mánadagur 16. desember 2019síða 4

4 Sosialurin Hugskot og viðmerkingar – send sms til 225000 Mánadagur 16. desember · Nr. 145 TÍÐINDI Avgerandi dagur fyri rættindini at sleppa framat fiskirættindum Vinnunevndin hjá Løgtinginum hevur dagin í dag eftir at arbeiða í og skriva álit til broytingarnar í lógini um fyrisiting av sjófeingi Árni Gregersen Ætlanin hjá sitandi samgongu er at gera stórar broytingar í lógini um fyri­ siting av sjófeingi. Uppskotini eru løgd fram, 1. viðgerð hevur verið og vinnunevndin hjá Løg­ tinginum hevur viðgjørt uppskotini hendan seinasta mánaðin. Nevndin vildi fegin havt nakrar dagar afturat at viðgera broytingarnar og spurdi ting­ formannin um eina longda freist, men fekk nei og skal tí avlevera álit um upp­ skotini í dag. Tað verður tí eftir øllum at døma ein sera langdur dagur í vinnunevndini. Vinnu­nevndin hevur sent lands­stýris­ mann­inum við fiskivinnumálum, Jac­ ob Vestergaard, 17 skrivligar spurn­ing­ ar við nógvum undirspurningum, sum landsstýrismaðurin skal svara uppá í dag. Uppskotini til broytingar í lógini hava so stórar broytingar við sær, at lóg­in í stóran mun fer at verða rokna, sum ein nýggj lóg. Grundleggjandi í lógarbroytingun­ um er, at loyvini verða longd til 12 ára rull­andi loyvir, at menningarkvoturnar, sum vóru latnar sum trý- ella átta-ára loyvir, nú verða gjørdar til eginkvotur, tá ið gildistíðin annars er úti. Harumframt verður tað sum eitur anti-trust broytt. Greið ósemja Tað er grundleggjandi ósemja millum fráfarnu samgongu, sum gjørdi gald­ andi lóg um fyrisiting av sjófeingi, og sam­gonguna, sum tók við eftir valið 31. august. Í seinasta valskeiðið fór størsti part­ urin av politiska arbeiðnum við at fáa gjørt eina nýggja fiskivinnulóg, sum altso nú eitur lógin um fyrisiting av sjófeingi. Størsta beinleiðis ósemjan var um uppboðssøluna av fiskirættindunum. Fyrrverandi samgongan vildi hava hesa uppboðssølu, so onnur enn tey, sum longu eru partur av fiskivinnuni, kunnu sleppa framat hesum rættind­ um. Hetta heldur sitandi samgongan ikki er ein skilagóð loysn. Hon heldur, at tey sum longu eru í vinnuni, skulu hava síni rættindi í frið. Í grundgevingunum vísir hon á, at onnur altíð kunnu keypa seg inn í vinnuna og gevur í broyt­ing­ ar­uppskotunum vinnuni loyvi at selja fiski­rættindini sínamillum. Sitandi samgonga hevði fund um fiski­vinnuskipanina í farnu viku og har var so at siga semja um tey flestu broyt­ingaruppskotini. Eitt av málunum, sum hevur verið frammi, er, hvussu vinningurin av søl­ uni av fiskirættindum skal skattast. Ávís tingfólk í samgonguni halda, at hetta mál skal loysast áðrenn øll broyt­ ingaruppskotini verða samtykt. Endaliga er hetta ikki komið uppá pláss, tí millum annað gongur tíðin und­an í løtuni, til eisini at gera broyt­ ing­ar í skattalógini áðrenn hetta árið er farið. Tí er ein møguleiki helst at seta í lógina ella eina kunngerð frá lands­ stýris­manninum, at ongi fiskirættindi kunnu seljast innanhýsis í fiskivinnuni, fyrr enn skattalógin er broytt á hesum øki. Tíðin gongur undan Meningin er, at broyutigarnar í lógini um fyrisiting av sjófeingi fra at virka longu 1.januar 2020. - Sjálv haldi eg, at hetta er at leggja ov stórt trýst á. Vit kunnu áseta fiski­ dag­arnar fyri komandi ár og so brúka tveir mánaðir afturat at viðgera broyt­ ingaruppskotini og fáa neyðuga vitan, sigur Bjørt Samuelsen, sum er for­ kvinna í vinnunevndini. Eins og í farn valskeiði, so er tað and­støð­an í tinginum, sum situr við meir­lut­anum í vinnunevndini. Roynir meirlutin at draga tíðina úr, so kann tingið – tá ið ein mánaður er farin – avgera, at nevndir skulu lata ting­inum álit. Minnilutin í nevndini er farin undir at skriva álit, meðan meirlutin neyvan skrivar álit fyrr enn tey hava viðgjørt svar frá landsstýrismanninum á fund­ in­um í dag. So greitt er eisini, at hetta er ein bein­leiðis dystur millum andstøðu og sam­gongu – eins og í undanfarna val­ skeiði. Samstundis sum nógv er at gera í vinnunevndini í løtuni, so arbeiðir fíggj­arnevndin eisini undir stórum tíðar­trýsti. Fíggjarlógin fyri 2020 skal sam­tykkjast í seinasta lagi 31.desember. Fyri hon skal hanga saman, skulu eis­ini veiðugjldini hjá fiskivinnuni áset­ast. Bjørt Samuelsen, Tjóðveldi, er forkvinna í vinnunevndini. Jacob Vestergaard, Fólkaflokkurin, er landsstýrismaður við fiskivinnumálum. Stórur spurningur er altíð um hvør skal sleppa framat uppsjóvarfiskinum