mánadagur 25. november 2019síða 6

6 Sosialurin Hugskot og viðmerkingar – send sms til 225000 Mánadagur 25. november · Nr. 136 TÍÐINDI Fyrireika jólasølu alt árið Leygardagin var afturvendandi jólasølan hildin á Verkstaðnum á Brekku í Klaksvík. Eitt tiltak, sum borgarar og starvsfólk gleða seg til og arbeiða fram í móti í langa tíð, sigur Poulina Johannesen, leiðari á Verkstaðnum á Brekku í Klaksvík Annika Kunoy Im annika@sosialurin.fo Á Verkstaðnum á Brekku í Klaks­vík eru dagliga á leið 32 borg­arar, sum smíða, mála, binda, pakka og mangt annað. Flestu teirra, sum arbeiða á Verk­staðnum á Brekku búgva í Klaksvík. Summi eru heima­ búgv­andi, og onnur búgva á stovn­um í býnum. Lutirnir, ið verða evnaðir har eru til sølu alt árið, men árliga jólasølan fyllir nógv allar mánaðirnar í árinum, tí beint eftir summ­ar­ frí­tíðina fara borgarar saman við starvsfólkum at fyrireika ár­ligu jólasøluna, sum lokkar nógv vitjandi á gátt. Borgararnir eru ómetaliga spent­ir og møta trúliga upp at hjálpa til og selja kaffi, megna tey tað, greiðir leiðarin á Verk­ staðn­um á Brekku, Poulina Jo­ hannesen, frá. Hóast jólasølan longu hevur verið, so er Verkstaðurin eisini opin vanligar gerandisdagar frá 8:30 til 16:00, og til ber at fara framvið at hyggja, bíleggja ser­gjørda vøru ella keypa. - Tað koma ofta nógv fólk tann dagin, tá jólasølan er, men tað ber altíð til at støkka inn á gólvið hinar dagarnar, sig­ur Poulina Johannesen. Verkstaðið á Brekku er ætlað fólki, ið bera likamligt ella sálarligt brek, og sum ikki kunnu røkja arbeiði á ar­beiðs­ markn­aðinum undir vanligum treytum. Tilboðið er somu­leið­ is ætlað fólki, sum hava stóran tørv á stuðli og hjálp í ger­ andis­degnum. Í Verkstaðnum á Brekku verð­ur dentur lagdur á at stimbra og menna sam­skiftis­ evni, sansir og kropp. Arbeiðs­ til­boðið verður lagt til rættis so­leiðis, at fólkini kunnu ar­ beiða so sjálvstøðugt sum gjør­ligt, samstundis sum tey eis­ini fáa møguleika at menna sína persónsmensku, sínar anda­ ligu og likamligu før­leik­ar. Virkað verður fyri trivnaði og sam­ansjóðing í ger­andis­degn­ um, og skipað verður eis­ini fyri ymiskum felags­til­tøk­um, so sum jólahugna, føstu­láv­ ints­haldi og summar­veitslu. Jólasølan góða undirtøku Poulina Johannesen sigur, at borg­arar, ið eru knýttir at verk­staðnum og starvsfólk, ið ar­beiða har gleða seg til árligu jóla­søluna, sum er eitt serstakt og afturvendandi tiltak hjá stovn­inum. - Tað liggur ómetaliga nógv arbeiði í jólasøluni, so vit ar­ beiða miðvíst í tveir til tríggjar mán­aðir, sigur hon. Á verkstaðnum gera tey alt møguligt frá plattum til fiski­ vinn­una og kassum til bryggj­ arí til dukkuvognar, post­kass­ ar, hillar, taskur, pútur, bundin pløgg og jólaprýði. Verkstaðið á Brekku ger eis­ ini arbeiði fyri millum annað Før­oya Bjór og Look North. - Vit vóna sjálvsagt øll, at nógv fólk koma á gátt, og her verð­ur nógv at síggja av ym­ isk­um hondgjørdum lutum, bæði prýðislutum og brúks­lut­ um, og her er nógv, sum hevur tilknýti til jólini, sigur hon. - Tað eru serliga tingini, ið eru gjørd úr træi, sum eru væl Jólasøla: Hóast jólasølan longu hevur verið, so er Verkstaðurin eisini opin vanligar gerandisdagar frá 8:30 til 16:00, men týsdagar letur aftur klokkan 14:00