hósdagur 12. desember 2019síða 4

FRÍGGJADAGUR 13. DESEMBER 2019 SOSIALURIN 144 4 Vikan ið fór Sæð á Facebook: Sæð á Facebook: Bank Nordik hevur sagt 10 fólk úr starvi. 400 størv eru í bankanum, men 25 ársverk verða spard burtur. Rentan er blivin negativ Nú fara allir nýføðingar í Tvøroyrar Kommunu at fáa eina gávu frá kommununi, og talan verður um eina bók, ein faldara og eitt kort Tað kemur so nógv rusk inn, at Kommunala Brennistøðin á Hjalla í Havn má senda rusk av landinum at brenna. Umleið 1000 tons av ruski verður sent til Danmarkar Í September mánað í ár vóru 27.850 løntakarar í Føroyum, og tað eru knappliga 900 løntakarar fleiri enn tað vóru fyri einum ári síðani, ella í september í fjør. 16 ára gamla Greta Thunberg er vald til ársins persón av tíðarritinum Time. Veðurlagsaktivisturin er tann yngsta, sum nakrantíð fær hendan heiður Mánamorgunin vaknaðu nógv havnarfólk upp til tað bera myrkur, tí streymurin var farin í øllum meginøkinum. Tað var eitt brek í eini støð á Glaðsheyggi, sum elvdi til trupulleikan Hótta MEST NÝTTA ORÐIÐ HESA VIKUNA ...uppá ein minutt Útvið 1200 nýggjar búeindir eru í gerð í Havn, sum verða gjørdar fram til 2022 1200 1200 Sprotin: hótta hótti el. -aði s9/30 noyða (e-n til e-t) við hørðum ágangi el. ræðingum, lova ilt, trúga Danska avísin Berlinske avdúkaði í vikuni, at kinesiski sendiharrin í Danmark hevur hótt við, at um føroyingar ikki samstarva við Huawei um 5G, so kunnu vit gloyma alt um ein fríhandilssáttmála við Kina. Hesum vísir sendiharrin Feng Tie aftur, og løgmaður sigur, at hann ikki hevur følt seg hóttan. Tíðindini hava ferðast um allan heim "Huawei skal nú sponsorera tónleikafestivalin í Gøtu sum skiftir navn til 5G Festivalurin" "Hvat er tað ikki deiligt, tá streymurin fer. Tá fær man veruliga høvi til at hugna sær uttan internet og annað forstýrilsi" Seinastu árini hava vit gjørt nógv fyri at marknaðarført Føroyar – kanska fyrst og fremst sum ferðamannaland. Tað er eisini eydnast rímuliga væl, tí talið av útlendskum ferðafólki, sum leita hendanvegin er vaksandi. Vit siga eisini, at tað er ymiskt, sum ger, at útlendingar hoyra um Føroyar. Ítróttarúrslit er ein góður máti til at gera Føroyar kendar, men nú hendir okkurt annað. Ein fundur millum umboð fyri landstýrið og kinversku stjórnina og so ein tendrað mikrofon hjá Kringvarpinum, hevur av álvara gjørt lítla landið í Norðuratlantshavi kent á altjóða politiska pallinum. Heilt víst vita vit ikki, hvat var sagt á hesum fundi, men sum skilst hevur tosað verið um samskiftistøkni og føroyskan laksaútflutning. Í hvussu so er hava føroysku mynduleikarnir mett hetta prát so álvarsligt, at teir fingu fútarættin at seta fútabann fyri, at KvF, sum hevði eina frágreiðing um fundin á bandi, at bera tíðindini um, hvat var sagt á fundinum. Ája! Veit væl, at fundir verða hildnir, har tað ongantíð er ætlanin, at almenningurin skal hava kunning um, hvat er sagt á hesum fundum. Í summum førum er hetta eisini ein máti at arbeiða uppá og tá talan er um viðurskifti við fremmand lond, er ofta neyðugt at tosa saman, uttan at onnur fáa innlit í hvat hendir. Í hesum føri var ætlanin heldur ikki, at almenningurin skuldi frætta um, hvat tosað var um. Spurningurin er bara, hvat ein ger, tá ið skriðan er lopin. Er tað rætt tá framvegis at halda fast um, at upplýsingarnar eru loyniligar, ella er tá lættast at leggja kortini á borðið? Havi sjálvur ikki endaliga svarið, men mátin, sum er brúktur hesaferð hevur bara gjørt áhugan fyri nevnda fundi og hvat var sagt har, mundandi størri. Ikki bert í Føroyum, men eisini aðrastaðni. Danskir miðlar eru konir higar at gera burtur úr, at lítla tjóðin er hótt av umboðssmanninum fyri heimsins størstu tjóð Hetta er stórtíðindi – eisini uttanfyri ríkisfelagsskapin. Ája! Útflutningurin av okkara laksi hevur alstóran týdning fyri okkum. Harafturat skulu vit muinnast til, at alt samskiftis inframkervið longu byggir á kinverska tøkni. Kravið er, at nýggja landsstýrið ger sum frægast. Veit bara, at tá ið ein verður hóttur er tað býttasta at gera, ikki at kuna um tað. Tað ger vanliga, at virkningurin av hóttanini fellur burtur. Tað er lætt at sita við eina teldu og siga, hvussu onnur skulu sleppa sær úr knípum, men ábyrgdin er stór, tá ið ein hevur bjóðað seg fram at stýra einum heilum landi So góða eydnu v i ð h e s u m málinum. Ája! Árni Gregersen, journalistur, skrivar Ája! Visti tú? At Oyrasundskollegiið, har nógvir føroyingar búgva, í august 2020 verður til almennar ungdómsíbúðir, og at húsaleigan veksur við 21,3 prosentum? FRÍGGJADAGIN Gul til stívt andøvsgul av norði, 5 til 10 m/s. Seinni stívt andøvsgul upp í ein strúk, 8 til 13 m/s. Okkurt æl og kanska kavi. Hitin millum frostmarkið og 4 stig. LEYGARDAGIN Andøvsgul upp í ein strúk av norði, 8 til 13 m/s. Skýggjað og kavi, seinni regn. Hitin um frostmarkið, seinni upp í 5 stig. SUNNUDAGIN Andøvsgul upp í ein strúk av landnyrðingi, 8 til 13 m/s. Yvirhø- vur skýggjað og regn. Hitin alt samdøgrið millum 2 og 6 stig. 8-13 m/s 8-13 m/s 5-10 m/s