mánadagur 9. desember 2019síða 23

23 Mánadagur 6. januar 2014 · Nr. 2 Sosialurin Mánadagur 9. desember 2019 · Nr. 142 Hugskot og viðmerkingar – send sms til 225000 KLUMMAN Tróndur sigur sína hugsan... Fríggjadagin kom fram, at Øygarden FK hevur boðið Mikkjali Thomassen, venjara hjá KÍ, starvið sum venjari. Øygarden FK er eitt nýtt felagslið, sum komandi kappingarár skal spæla í næstbestu deildini í Norra. Talan er um eitt felag, sum er ein samanseting av Nordre Fjell, Sund SK, Skogsvåg IL, Telavåg IL, Skjergard IL og Nest-Sotra. Nýggja felagsliðið tekur yvir plássið hjá Nest-Sotra í næstbestu deildini. Tað er ikki oftari enn so, at ein føroyskur venjari verður settur í samband við eitt útlendskt í felag. Bárður Bendix Mikkelsen hevur gjørt nógv um seg í donskum flogbólti, meðan eitt nú Ingi Olsen hevur gjørt um seg sum landsliðsvenjari hjá Grønlandi í hondbólti. Í fótbóltinum eiga vit nakar venjarar, sum hava verið hjá yngri liðum í eitt nú Danmark, meðan Kurt Mørkøre og Kári Reynheim hava verið í lægri deildunum í Norra. Jens Martin Knudsen var eitt skifti spælandi venjari í bestu deildini í Íslandi. Tað var í felagnum Leiftur, sum stutt seinni bleiv avtikið. Fyri nøkrum árum síðani bleiv eitt venjarafelag sett á stovn fyri føroyskar fótbóltsvenjarar. Eitt av høvðusmálunum er at tryggja rættindini hjá einum fótbóltsvenjara. Í løtuni eru at kalla ongi minsta krøv til ein sáttmála millum einum venjara og eitt felag. Tað er heldur ikki óvanligt, at ein venjari verður koyrdur. Tí er treytirnar harðar fyri ein venjara í føroyskum fótbólti. Tað eru fáir føroyskir venjarar, sum kunnu liva av lønini teir fáa fyri sítt venjarastarv, sum aftur er eitt viðbrekið strav, ið kann rúka í somu løtu nevndin í felagnum metir at tað er tað rætta. Ein kann gita seg til, at treytirnar og ótryggleikin er ein orsøk til so fáir venjarar í Føroyum satsa fult og heilt upp á venjarastarvið. Av tí sama, so menna vit heldur ikki yrkisvenjarar, sum vekja áhuga uttanlands. Skuldi tað hent, at Mikkjal Thomassen tekur av starvinum í Øygarden, so er tað eitt nýtt fyribrygdi vit hava í Føroyum. Føroyskir fótbóltsvenjarar sum útisetar. Bara áhugin frá Øygarden er eisini ein áminning um, at yrkisdreymurin sum venjari ber eisini til í Føroyum. ÍtróttarSosialurin gjørdi fyri áleið trimum árum síðani eina greinarøð um spælarameinning í føroyskum fótbólti. Her bleiv millum annað víst á, at føroysk felag eru ov skiftandi við at hava ungdómsvenjarastørv. Av tí saman menna vit ikki eina venjaramentan, har venjarar kunnu kenna seg meiri tryggar við at satsa upp á eitt yrki sum venjari. Ikki bara høvðusvenjari, men eisini sum ungdómsvenjari. Við betri venjarum fáa vit eisini betri spælarar, og harvið eitt betri grundarlag fyri einum betri landsliði! trondur@sosialurin.fo Tróndur Arge Tveir av føroysku fótbólts­úti­ set­unum hava verið í dysti um vikuskiftið. Jóan Símun Ed­ mundsson skoraði til 2-2 í yvirtíðini móti Karlsruher SC og Hallur Hansson bleiv skaddur í fyrra hálvleiki í dysti móti Hobro. Arminia Bielefeld er framvegis á odda í 2. Bundesliguni, sum er næst­besta deildin í Týsklandi. Jóan Símun Edmundsson kom inn móti dystarenda at bjarga Arminia