hósdagur 2. januar 2020síða 24

FRÍGGJADAGUR 3. JANUAR 2020 SOSIALURIN 1 Hugskot og viðmerkingar – send sms til 225000 24 Erhard Mortensen, sum fylti 80 ár nýggj­árs­aftan, tænti Tórs­havnar komm­unu trúfast í meira enn 40 ár - fyrst í brenn­ingini í Havn­ar­dali og síðan á Sand­vík­ ar­hjalla. Mangur, sum er komin um hesar leiðir, hevur upp­livað hansara blíða og skemtiliga sinna­lag og hjálp­ semi VILMUND JACOBSEN MYNDIR: ALAN BROCKIE Seinnapartin týsdagin hin 31. des­ember - nýggjársaftan - helt Er­hard Mortensen 80 ára føð­ing­ ar­dag í felagshúsinum hjá Tórs­ havn­ar Bátafelag á Bryggju­ bakka 20 í Vágsbotni. Her varð nógv gjørt burtur úr við stór­um køldum borði - væl­ smurd­um breyði við føroyskum við­skera, turrum fiski, tvøsti, spiki og eplum, og her var góður roykt­ur laksur. Á borðinum var eisini stór føð­ing­ar­dagskaka, umframt fleiri aðrar góðar køkur, ið tú sum føð­ing­ar­dags­gestur kundi enda hugna­liga føðingardagin við. Tá tú komst í bátafelagshúsið, fekk tú dur­asnaps, og av lesk­ andi annars aftur við góða mati­ num fekk tú bæði sodavatn og øl. Tey vóru mong, sum nýttu høvi at heilsa Erhardi Mortensen á stóra degnum, og tað vóru eis­ ini fleiri, sum søgdu nøkur orð við høvið. Ein teirra var Sonne Smith, sum fortaldi frá einum degi, tá hann fyri mongum árum síðan hitti Er­hard Mortensen á gomlu brenni­støðini í Havnardali. Tá hevði hesin fryntligi og lítil­látni maður bjóðað Sonna Smith eina góða madrassu, sum hann hevði lagt til síðis. - Hetta var ein fín madrassa, sum hvørki luktaði av einum ella øðr­um, og eg brúkti hana í mong ár, segði Sonni Smith. Meðan undirritaði var inni á gólv­i­num í bátafelagshúsinum henda dagin, fortaldi eitt nú Mort­an Johannesen, Mortan hjá Andr­iasi, eisini søgur um stutt­ ligar hendingar. Erhard Mortensen tænti ann­ ars Tórshavnar kommunu trú­ fast í meira enn 40 ár - fyrst í brenn­ing­ini í Havnardali og síð­ an á Sand­víkarhjalla. Mangur, sum er kom­in um hesar leiðir, hevur ­upp­livað hansara blíða og skem­tiliga sinnalag og hjálpsemi. Erhard Mortensen er føddur í Trong­i­svági nýggjársaftan í 1939, og hó­ast hann nú er farin um tey átt­ati, ber hann aldurin sera væl. Tá hann var 15 ára gamal, flutti hann við familjuni til Havn­ar. Hann fór ikki í skúla, men beint til arbeiðis at landa salt­fisk­a­trolarar og arbeiða salt­ fisk á Bacalao. Sum ungur sigldi hann eisini í nøkur ár við skipum hjá Skipafelag Føroya, og hann ar­beiddi eisini fyri felagið á brygg­j­uni. Í nøkur ár arbeiddi Erhard Mor­t­en­sen hjá vaskarínum, Ruba, har hann eitt nú lærdi at pressa buksur og annað, og eitt langt áramál arbeiddi hann í Havn­ar Bio. Tað, sum Erhard Mortensen tó mest er kendur fyri, er fyri sína trúgvu tænastu fyri brenn­i­ støð­ir­nar hjá Tórshavnar komm­ unu, har hann starvaðist í meira enn 40 ár - fyrst á gomlu brennistøðini í Havnardali og síðan á Sandvíkarhjalla, tá nýggj brenn­i­støð stóð liðug har í seinnu hálvu av áttatiárunum. Erhard Mortensen hevur altíð verið ein óføra raskur ar­ beið­s­mað­ur. Hann er lættur av lynd og hitt­in­orðaður og tey, sum kenna hann, siga, at tað hevur altíð ver­ið stuttligt og hugaligt at ar­beitt saman við honum. Sum 70 ára gamal fekk hann sína egnu trøð í Havnardali, og her brúkti Erhard Mortensen nógv av sínari frítíð. Í nógv ár hevur hann eisini havt frítíðarbát - ella gardinbát - og hann hevur verið víða um land­ið og í sínari tíð eisini í norska skergarðinum við bát­i­ num. Nógv heilsaðu Erhardi Mortensen í bátafelagshúsinum nýggjársaftan