum danska sendi­ stovan er staðsett, sigur lands­ stýris­maðurin. Hann leggur tó afturat, at før­oyingar sjálvandi kunnu lata annað slag av umboðsstovu upp, hvar vit sjálvi vilja – eisini uttan at spyrja danir um tað. Hví Ísrael? Spurdur um hví vit skulu hava eina umboðsstovu í Ísrael heldur enn so nógvar aðrastaðni, so sig­ ur landsstýrismaðurin at hetta sjálv­andi skal gerast fyri at menna viðurskiftini – bæði handilslig og onnur – millum Føroyar og Ísrael. - Vit mugu eisini minnast til, at nógv fólk úr Føroyum ferðast til Ísrael, so okkara samband við landið er sera gott, sigur hann. Hann vísir eisini á, at Ísrael er ógvu­liga frammalaga í heiminum innan tøkni og heilsuverk. Hann held­ur at hetta kann gagna okk­ um. - Handilin er so at siga ongin, men tað er eitt sera gott støði at byrja. Tað kann bara verða betri um vit fáa beinleiðis samband við Ísrael, sigur Jenis av Rana. Hvussu avgerandi er tað, at hend­an umboðsstovan verður stað­sett í Jerusalem? - Eg hevði verið ómetaliga glað­ ur um hon verður í Jerusalem, men hinvegin verður tað ein semja í samgonguni at hon skal verða í Tel Aviv, so eri eg himmals lukku­ ligur og eg vænti hon fer at gagna okkum meira enn vit droyma um, sigur Jenis av Rana, lands­stýris­ mað­ur Jenis av Rana er landsstýrismaður við uttanríkismálum Longu tá ið samgonguskjalið bleiv undirskrivað, segði Jenis av Rana, at sendistovan skuldi vera í Jerusalem