mánadagur 9. desember 2019síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 9. desember · Nr. 142 TÍÐINDI P/F Poul Hansen virðilig fyrimynd Tað var fyritøkan P/F Poul Hansen, sum fríggjadagin varð vald til virðiliga fyrimynd hjá Dugna. Fyritøkan samstarvar við Dugna um endurnýtslu, millum annað við frukt- og grønmetisnetum. Fyritøkan hevur eisini fólk við skerdum førleikum í starvi Frants Jensen frants@sosialurin.fo Á hvørjum ári heiðrar Dugni eina virðiliga fyrimynd við fyrstu kærleiks­ kúluni 2019. Talan kann bæði vera um onkr­an einstakling, verkætlan ella fyri­ tøku. Ása Olsen, stýrisforkvinna í Dugna, handaði fríggjadagin Høgna Hansen, stjóra á P/F Poul Hansen, kær­leiks­kúl­ una. – Vit eru P/F Poul Hansen sera takksom fyri fyri allar arbeiðs­møgu­ leik­arnar og uppgávurnar, tey geva Dugna og málbólkinum hjá Dugna, gjøgn­um samstarv og verkætlaninir. Tey eru fyrimyndarlig at samstarva við, segði Ása Olsen. Til gagn fyri okkum og Dugna – Tað er ein sera stórur heiður fyri okk­ um, at taka ímóti kærleikskúluni 2019. Vit takka hjartaliga. Fyri fýra árum síðani settu vit okkum fyri at fáa eina hugburðsbroyting, tá ið ræður um at minka um matoysl og plastnýtslu. Sam­an við Dugna hava vit gjørt nøkur átøk innan hesi øki. Nøkur átøk eru komin í gongd, og komandi tíð fara fleiri at síggja dagsins ljós. Tað er til gagns bæði fyri okkum og fyri Dugna, segði Høgni Hansen. Frukt- og grønmetisnet Eitt av átøkunum, sum nú fer í gongd, er eitt bundið frukt- og grønmetisnet. Tað er Dugni, ið hevur faldað ein posa burturúr tilboðsbløðum hjá Á-handlunum. Hetta eru tey bløðini, ið leypa av í handlunum og frá Posta. Restir av einum noða fara niðurí og uppskrift uppá tvey ymisk berinet. Til ber at keypa hetta úti í Á-handlunum, og so kann ein binda sær sítt egna frukt- og grønmetisnet. Dugni fær fleiri noður ella restir inn, og fyritøkan eggjar fólki at binda sjálvi. Tað er endurnýtsla allanvegin ígjøgn­ um. Í netunum er pláss fyri minst átta fruktum, og ein stór mellón passar eisini í. Jólastjørnur úr tilboðsbløðum P/F Poul Hansen hevur eisini gjørt eitt átak at endurnýta tilboðsbløðini sum jólapynt. Tey hava sett klippistrikur í tilboðsbløðini, sum koma út í øll heim í landinum, umframt leiðbeining. So ber til hjá fólki at klippa út og leggja saman og gera jólastjørnur. Vísa sosial atlit – Vit hava í fleiri ár havt fólk við skerd­ um førleikum í starvi. Bæði í okkara handlum kring landið og á heilsøluni. Tað er ein partur av virkisætlanini hjá okkum eisini at vísa sosial atlit, sigur Høgni Hansen. Tilsamans eru umleið 200 fólk í starvi hjá Poul Hansen og handlunum hjá fyritøkuni kring landið. Ása Olsen, stýrisforkvinna í Dugna, handar Høgna Hansen, stjóra á P/F Poul Hansen, kærleikskúluna 2019 Mynd: Álvur Haraldsen