hósdagur 28. november 2019síða 22

FRÍGGJADAGUR 29. NOVEMBER 2019 SOSIALURIN 138 22 SJÚRÐUR HILDARSON HOYDAL L eygardagin fer HM í kvinnuhondbólti av bakkastokki, og hond­ bóltsfjepparar kunnu gleða seg til 15 dagar við fleiri av heimsins bestu leikarum á sjónvarpsskíggjanum. Ráðandi Heims- og Evropa­ meistararnir úr Fraklandi møtir upp við favorittleiklutinum saman við Norra og olympisku meistar­unum úr Russlandi. Ser­frøðin sigur, at ein av hes­ um trimum tjóðum endar við Heimsmeistaraheitinum, men skelkir koma meira enn so fyri í endaspølunum. Nýggjar stjørnur bróta ígjøgnum, og brád­liga kunnu lond sum Rumenia, Serbia, Svøríki, Monte­negro, Niðurlond, Spania, Ungarn ella Danmark taka okkum á bóli. Úr Føroyum fara fólk eins og altíð at fylgja við á miðlunum, og Sosialurin hitar á hesum síðum upp til HM í Japan. Føroyingar kunnu fáa íblástur og hugskot av HM Føroyski spælskiparin úr Kyndli, Bára Krossteig Hansen, er ein av teimum, sum fer at fylgja væl við úr Føroyum. Hon plagar altíð at fylgja sera væl við tá ið stóru endaspølini eru á skránni, um tað so er EM, HM ella olympiskur leikirnir. - Sjónvarpið og teldan koyra mestsum allan dagin, men tá so onkur dystur er, sum ordiliga hevur mín áhuga, seti eg meg at hyggja ordiligt, sigur spælskiparin, sum við føroyska landsliðnum hevur luttikið til tvær undankappingar til HM. Og føroyskir leikarar kunnu fáa meira burtur úr enn bara áhug­an og undirhald heldur Bára. - Eg haldi avgjørt at tú kanst fáa tær íblástur og hugskot, tá ið tú hyggur eftir slíkum dystum. Bæði verju- og álopsliga, men eisini persónliga. Tað kann vera onkur flott finta, eitt flott brots­kast ella onkur lítil avtala millum tveir leikarar, ið kanska hevði verið áhugaverd at roynt í Føroyum, greiðir føroyski leikarin frá. Heldur við Norra og Niðurlondum Bára gleðir seg serliga at fylgja við dystunum hjá Niðurlondum, Frak­landi, Norra og Danmark. - Eg haldi allarmest við Norra ella Niðurlondum. Eg klári ikki at velja ímillum, sigur før­oying­ urin, ið kortini ikki væntar at Niðurlond fara at fáa sína allarbestu kapping. Favorittarnir eru Norra, Russ­ land og Frakland, heldur Bára. - Hóast øll trý mangla fleiri um­ráðandi leikarar, so havi tey so breiðan hóp, at eg vænti at eitt av teimum liðunum vinnur HM. Annars vænti eg – og kanska vóni eg – at Niðurlond fara at gera okkurt óvæntað, hóast Nycke Groot ikki er við, greiðir Bára frá, sum eisini væntar okkurt óvæntað frá londum sum Japan og Suðurkorea. - Eg veit ikki um tey fara at taka øll á bóli, men tað er altíð stutt­ligt at síggja asiatisku lond­ ini spæla sín skjóta kross-hond­ bólt, og eg vænti eisini tey fara at hála okkurt óvæntað stig heim, metir kyndilsprofilurin, sum eisini gleðir seg at fáa íblástur frá nøkrum av heimsstjørnunum. - Eg gleði meg heilt avgjørt at síggja Stine Bredal Oftedal úr Norra og Grace Zaadi úr Fraklandi. Tær spæla flottan og stutt­ligan hondbólt, so tað er altíð ein frægd at hyggja eftir teimum, sigur Bára Krossteig Han­sen spent á málinum. HM í Hondbólti: Enn er nakað eftir á mál áðrenn føroyska landsliðið spælir seg til eitt HM- endaspæl. Næstu góðu tvær vikurnar kunnu føroyingar síggja hvat krevst til hesi endaspølini, tá ið norsku, russisku, fronsku og allar hinar heimsstjørnurnar bresta saman í HM-endaspælinum í Japan HEIMSSTJØRNURNAR HEIMSSTJØRNURNAR Áskoðarar gleða seg at síggja bestu leikararnar í heiminum, tá ið stóru endaspølini verða spæld, men ofta eru onkrar, sum vanta í vegna skaðar og aðrar umstøður. Norra uttan fleiri heimsstjørnur Í ár tykist serliga Norra at verða hart rakt, við millum øðrum málverjuímyndini, 39 ára gamlu Katrine Lunde, sum ikki er tøk, eftir ringan skaða í bronsudystinum í Champions League í vár. Norra hevur enn ein royndan málverja i heimsflokki, men 35 ára gamla Kari Aalvik Grimsbø kemur heldur ikki við. Fyrsti norski málverji verður tí Silje Solberg – sum eisini hevur bæði royndir og stórar dygdir. Harafturat hevur stórskjúttin á høgra bakki, Nora Mørk stríðst við skaðar í tvey ár, og verður heldur ikki við á hesum sinni. Á vinstra bakki vantar eisini ein stjørna í, eftir at Veronica Kristiansen eisini stríðist við skaða. Norska breiddin skal sanniliga vísa sína styrki í Japan. Groot hevur takkað fyri seg Hjá Niðurlondum er ein av heimsins bestu leikarum seinastu árini ikki við. Nycke Groot hevði avgerandi lutin í, at Niðurlond brádliga vóru millum bestu hondbóltstjóðir í heiminum. Seinasti fýra árini hevur Nycke Groot ført Niðurlond til tvey silvurmerki og tvey bronsumemerki. Eitt av hvørjum í HM og í EM. Samstundis vann hon Champions League tríggjar ferðir hesi fýra árini við ungarska Györ, áðrenn hon eftir EM í fjør boðaði frá, at hon gavst á landsliðnum 30 ára gomul og skifti til Odense í Danmark. Kroppurin var ov slitin segði niðurlendska stjørnan. SAKNUR Í SUMMUM STJØRNUM Bára Krossteig Hansen hevur sjálv roynt seg ímóti fleiri av heimsins bestu leikarum. Her bjóðar hon av ímóti Katarunu Krpez Slezak, sum var toppskjútti við EM í fjør