mánadagur 9. desember 2019síða 4

4 Sosialurin Hugskot og viðmerkingar – send sms til 225000 Mánadagur 9. desember · Nr. 142 TÍÐINDI Rannvá Kunoy við litfagrari kærleikskúlu Tað er Rannvá Kunoy, listakvinna, sum hevur gjørt kærleikskúluna hjá Dugna í ár. Tað er 11. ferð, at Dugni gevur út kærleikskúluna Frants Jensen frants@sosialurin.fo Hátíðarløta var í Steinprent í Havn fríggjadagin, tá ið kærleikskúlan 2019 varð avdúkað. Hedvig Johansdóttir, stjóri á Dugna, bjóðaði vælkomin og Elsebeth Mer­ced­ is Gunnleygsdóttur,  landsstýriskvinna við Almannamálum, flutti fram røðu. Ása Olsen, stýrisforkvinna í Dugna, kunngjørdi, at Rannvá Kunoy hevði gjørt kærleikskúluna í ár. Serlig teknisk loysn – Dugni setti seg í samband við meg og spurdi, um eg kundi gera kærleikskúlu nummar 11. Eg segði, at eg mátti fyrst kanna, um eg tekniskt kundi finna eina loysn, hvussu eg kundi fáa tað frá eini tveyvíddari flatu yvir á eina trývídda flatu. Tað er stórur munur á hesum, og krevur eisini nógv tekniskt. Tá ið eg fann eina tekniska loysn, segði eg ja, sig­ur Rannvá Kunoy. Kærleikskúlan er framleidd á eini glasverksmiðju í Týsklandi. – Eg havi verið glað at samstarva við Dugna. Tey hava verið professionell, og vit hava tí fingið góða góðsku á kær­ leikskúluna, sigur Rannvá Kunoy. Serligur stílur við litspæli Rannvá Kunoy hevur sín egna stíl. Tá ið hugt verður eftir einum málning hjá henni, so kann liturin skifta í mun til, hvar ljósið lýsir á. Á tann hátt kanst tú bæði síggja lilla, grønt, ljósareytt, blátt, gult og aðrar litir. – Eg havi nýtt 10 ár at menna mín stíl, og tað er hesin stílurin, ið er komin yvir á kúluna. Hetta er ein stílur, har eg havi ment eitt penslastrok, ið er mítt, har avbjóðingin er at fáa markið at sita á flatuni. Tekniskt havi eg eisini funnið út av litevnum, sum skyggja ljós og sum broyta lit, tá ið tú gongur rundan um verkið, sigur Rannvá Kunoy. Stóri málningurin hjá henni, sum er at síggja í Steinprent í Havn, er fyri­ mynd til kærleikskúluna. Málming­ur­in er 4 metrar breiður. – Eg arbeiði vanliga sera stórt. Tað er nógv arbeiði í einum so stórum máln­ ingi, sigur Rannvá Kunoy. Sýnir fram í USA Rannvá Kunoy býr í London, har hon starvast sum listafólk. Hon læs á Royal Collage, og síðani 2001 hevur hon búð í London. Hon arbeiðið við verkætlanum og sýnir fram ymsastaðni kring heimin. Í løtuni hevur hon eina framsýning í Miami í USA. – Eg havi eina framsýning á eini lista­stevnu har. Tann framsýningin lat upp 3. desember. Har fái eg ikki verið við nú. Eg kom heldur til Føroya. Men eg fari at hava eina aðra framsýning í New York næsta ár, og tá fari eg til USA, sigur Rannvá Kunoy. Altjóða tiltak Kærleikskúlan er eitt serligt listarligt átak, har Dugni saman umboðum fyri Listasavn Føroya og landsstýrisfólkið við mentamálum útvelur eitt av føroya mætastu listafólkum til at sniðgeva kúluna. – Vit vilja takka Listasavninum og Mentamálaráðnum fyri samstarv og fyri at vera við til at geva føroyska átak­inum av The Global Good World tign, segði Hedvig Johansdóttir, stjóri á Dugna. Tað eru starvsfólk á verkstaðnum hjá Dugna á Kambsdali, ið hava pakkað kær­leikskúlurnar í snotiligu eskjurnar saman við faldara. Rannvá Kunoy, listakvinna, við kærleikskúluni 2019 Mynd: Álvur Haraldsen Hedvig Johansdóttir, stjóri á Dugna Mynd: Álvur Haraldsen