mánadagur 25. november 2019síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 25. november · Nr. 136 TÍÐINDI Tá Rúna kom við í Natholdet - Eg fekk slett ikki frið. Øll vóru eftir mær og hildu tað vera nakað so stuttligt, sigur Rúna Frimannsdóttir, sum við sínum stuttligu og speisku viðmerkingum í samrøðu við 3-2 knappliga endaði í donskum sjónvarpi Pætur Hjalmar Evensson Klaksvíkingurin Rúna Fri­ manns­dóttir fekk fyri góðari viku síðani stóran part av konga­ríkinum at trekkja upp á smíli­bandið og skella í látri. Henn­ara ærliga og stuttliga lyndi kom til sjóndar í einari video­samrøðu við Kringvarpið, sum populera danska sendi­ng­ in Natholdet síðani valdi at vísa á TV2. Í samrøðuni er hon stødd í Gundadali, nakað áðrenn av­ gerandi gulldystin millum B36 og KÍ. Har spyr Kringvarpið hana nakrar spurningar, og hon sigur millum annað so­ leið­is: - Gemalurin liggur á sofuni og snorkar við hús. Hann er ikki interesseraður. Tað er farið, tann tíðin, tá mann var for­ elsk­aður og kundi freista hvønn annan, segði Rúna, sum so fekk upp­fylgjandi spurning frá journal­istinum Mariu Ziska­ sen. - So fært tú sikkurt eina heita dýnu, tá tú kemur heim í kvøld? segði Maria Ziskasen. - Heita dýnu?! Eg ætli mær at ballast í alla nátt! svaraði Rúna Frimannsdóttir uttan at blunka. - Eg tók tað við stívum ørm­um Hetta klippið kom í 3-2, sum varð sent seinni. - Tá eg bleiv spurd um sam­ røðu, helt eg, at samrøðan skuldi vera aftaná dystin, um tað nú hendi, at KÍ blivu før­oya­ meistarar. Men eg bleiv allíka­ væl interviewað áðrenn dyst­ in. Eg tók tað bara við stív­um ørmum og svaraði fyri meg, fortelur Rúna Fri­manns­dótt­ir. - Tey ringdu til mín seinni og søgdu, at tað kom í 3-2, tí tey roknaðu ikki við, tað fór at koma við. Men eg segði, at tað skuldu tey einki leggja í, tí KÍ vóru føroyameistarar. Um tað nú ganga 20 ár, til KÍ vera før­ oya­meistarar aftur, so er alt gloymt. So eg hugsaði bara fín­ asta­slag, flennir hon. - Vit byrjaðu dagin við morg­unmati í KÍ høllini, so vit vóru øll uppkoyrd og í góðum lag. Klippið fór víða um Poddvarpið Amatøroyar valdi síðani at deila hetta klippið á sínum Instagram-vanga, og tá byrjaði klippið av álvara at ferð­ast runt á sosialu miðl­un­ um. - Amatøroyar eru tveir kúll­ ar, sum gera gjøldur burtur úr øllum. Teir løgdu klippið frá 3-2 út, og so kom eldur í bein­ an­vegin, tí fólk deildu tað víð­ ari, sigur Rúna Frimannsdóttir. Tað útviklaði seg so til, at danir eisini funnu fram til stutt­ligu samrøðuna, og knapp­ liga var Rúna við í kendu sendingini Natholdet. And­ers Breinholdt, vertur í Nat­holdet, plagar at vísa stutt skemti­lig brot fyri gestum sín­um í send­ ing­ini, og hesa ferð var gest­ur­ in føroyavinurin, Anders Lund Madsen, sum eisini helt klippið vera ógvuliga stuttligt. - Vit elska hendan føroyska fótbóltsfjepparan! skrivaði Nat­holdet á facebooksíðu síni, har klippið var væl umtókt. Fekk ikki frið Rúna Frimannsdóttir minnist aftur á, tá hon av fyrstan tíð hoyrdi, at hetta var komið við í Natholdet. - Eg fekk eitt klipp sendandi. Tað var hetta sama klippið frá 3-2, men hesa ferð var tað í Nat­holdet. Eg hugsaði bara “jú jú, um tey fáa gleði burtur úr tí, so er fínt.” Tá tað kom út á Nat­holdet, fekk eg slett ikki frið. Øll vóru eftir mær og hildu tað vera nakað so stutt­ ligt, og tað helt eg eisini, for­tel­ ur hon. - Tey flestu hava verið posi­ tiv um hetta. Men so er tað onk­ur, sum hevur spurt, hvat gemal­urin sigur til tað, at eg segði, at hann lá og snorkaði í stov­uni og hetta við forelskils­ in­um. Tað segði eg bara, fyri at tað skuldi blíva stuttligt. Sjálv­ ur heldur hann, at tað er so eviga stuttligt, so hann flennir bara. Børnini søgdu við meg, at fólk sikkurt hava hildið meg verið fulla, men nei, tað var eg yvirhøvur ikki. Eg var bara í góð­um lag, flennir hon. Omma ársinsleikara Í videobrotinum sæst, at á høgra kjálka hjá Rúnu stóð “Ommusa”, og á vinstra kjálka stóð talið nummar 10. Hetta er ikki tilvildarligt, men er ein til­ sipan til ommusonin, Jóannes Bjartalíð, sum spælir við KÍ og eisini bleiv kosin sum ársins fótbóltsleikari. - Á plenuni havi eg altíð kallað hann fyri “ommusa”. Síð­an Jóannes kom á KÍ liðið havi eg verið til hvønn dyst heima, og eg havi eisini verið við liðnum uttanlands, sigur trúgvi KÍ-fjepparin, Rúna Fri­ mannsdóttir. - Eg haldi eisini, at Jóannes heldur tað vera stuttligt, at eg segði hatta, tí tað eru nokk ikki allar ommur, sum eru soleiðis, flennir hon. KÍ vann sannførandi í Gunda­dali hendan dagin, og hetta er nakað, Rúna og aðrir klaks­víkingar hava bíðað eftir leingi, so gleðin var stór, tá dómarin floytaði dystin av. - Tá bleiv eg garrvill. Eg hopp­aði í einum upp um rekk­ verkið og inn á plenuna. Tað var ein virkuliga stuttligur dag­ur, og so fór eg til hús og har­frá beinleiðis í veitslu, líka sum eg segði í samrøðuni. Alt var so eviga gott, og øll vóru glað. Rúna Frimannsdóttir í samrøðu við 3-2 hjá Kringvarpinum (Skermmynd: Kringvarpið)