mánadagur 2. desember 2019síða 14

Mánadagur 2. desember 2019 · Nr. 139 14 Sosialurin Hugskot og viðmerkingar – send sms til 225000 Sjúrður Hildarson Hoydal Við tveimum framúr verju­av­ rikum settu Føroyameistararnir úr H71 bæði VÍF og KÍF upp á pláss hesa vikuna, og nú fjarar spenningurin um fremsta plássi í Okkaradeildini. Men spenningurin er ovurstórur um næstu plássini, har StÍF, Neistin og VÍF dystast framman­fyri KÍF. Neistin og VÍF spæla týs­ kvøldið, og tann dysturin av­gerð hvør liggur á øðrum plássi áðrenn vikuskiftið. Tá kann StÍF taka annað plássið aftur, men tá krevst ein sigur á suverena oddaliðnum, sum kemur á vitjan á Skála. StÍF hevur enn ikki tapt ein dyst á heimavølli hetta kappingarárið, og har valdar eitt ávíst bjartskygni á vestara armi á Skálafjørðinum. Hýrurin er av tí besta Tað er ein fegin Sveinur Justinus­sen, sum svarar, tá ið hann verður spurdur um lagi í felagnum. - Hýrurin er øgiliga góður. Har eru nakrir dystir, har vit eru dotnir ordiliga niður og tapa stórt ímóti H71 og Neista­num. Tað harmast vit eitt sindur um, men annars eru vit sera væl nøgdir við gongdina higartil, sigur Sveinur Justinussen, sum hevur verið stóra stjørnan á StÍF-liðnum seinastu nógvu árini. Eftir at hava verið forðaður av skaða so at siga alt farna kappingarár, er Sveinur Justinussen aftur á bakkinum í ár, har byrjanin hevur verið góð. Marius og Pauli tóku um endan - Vit vistu ikki ordiliga hvat vit skuldu vænta. Vit byrjaðu tíð­liga at venja, men vit høvdu fakt­iskt ongan venjara fyrr enn stutt áðrenn kappingin byrjaði, greiðir Sveinur frá, ið kundi síggja aðrar veteranar trakka til á bonkinum, tá ið Marius Joensen og Pauli G. Han­sen gjørdust venjarar. Og venj­ararnir hava havt nógv fólk at taka av. Breiddin er stórur fyrimunur - Breiddin er nógv størri í ár, enn hon hevur verið í fleiri ár og vit kunnu skifta út uttan at liðið viknar nakað serligt. Tað er ein øgiligur fyrimunur, og vit sleppa at hvíla okkum við­ hvørt. Tað er ein stórur munur í mun til undanfarnu árini, sigur Sveinur. Henda breiddin kemur eisini frá ungum leikrarum, sum hava tikið stóra ábyrgd í ár, og Svein­ ur Justinussen er ikki í iva um at tað ger munin. Fleiri ungir á veg - Nú eru vit úti á bygd, so tað er eitt sindur ymiskt hvus­ su nógvar leikarar vit hava í hvørjum árgangi, men eg haldi eisini vit hava nakr­ar fínar leikarar á veg upp í ung­ dómsdeildunum, sig­ur Sveinur, sum tíðliga í undan­farna kappingarárið mátti gevast vegna skaða. Í ár er hann aftur, men hevur hildið eitt sindur aftur við eyðkendu dundur­ skotunum av vinstra bakki. Tað sæst eisini aftur á topp­ skjúttalistanum, har bakkurin vanliga skoraði meginpartin av málunum hjá StÍF. Tað hongur eisini saman við nýggja bygnaðinum og leiklutunum á liðnum. Byrjaðu tíðliga at venja - Eg eri ikki ordiliga 100%, men tað gongur fínt, og tað er deiligt at vera við, brosar Sveinur . Hann hevur heldur ongar trupulleikar av ferðini, ið hevur eyðkent StÍF í ár. Henda ferðin hevur verið avgerandi lykilin til ta ørgrynnu av málum, ið strandingar skora, og tað hevur kravt harða venjing at kunna spæla soleiðis. - Vit byrjaðu at venja langt áðrenn kappingina, greiðir Svein­ur frá og leggur afturat, at tað fyri tað mesta var orku­ venjing. - Tað hevur heilt vist givið úrslit teir fyrstu dystirnar í kappingini, og vit hava eisini nógvar leikarar, sum leggja nógv í styrkivenjing. Tað sæst aftur, og tað njóta vit væl av í løtuni, sigur StÍF-ímyndin. Leikluturin passar fínt Seinastu dystirnar hevur stór­skjúttin havt leiklutin sum spælskipari, meðan Pæt­ ur Johansen hevur verið burtur­staddur. Samstundis berir Sveinur stóra ábyrgd í verju­ni og ikki minst í skjót­ álop­unum, har hann oftast hevur ábyrgdina av at senda bóltarnar til teir, sum eru fyrstir fram. - Tað passar mær fínt. Og eg sleppi undan at rennan allan vegin fram hvørja ferð kanska – Tað er gott tá ið tú ert 36 ár, flennir Sveinur. Sveinur vil spæla finalur Spurdur um tað er trupult at fylgja við hesum 19-20 ára gomlu, tá ið teir fara spelandi í skjót­álop eftir skjótálop, svarar Svein­ur uttan at blunka. - Tað er einki problem, sigur hann, og greiðir frá sínum vónum um heiðursmerki. - Sum tað sær út nú, so skulu vit í øllum førum røkka topp-4, og eg haldi als ikki tað er ómøguligt at koma í onkra finalu. Alt kann sjálv­andi henda, men vit skulu í øllum førum vera uppi ímóti final­ unum, sigur Sveinur Justinus­ sen, ið komandi s u n n u d a g i n skal royna at basa oddaliðnum, H71, sum kemur á vitjan á Skála. HONDBÓLTUR H71 sló eitt stórt hol millum seg og hini í Okkaradeildini, tá ið H71-verjan basti bæði VÍF og KÍF í vikuni. Longu týsdagin dystast Neistin og VÍF um næstu plássini í deildini, meðan H71 bjóðar skjótu StÍF- leikararnar av á Skála. Vit hava hitt StÍF- ímyndina, Svein Justinussen til eitt prát KUNNU STRANDINGAR KUNNU STRANDINGAR STEÐGA H71 Á SKÁLA? STEÐGA H71 Á SKÁLA?