týsdagur 17. desember 2019síða 48

Mikudagur 18. desember 2019 · Nr. 146 16 Sosialurin JÓL Í FØROYUM Vilmund Jacobsen Hvørji mál ert tú serliga fegin um, at sitandi bygdaráð higartil hevur framt? - Vit hava fingið avgreitt fleiri mál og mill­um tey mál, eg eri serliga fegin um, er eitt nú íbúðarbygningarnir á Kneysum, sum eru reistir í heyst. Talan hevur verið um drúgt fyrireikingararbeiði og samráðingararbeiðið við Bústaðir hjá bæði undanfarna og núverandi bygda­ ráði. Jóhannus Danielsen vísir á, at pierurin er longdur 90 metrum, og hetta er í fyrsta lagi gjørt við tunnilsgróti. Talan var um eina stóra verkætlan hjá Nes kommunu, sum gekk sera væl. Arbeiðið varð gjøgnumført sum ætlað - til tíðina og til mettan kostnað. - Vestursíðan á 1981-bygninginum í Tofta skúla hevur fingið nýggjan klædn­ing, nýggja bjálving og vindeygu. Hetta hevur verið tiltrongt í nógv ár, og tí er gleðiligt, at vit endiliga hava fingið gjørt hesa íløgu. Borgarstjórin sigur, at 250 metrar av Agnavegnum eru gjørd, og hetta hevur verið eitt ynski hjá kommununi í nógv ár. - Men, Landsverk átti hetta vega­ strekk­ið og einki hendi. Kommunan yvir­tók vegin í undanfarna valskeiði, og nú er vegurin longu dagførdur, sigur hann. Bygdasøgan savnað Jóhannus Danielsen fegnast eisini um, at kommunan hevur fingið savnað bygda­søguna, har 2. bind kom í 2017 og 3. bindið í 2018. - Í nógv Harrans ár hevur verið tosað um at fáa skrivað eina bygdasøgu fyri bygdir­nar í Nes kommunu. Undanfarna bygdaráð tók avgerð um, at kommunan skulu fara undir at útgeva søguna. Helgi Jacob­sen, rithøvudur, skrivaði bind 1-2, og Torleif Hansen skrivaði bind 3, sum er ættarbindið. Jóhannus Danielsen vísir á, at í 2019 hava KBH og Sandgrevstur bygt tveir stór­ar vinnubygningar á havnalagnum, og Nes kommuna hevur í báðum førum gjørt lendið byggibúgvið. - Fyri stuttum byrjaði eisini byggi­ bún­ingararbeiðið undir Høganesi. Her var í sínari tíð ein ætlan, nevnd Høga­ nes­ætlanin, og nú verður endiliga møgu­ligt at seta búgv á hesum øki. Borgarstjórin fegnast um, at fólka­ talið í Nes kommunu veksur, og hetta krevur so eisini meira pláss á barna­ ansing­arhølum. - Í ár eru vit byrjaði at byggja upp í verandi frítíðarskúla, sum eisini verður barna­garðsstova. Bygningurin fer at standa liðugur um eitt ár. Jóhannus Danielsen vísir eisini á samtyktina hjá bygdaráðnum um, at øll ung millum 6 og 18 ár fáa eitt frí­tíðar­ kort í 2020, sum kann brúkast til lima­ gjald til ymiskt frítíðarítriv. - Hetta er ein royndarskipan í 2020, og spennandi verður at síggja, hvussu skipanin kemur at virka, sigur hann. Nógv at tríva í Hvat fer at henda í tíðini, sum er eftir av hesum valskeiði? - Í 2020 fara vit at arbeiða við at fáa veg og uttanumøkið við íbúðar­ bygg­ingina á Kneysum liðugt, so hetta verður klárt, tá tey fyrstu flyta inn, vón­ andi síðst í 2020. Eisini verður arbeitt við at fáa byggi­ búningina á Høganesi lidna. Borgarstjórin vísir á, at í 2020 verður byrjað upp á tveir íbúðarbygningar aftr­at beint oman fyri teir, sum standa í gerð í løtuni, og í hesum sambandi skal kommunan dagføra og breiðka Heygs­ vegin. Í tvey ár hevur Nes kommuna ar­ beitt við at dagføra svimjihøllina í Tofta skúla, og hann vónar, at