hósdagur 28. november 2019síða 23

FRÍGGJADAGUR 29. NOVEMBER 2019 SOSIALURIN 138 23 HITTAST Í JAPAN HITTAST Í JAPAN VINSTRI BAKKUR 31 ÁRA GOMUL 1,80 METRAR HØG FELAG: CSM BUKAREST (RUMENIA) Bert ein leikari í heimssøguni er kosin heimsins besti leikari fleiri enn tvær ferðir. Tað er rumenska Cristina Neagu, sum hevur verið heimsins besti leikari fýra ferðir. Seinast eftir at hon førdi Rumenia til EM-hálvfinaluna í fjør. Tá fekk hon ein ringan knæskaða, Rumenia fekk ikki gjørt um seg í hálvfinaluni og Cristina Neagu mátti undir drúgvan steðg. Tí var hon heldur ikki við, tá ið Rumenska landsliðið vann 25-20 í Høllini á Hálsi fyri tveimum mánaðum síðani, men hon verður við í Japan. Heimsins besti skjútti nakrantíð tykist eisini at vera komin fyri seg. Fyri tveimum vikum síðani skoraði hon átta mál ímóti russiska stórfelagnum, Rostov-Don. Føroyingar kunnu hyggja við eyka stórum eygum eftir Neagu og hinum rumensku stjørnunum, tí tær skulu aftur spæla ímóti Føroyum 31. mai. SOLEIÐIS VERÐUR SPÆLT: HM byrjar leygardagin 30. november við innleiðandi umfarinum. Tey 24 londini eru býtt upp í fýra bólkar. Liðini spæla ein dyst ímóti hvørjum í bólkum, og tey trý sum enda ovast fara víðari til høvuðsumfarið. Í høvuðsumfarinum eru tveir bólkar: Tey trý ovastu úr bólki A og B í øðrum og tey úr bólki C og D í hinum. Tey tvey ovastu úr hesum báðum bólkum spæla hálvfinalu, og tey bæði vinnandi liðini spæla HM-finaluna í Kumamoto sunnudagin 15. desember. SPÆLSKIPARI 28 ÁRA GOMUL 1,68 METRAR HØG FELAG: GYÖR (UNGARN) Stine Bredal Oftedal er stóra stjørnan á hesum ættarliðnum av norska landsliðnum, og hevur eisini liðskiparabandið um armin. Hon er ein av allarstørstu heimsstjørnunum, sum Bára Krossteig Hansen og onnur gleða seg at síggja á vøllinum í Japan hesar 16 komandi dagarnar. Oftedal hevur verið avgerandi fyri tvey tey seinastu Champions League-steypini sum stórfelagið, Györ, hevur vunnið, og so hevur hon eisini vunnið gull í fimm endaspølum. Tað fyrsta sum 19 ára gomul við EM í 2010. Hon var vald týdningarmesti leikari við HM í 2017, har Norra fekk silvur, og hon fær eina enn størri uppgávu hesaferð, nú fleiri øgiligir profilar vanta á liðnum. Styrkirnar eru eitt renniskot í serflokki og ófatiliga kvikar føtur – bæði í verjuspælinum og fintuspælinum. Avgjørt ein leikari sum vónríkir føroyskir leikarar kunnu eygleiða og leita sær íblástur í. SPÆLSKIPARI 26 ÁRA GOMUL 1,71 METRAR HØG FELAG: METZ (FRAKLAND) Frakland hevði ikki vunnið eitt endaspæl síðani 2003 áðrenn Grace Zaadi og liðfelagarnir komu flúgvandi inn aftur í heimshondbótltin við Heimsmeistaraheitinum í 2017 og Evropameistaraheitinum í 2018. Franski spælskiparin hevur eina øgiliga styrki í at seta ferð á spælið burtur úr ongum. Hon kann tykjast eitt sindur tung, men brádliga fer hon av standandi fóti og er sum eitt skot ígjøgnum smæstu holini í verjuni – um hon ikki velur at finna strikuna, sum hon finnur nærum í blindum. Er ein frálík blanding av bóltførleika og ráari styrki, ið eisini kann geva vónríkum leikarum íblástur í styrkivenjingini. Cristina Neagu – Rumenia Stine Bredal Oftedal – Norra Grace Zaadi – Frakland BÓLKUR A Niðurlondum Norra Serbia Slovenia Angola Kuba BÓLKUR B Frakland Danmark Týskland Suðurkorea Brasil Avstralia BÓLKUR C Rumenia Ungarn Montenegro Spania Senegal Kasakstan BÓLKUR D Russland Svøríki Japan Kina Argentina D.L. Kongo