Bielefeld, sum var aftanfyri 1-0 á heimavølli. Føroyski landsliðsspælarin hevur ikki spælt eins nógv sein­ astu tíðina, sum hann gjørdi við kapp­ingarbyrjan, men seinastu dystir­nir hevur hann verið nakað á vølli­num. Hesa ferð gekk illa uttan før­oyska íslettið á vøllinum, men tað kom ferð á álopsspælið, tá hann kom á vøllin í 79. minutti. Fyrst javnaði Fabian Klos upp á brotsspark og síðani fekk Jóan Símun Edmundsson gult kort. Eftir 92 minuttir skoraðu gestirnir úr Karlsruher til 2-1, áðrenn føroyski landsliðsspælarin traðkaði til. Talan er um eitt framúr flott mál. Frá brotsteigarmarkinum medd­aði hann bóltin í handara mál­horn, har bólturin brast í net­ takið. Javnleikurin er ikki tað besta úrslitið, men tað betrar um støðuna hjá Arminia Bielefeld, tí kapp­ingarneytarnir út Hamburg SV taptu 1-0 á heimavølli móti FC Heiden­heim 1846. Júst FC Heidenheim hevur bland­að seg upp í upp­flyting­ar­ stríðið saman við Arminia Biele­ feld, Hamburg SV og VfB Stuttgart. Arminia Bielefeld hevur 33 stig á fyrsta plássi og Hamburg SV hevur 29 stig á øðrum plássi. Síðani koma VfB Stuttgart og FC Heidenheim við 26 stigum. Stuttgart spælir í kvøld móti 1. FC Nürnberg. Hallur skaddur Hallur Hansson mátti av vøllinum við skaða í fyrra hálvleiki í dystinum millum AC Horsens og Hobro. Føroyski miðvallarin fór í ein tvídyst og brast saman við ein spælara á mótstøðuliðnum. Hjálpar­venjarin segði við TV3+, at Hallur fekk eitt trælær og mátti lata seg skifta út. Hallur Hansson er júst komin fyri seg, eftir at hann breyt hond­ ina í landsdystinum móti Malta á Tórsvølli. Higartil sær ikki út til, at skaðin er álvarsamur. Dysturin millum Hobro og AC Horsens endaði við javnleiki 0-0. Mikkjal nýggjur millum útisetarnar? Fríggjadagin stóð at lesa í Bergensavisen, at Øygarden, sum frá komandi kappingarári spælir í næstbestu dieldini í Norra, vil hava venjaran hjá KÍ, Mikkjal K. Thomas­sen, sum venjara. Tað váttaði høvðuspersónurin sjálvur í Fót­bólts­panelinum, sum er send­ ing á FM1. - Tað er rætt, at teir hava boðið mær starvið. Tað er eitt ambitiøst felag, sum ætlar sær at flyta upp. Tað er eitt felag, sum eisini roynir at skapa eitt sterkt fundament við stuðlum og kommununi, sum telur 40 túsund fólk, sigur Mikkjal Thomas­sen, sum tó hevur sáttmála við KÍ í eitt ár afturat. - Tað er altíð stuttligt at fáa eitt herðaklapp og fyrispuringar frá øðrum feløgum, men eg havi eitt ár eftir í Klaksvík. Tá nærkast tað tíðspunktið, tá tú skal skiljast. Eg havi verið í sambandi við nevndina í KÍ og teir eru væl vitandi um støðu­na. Vit hyggja nú eftir, um hetta er tíðspunktið at siga, at vit náddu tí, sum vit ætlaðu. Ella um projektið í Klaksvík ber í nøkur ár afturat, sigur Mikkjal Thomassen. Øygarden er eitt nýtt felagslið. Talan er um eitt felag, sum er ein samanseting av Nordre Fjell, Sund SK, Skogsvåg IL, Telavåg IL, Skjergard IL og Nest-Sotra. Øy­ garden liggur heilt stutt sunnan­ fyri Bergen. trondur@sosialurin.fo JÓAN SÍMUN BJARGAÐI BIELEFELD Føroyski venjarin Jóan Símun skorði í yvirtíðini, tá Arminia Bielefeld økti um leiðsluna í oddinum í 2. Bundesliguni. Hallur Hansson fór av vøllinum skaddur, tá AC Horsens spældi málleysan javnleik Útisetar: