hósdagur 28. november 2019síða 38

14 Avbjóðingar eru í einari stórari samanlegging Tá ið tveir kappingarneytar leggja saman, er tað ein avbjóðing á øllum økjum A luplast og H-Dygd hava lagt saman í eina fyritøku við einum eigara. Tað sær út til, at sjálv samanleggingin er eydnast væl, hóast fyritøkan hevur trý framleiðslustøð. Ein samanlegging hevur eisini havt við sær, at støða skuldi takast til, hvat samanlagda fyritøkan skal arbeiða við og tað hevur gjørt, at onkrar vørur ikki verða framleiddar longur. Eitt annað, sum eisini skal gerast er felags KT- skipanin. Alt hetta tekur tíð at gera og ikki minst at læra starvsfólkini at brúka nýggju skipanina. -Starvsfólkini hava tikið sera væl ímóti samanleggingini og hava hjálpt væl til í broytingartíðini. Tí eru vit komin væl áleiðis hesar 10 mánaðirnar síðani virksemið varð lagt í eitt felag, sigur Kaysten Rasmussen, stjóri í Grant, sum nýggja felagið eitur. Tað var ikki ókent í byggivinnuni, at bæði H-Dygd og Akuplast sigldu í tungum sjógvi fíggjarliga.. Sjálv framleiðsluvinnan til byggimarknaðin er kapitalkrevjandi. -Hetta gjørdi, at álitið millum kundarnar mátti byggjast uppaftur, so gjaldsfreistir og leveringstreytir komu á eitt vanligt støði aftur. Hetta kravdist, tí alt hitt krev­ur ómetaliga nógva umsiting, sigur stjórin. Dýrt at leggja saman Tað er kostnaðarmikið at leggja fyritøkur saman. Í hesum føri hevur eisini verið neyðugt at arbeiða við einum nýggjum samleika fyri samanløgdu fyritøkurnard. Sjálv samanleggingin hevur eisini kostað fitt av pengum. -Hesi viðurskiftini ávirka sjálvandi úrslitið av hesum árinum, men tá ið vit taka hædd fyri teimum eykakostnaðum vit hava havt í 2019, umframt allar effektiviseringar sum eisini eru gjørdar, so síggja vit ljóst uppá raksturin komandi árini, sigur stjórin. Menning Sjálvt um nógv orka er brúkt í hesum árinum til sam­an­ leggingina, so verður kortini arbeitt við at menna nýggj produkt. Júst nú arbeiðiir fyritøkan við plastskjótihurðum. -Fyritøkan hevur í eina tíð selt plastskjótihurðar, sum ofta verða brúktar frá húsunum til eina terrassu ella altan. Hesa hurðina fara vit at framleiða sjálvir fyrst í komandi árið. - Afturmeldingarnar frá okkara kundum, sum hava keypt hesar skjótihurðarnar eru sera góðar. Góðskan á hurðini er framúr og vit væntat at fara at selja nógvar hesum hurðum í framtíðini, sigur Kaysten Rasmussen. Stjórin legur afturat, at annars er arbeitt við at betra um allar tænastur frá fyritøkuni, Tað er bæði, tá ið tað snýr seg um vindeygu og hurðar, men nú kann fyritøkan eisini veita tænastur í sambandi við automatisku hurðarnar. Sum heild heldur stjorin, at fyritøkan er komin væl áleiðis við samanleggingini. - Tað er ein prosess sum tekur tíð og vit hava nakað vit allatíðina arbeiða við. Tað er eisini av stórum týdningi allatíðina at betra um samskifti og kunningina til hvørt einasta starvsfólk og áhaldandi arbeiða við starvs­fóka­ trivn­aðinum. Eitt stórt fet á rætta vegin var í august við navnabroytingini til GRANT bleiv veruleiki, sigur Kayst­ en Rasmussen, stjóri. TEKSTUR ÁRNI GREGERSEN MYNDIR ÁLVUR HARALDSEN