hetta ar­beið­ið verður liðugt í 2020, tá sjálvur svimji­ hyl­urin stendur fyri tørni. Higartil er tøkni­rúm gjørt, og nýggj teknisk útgerð er sett upp. - Hildið verður eisini fram við at dagføra B68-húsið. Í fjør vórðu 1. hædd og loftið dagførd, og nú verður farið í holt við miðhæddina, sigur Jóhannus Daniel­sen. Onnur mál í 2020 Av øðrum tingum, sum Nes kommuna fer at arbeiða við í tíðini, sum er eftir av hesum valskeiði, er saman við hin­um kommununum í Roðanum at gera um­ støðurnar á Røktar-og Ellis­heimi­num í Runavík upp aftur betur. - Teir báðir køkarnir, sum eru á heimi­num, skulu gerast til ein køk, Heima­røktin flytir úr kjallaranum í Heilsu­deplinum og niðan á Røktar-og Elli­s­heimið, nýggj umsitingarhøli skulu gerast og svimjihylurin, sum ikki hevur verið brúktur í eini 10 ár, letur uppaftur. Jóhannus Danielsen sigur, at ætlanin hjá kommununi er eisini at halda fram við at útbyggja ídnaðarøkið við Rætt, sam­stundis sum ætlanin er at út­byggja og dagføra økið við bátahylin í Oyr­un­ um. - Peningur er settur av til eitt nú at fáa inn uppskot um, hvussu økið við bátahylin skal útbyggjast og dagførast, legg­ur borgarstjórin aftrat. Tá borgarstjórin verður spurdur, um nakað keðiligt hendi í 2019, sigur hann, at tað er í øllum førum ikki nakað, hann hevur hugsað nakað serligt um. - Eg dvalist tíbetur ikki leingi við keðiligu hendingarnar, sigur hann. Giftur í 25 ár Og hvat var tað besta? - 2019 hevur verið eitt fantastiskt ár, sum skjótt er liðið, og eg havi sera nógv og góð minnir at líta aftur á. Jóhannus Danielsen heldur, at mill­ um bestu minnini eru, at hann og kon­ an, Guðny, í árinum høvdu verið gift í 25 ár. - Í summar vóru vit saman við okkara børnum í feriu í stívliga 14 dagar. Vit vóru eina viku á Oyggjaleikum á Gibralt­ ar og eina viku í Spania. Hetta vóru ógloymandi dagar saman við okkara kærastu. Tað var eisini eitt stórt upp­ livilsi og heilt fantastiska stuttligt at upp­liva Oyggjarleikirnar og hava høvi at heppa á okkara røsku ítróttarfólk, sum umboða Føroyar so væl. Hann sigur, at sjálvur brúd­leyps­ dag­ur­in var ógloymandi við nógvum fólk­um, sum óvæntað komu á gátt um morgun­in - og so veitslan um kvøldið. - Ein onnur minnilig hending í ári­ num var, tá eg var við til at skjóta sein­asta skotið í Eysturoyartunlinum í Rókini, og nú gleða vit okkum, til tað verður koyrandi gjøgnum tunnilin um eitt ár, sigur Jóhannus Danielsen. Halda jól heima Hvar og hvussu fer borgarstjórin at halda jól í ár? - Eins og vanligt verða jólini hildin heima, og vit eru eisini nógv saman við okk­ara nærmastu jóladagarnar. Tað er av­gerandi, at vit minna hvønn annan á, hví vit halda jól, og kirkjugongd er ein heilt náttúrligur partur av jóla­haldi­ num. At enda ynskir borgarstjórin í Nes kom­munu øllum eini gleðilig jól og eitt av Harranum signað nýggjár. 2019 HEVUR VERIÐ EITT FANTASTISKT ÁR - Tað er avgerandi, at vit minna hvønn annan á, hví vit halda jól, sigur borgarstjórin í Nes kommunu, Jóhannus Danielsen, sum í 2019 hevur verið giftur við Guðny í 25 ár - Vit í Nes kommunu ynskja øllum eini gleðilig jól og signað nýggjár, sigur borgarstjórin Pierurin á Toftum er longdur við 90 metrum, og hetta er í fyrsta lagi gjørt við tunnilsgróti