hósdagur 21. november 2019síða 30

FRÍGGJADAGUR 22. NOVEMBER 2019 SOSIALURIN 135 30 SJÚRÐUR HILDARSON HOYDAL Tórsvøllur – týsdagur klokkan 12 Á Tórsvølli týsdagin ganga tey flestu bara og bíða og vóna. Klokkan 17.00 skal U21-lands­ dyst­urin ímillum Føroyar og Norður­makedónia spælast á vøllinum, ið hevur verið frystur seinastu dagarnar. Føroyska U21-landsliðið hjá monnum, hevur verið savnað síðani hós­ dagin, men hevur ikki vant á Tórsvølli, tí har er ikki hugs­ ingur um at spæla fótbólt. Í staðin fara U21-dreingirnir til Sørvágs, har teir sleppa at brúka vøllin, húsið og útgerðina hjá 07 Vestur til venjing. Tað man fara at verða lýggjari komandi dagarnar verður vónað, og tað verður eisini roynt at hjálpa vøllinum at tina við salti. Men mánakvøldið er støðan spent. Føroyska fótbóltssambandið, UEFA, dómararnir og norður­ make­dónska fótbóltssambandið semjast um at kanna vøllin týs­ morgunin klokkan 10.00. Royna til tað síðsta Vøllurin verður saltaður og bust­aður aftur týsmorgunin, og vónin um at spæla dystin livir enn. Tey semjast um at taka enda­liga støðu klokkan 12.00. Klokkan 11.00 skal føroyska lið­ið hava taktikkfund á Hotel Før­oyum, men hann verður út­ settur til vissa er fyri um dyst­ urin verður leiktur. Bustiakførini koyra enn klokk­an 12, tá ið umboð fyri FSF, UEFA, norðurmakedónska fót­ bólts­sambandi og einir tríggir av teirra leikarum møta við syðra endan av Tórsvølli. Øll spáka tey spakuliga inn á miðjan vøll, og tey granska hvørt fet eftir graslíkinum. Millum strá­ini liggur krapi og smá gler­ petti, ið eru trupul at busta burt­ur. Umboðini nerta eftir við fing­runum, og tykjast at gera niður­støður við misnøgdum eygna­bráum. Tað ber ikki til Tey savnast øll í miðkringinum og munnu práta í einar fimm minuttir, áðrenn eitt av FSF- um­boð­unum fer yvir til vallar­ um­sjónarmannin, ið fær at vita, at tey kunnu steðga at busta nú. Dysturin verður av ongum. Umboðini fyri FSF, UEFA og norðurmakedónska fót­bólts­ sam­bandið, heilsa hvørjum øðr­um farvæl, og føroyingarnir ynskja gestunum góða ferð heim. Norðurmakedónsku leikar­ar­ nir spyrja ein av føroyingunum, um hann kann taka eina mynd av teimum á vøllinum. Teir tykjast ikki so misnøgdir. Veðrinum er eingin harri yvir. Keðiligur endi á fótbóltsárið Á Hotel Føroyum hittist U21- lands­liðið til fund stutt eftir klokkan 12. Leikararnir hava havt varhugan av at tað ikki fór at eydnast, og teir hava longu pakkað taskurnar. Umstøðurnar hava darvað fyri­reikingunum, men hópurin hevði framvegis sett sær fyri, at hevna stórtapi frá dystinum í Norður­makedónia.. So skjótt sum fundurin er liðugur, eru teir flestu til reið­ar at fara heim. Teir taka við­førið og fara beint í bilarnar. Fót­bólts­ árið endar uttan dyst. Men undir Tórsvølli liggja rør til eina hitaskipan, ið skal forða fyri júst slíkum støðum. Skipan­ in er bara ikki til reiðar enn. SJURDUR@SOSIALURIN.FO Hitarør hava ligið undir Tórsvølli síðani graslíkisvøllurin var lagdur á í 2012, men tey eru ikki tikin í nýtslu. Týsdagin høvdu tey verið kærkomin, tí frostur lá á Tórsvølli frá hósdegnum til týsdagin, og U21-landsdysturin ímillum Føroyar og Norðurmakedónia var av ongum ÍTRÓTTUR: Fótbóltur UEFA TEKUR ATLIT TIL VEÐRIÐ – MEN IKKI HJÁ UNGDÓMINUM Í landsdystardøgunum eru eisini A-landsdystir, og Føroyar hava í vikuni spælt í bæði Norra og Svøríki, meðan frosturin hevur ligið á Tórsvølli. A-landsliðið hevði ikki sloppið at spælt teir dystirnar í Føroyum, tí tá ið kappingin var løgd, var syrgt fyri, at eingin dystur skuldi leggjast í Føroyum í november-mánað. Tá ið skipað var fyri lutakastinum til undankappingina stóð í samtyktunum hjá UEFA, at tíggju lond eru mett at hava ringar umstøður um veturin. Tey eru Føroyar, Ísland, Finnland, Norra, Hvítarussland, Estland, Lettland, Litava, Russland og Ukraina. Í samtyktunum stendur, at ikki fleiri enn tvey av hesum londum kunnu dragast í sama bólk. Endamálið við hesum er – sigur UEFA – at minka um váðan fyri, at veðrið ger seg inn á dystirnar ella at dystirnir í ringasta føri ikki kunnu spælast. Landsdystur var av ongum: HITARØRINI HITARØRINI IKKI IKKI BUNDIN Í ENN BUNDIN Í ENN Tvey akfør halda fram at busta vøllin, meðan partarnir samráðast